شارية لـ ولدك أو لـ بنتك ( بلاك بيري ) ؟ تعالي يا غالية .. أنا لي كلام كبير معك !!

[مُخملْ]

الإنحراف يا غاليــة ( ما له سن معيّنة )
يا كثر آللي صاكين العشرين و تصرفاتهم مراهقيّة ,, و يا كثر المراهقين آللي عقولهم راشدهـ و أحسن بألف مرة من ناس صكوا الثلاثين
فـ الإنحراف ما له سن معيّنة ,,
نعم أفتش بجوال بنتي لو هي صاكة السّتين لأني مسؤولة عنها في يوم الحساب ,,

هلا حبيبة قلبيْ ،
يمكن فهمتيني غلطْ ، انا دائماً ضدْ تحديد سن معين ل,عقلية الفرد او لانحرافهْ.
بس اللي اقصدهْ ان اللي بسن صغيرهْ بعضهم يضيعونْ مبادئهمْ او تربيتهم او اخلاقهمْ
في سبيل التقليدْ او الاتباع ..
لكنْ طبيعي الواحدْ لما يتعدى سن معينه يوصل لمرحلة يعرف فيها الصح من الغلطْ ،
يكونْ ناضجْ اكثر عن اي مرحلة من حياتهْ - واكيد هذا الكلام ماينطبق على الشواذ عن القاعدة -
لكنْ بالاول والاخير قابلية الفرد للانحراف تعتمد عليه بالدرجة الاولى ،

يمكنْ آكونْ ضدْ التفتيش بصورة مباشرةْ لانه يحسس اللي جدآمجْ بانعدام ثقة ـ
صعب تفهمين بنتجْ / ولدجْ انجْ تسويينه لمصلحتهْ ، لآنه يعتبر هالشي تدخل في خصوصياته
وانعدام ثقة منجْ . . فطبيعي ممكن يغلطْ من وراجْ حتىْ ، يعرف انجْ تفتشين يسلكْ طرقْ ملتويه
عشانْ يسوي اللي بخاطره بدون مراقبتجْ .. فهالحالة المراقبة ماتفيدْ وبالعكس راح تزيد الامر سوء
لكن لما نربي البنت / الولدْ تربية تخليه يعتمد على نفسه ويقدر يميز الصواب من الخطأْ هني مهما
نحن ابتعدنا عنه لظروف تبقى التربية والاخلاق قايمه في نفسه .

وحلو لما نستعيض عن المراقبةْ المباشرة اللي تحسسه بالديكتاتورية بالتوجيهْ ، النصايح ْ ،
غرس مثل هالمبادىء فيهْ ، نشوف اهتماماتهْ اصدقاءه ..يعني تكون مراقبة غير مباشرة ..

 

[ترانيم القصيم]

حتى الانترنت كثير يستخدمونه في الامور الخطا

البلاك حاله حال اي جهاز

يمكن طلعت شوي برا الموضوع بس اللي ابي اقوله

المفروض اي بنت عندها بلاك ماتضيف الا اللي تعرفهم من الاهل والصديقات

ومو كل الاهل والصديقات فقط نختار منهم االلي يرسل مايفيد اذا تعذر مو لازم

نستخدم هذا الجهاز

اما بالنسبة للمراقبة العيال

حتى لو ماعندهم بلاك بيري بيشوفون بلاوي برا

الله يصلح عيالنا يارب ويبعدهم عن كل حرام

هلا و غلا حبيبة قلبي ,,

كلامك صحيح ,, و كل آللي ذكرته أنا يُعتبر قاعدة لأي جهاز نشتريه

و بالنسبة للإنترنت ,, أيضًا تطرّقت له يا عسل ^_^

و هذا كلامي آللي كتبته بنفس الموضوع :

الغريب العجيب والله يا أخواتي ,, أننا نشرّع لأبناءنا أبواب الفساد و الإنحلال و نفسح لهم المجال في ذلك

ثم بعدين نتضايق و نبكي ليه عيالنا انحرفوا ,, ليـه عيالنا ما صاورا صالحين مصلحين !!

نخليهم على الإنترنت بلحالهم ,, يتصفحون المواقع و المنتديات و يسهرون الليالي ,, ( من دون رقابة )

و إذا شفنا ولدنا يكلم بنت ,, و إلا بنتنا تكلم ولد ,, عصبنا و بكينا !!

طيب مو أنتم السبب ؟ ما فعّلتم مبدأ الرقابـة !! وش تبونهم يصيرون أجل ؟

تاركين عيالكم بهالأجهزة من دون رقابة .. و لا توجيــه ,, مخلينهم يسرحون و يمرحون ,, حتّى تتلقّفهم شياطين الإنس و الجن !

ثم بعد ذلك نعجب من انحرافهم ؟

و بخصوص المراقبة فلازم تكون موجودة و ما نهملها بحجة إننا ما نشوفهم وش جالسين يشوفون برآ

طيب الولد ما نقدر نلاحقه بالشارع .. بس نقدر نحاسبه على طلعاته و نسأله عن ربعه

و نشوف من يمشي معه و من هم أخوياهـ وشّم و منين ..

