شارية خضرة مجففة من سمراء عدن :/

[Dalal85]

قوة بنات ..


من فترة شريت خضرة مجففة مخلوطه من سمراء عدن و ما اذكر بالضبط حق شنو ...بس جنه جنه الريال قالي حق مرقة السمج او الربيان .. بس انا ما اعرف اسويها .. اشكثر احط و متى احطها ... واااي متوهقة و حرام مقطوطة بالمطبخ .. ابي اسويها اليوم لاني اشتهيت مرق ربيان ..

اللي عندها فكره عن الخضرة هذي تقولي ... او طريقة المرقة فيها ...

ابي اسويها غدانا اليووووووووووووووووووم .. الله يخليكم ساعدووووني :eh_s(16):

 

[Dalal85]

يعني بنطر وايد

 

[جارة القمر]

رد : شارية خضرة مجففة من سمراء عدن :/

شنو قصدج بهارات السمج صح

 

[moonflower]

اي حبيبتي خضرة مرق السمج نفسها خضرة مرق الربيان
شوفي اعلمج طريقة امي نفس ماعلمتني اول شي تحمسين بصل مع ثوم وبعدين تحطين فوقهم هذي الخضره الناشفه مع شوية اشبنت وشوية كزبره فرش طبعا وتحطين ملح وفلفل اسود وكركم ولومي اسود ناعم بس لاتحطين لو مي وايد وحمسي مع اضافة المعجون وطماط مقصص (لاتحطين وايد طماط لأنه غالي هاليومين ) لما تحسين ريحة الخضرة اطلعت عقبها حطي فوقه ماي كثر ماتبين وخليه يغلي بعدين حطي الربيان او السمج طبعا عقب ماتنظفينه وخليه على نار هادية وتحته حديده لما يطبخ
وبالعاااااااااااافيه

 

[<<لمار>>]

ماعندى فكرة

 

[بطه فيها نطه]

شوفي اختي .. سوي حميسة بصل مع طماط ناعم وثوم وشوية معجون + بهاراتك العاديه + الخضره ( خضرة السمك )

واللي اهي عباره عن ( شبنت وكزبره وكرفس كلها مجففه )

تاخذين خل نقول نص قلاصمن كمية الخضره ... وتضيفينه للحمسه وتزيدين عليهم ماي عادي ... الماي حسب كمية

الايدام عندك .. واذا تحبينه خاثر لاتكثرين الماي قلاصين ونص يكفي

الحين تكونين مزهبة قطع السمك وغاسلته ومتبلته بالطحين والكركم والملح وبهاراتك ... قليه بالدهن عادي

ونفس الطريقه للربيان ... عقب اخذي الايدام ( السمك او الربيان ) لازم يكون مقلي وتضيفينه للمرق

+ علب فلفل اخضرحار يعطي نكهه + لومي اسود حبه وحده تكفي


قصري النار عليه وخليه يطبخ طبختين والايدام ياخذ النكهه وعليك بالعافيه ...

 

[Dalal85]

مشكوووووووووووووريييييين وااايد وااااايد !!! كتبت وصفاتكم بالنوت عندي و راح اسويهم قريييييييبااا جددااااااا :***