يقدر الأب يتابعه و يشوفه يروح للمسجد و إلا مطنش الصلاة ,, و يشوفه وين يروح و وين يجي ,,

بس البنت وضعها أسهل ,, لأنها مقابلتك في البيت و عند عينك و علمك ,,

غريبة إننا ما نقدر نتابع سلوكها ! ^__^!

بارك الله فيك حبيبة قلبي و أحسن إليك .. ^__^

 

[ترانيم القصيم]

هلا حبيبة قلبيْ ،
يمكن فهمتيني غلطْ ، انا دائماً ضدْ تحديد سن معين ل,عقلية الفرد او لانحرافهْ.
بس اللي اقصدهْ ان اللي بسن صغيرهْ بعضهم يضيعونْ مبادئهمْ او تربيتهم او اخلاقهمْ
في سبيل التقليدْ او الاتباع ..
لكنْ طبيعي الواحدْ لما يتعدى سن معينه يوصل لمرحلة يعرف فيها الصح من الغلطْ ،
يكونْ ناضجْ اكثر عن اي مرحلة من حياتهْ - واكيد هذا الكلام ماينطبق على الشواذ عن القاعدة -
لكنْ بالاول والاخير قابلية الفرد للانحراف تعتمد عليه بالدرجة الاولى ،

يمكنْ آكونْ ضدْ التفتيش بصورة مباشرةْ لانه يحسس اللي جدآمجْ بانعدام ثقة ـ
صعب تفهمين بنتجْ / ولدجْ انجْ تسويينه لمصلحتهْ ، لآنه يعتبر هالشي تدخل في خصوصياته
وانعدام ثقة منجْ . . فطبيعي ممكن يغلطْ من وراجْ حتىْ ، يعرف انجْ تفتشين يسلكْ طرقْ ملتويه
عشانْ يسوي اللي بخاطره بدون مراقبتجْ .. فهالحالة المراقبة ماتفيدْ وبالعكس راح تزيد الامر سوء
لكن لما نربي البنت / الولدْ تربية تخليه يعتمد على نفسه ويقدر يميز الصواب من الخطأْ هني مهما
نحن ابتعدنا عنه لظروف تبقى التربية والاخلاق قايمه في نفسه .

وحلو لما نستعيض عن المراقبةْ المباشرة اللي تحسسه بالديكتاتورية بالتوجيهْ ، النصايح ْ ،
غرس مثل هالمبادىء فيهْ ، نشوف اهتماماتهْ اصدقاءه ..يعني تكون مراقبة غير مباشرة ..

شكلنا انـا و إياك نتبادل الأدوار في الفهم الخاطئ ههههه

يا حبي لك يا عسل ^^

و كلامك صحيح ^__^

و أنـا ما أؤيّد أبدًا إننا نفتش بجوالاتهم بصورة مباشرة ( قدّامهم ) ,,

و إنما من خلفهم ,,

يعني تكون البنت نايمة ,, أو ماهيب حول الجهاز .. آخذ الجهاز و أشوفه ,, و تكون لي طلات عليه ما بين فترة و فترة

أو حتّى لو أبناظرهـ قدامها ,, آخذ الجهاز منها بحجة إني أبشوف و أتسلى ( يعني ما أحسسها إني أراقبها أو ما أثق فيها )

و بالمقابل أخليها تمسك جوالي و تشوفه و تتفحصّه و تلعب فيه

حتّى أحسسها بالأمان و طبيعية تصرفي لامني مسكت جوالها و جلست أناظر فيه ^_~

بارك الله فيك ..

 

[ترانيم القصيم]

يعطيج العافيه للموضوع القيم للتنبيه فيه لمصلحه عيالنا
انا ضد التلفون مع الابناء وعيالى اكبرهم خامس ابتدائى واغلب ربعه عندهم ايفون الا هو يبجى يبى نفسهم لكنى رفضت وعنده اى بود
انصدمت قبل امس لما بنتى قالتلى ماما مابى هاى نون قلت ليش قالت من الرسايل قلت شنو اى رسايل؟
لما قريت لقيت كلمات مالها داعى بنى اسمها بهاى نون توته الرسايل من واحد اسمه المارد كاتب مال امج طبعا فاهمينى وايهو احسن مالج ولا مال امج ومن هل كلام الي ماله داعى لما رحت لجهاز ولدى لقيت بلاوى بالالفاظ والسب والهواش على طول مسحت اللعبه
المقصود من كلامى حتى الاى بود اذا تخلون عيالكم يشبكون من الدى اس ال او الواى فاى احجبو المواقع باليوتيوب وهاى نون اما تشطبونها او تفتحون عيونكم لان فيها بلاوى
مشكوره اختى على الموضوع

صاااااادقة

و الآيفون و الآيبود و الآيباد فيهم أشياء قذرة جدًا

لكن فيه حركة تسوينها تلغين منها الأشياء الهابطة ,, بحيث إنك تحددين سن الشخص آللي يستخدم الجهاز

و بصورة آليــة الجهاز يلغي كل شي ما يناسب سن هالشخص

يعني يحجب لك ألعاب العنف و ما إلى ذلك ..

و تقدرين تقفلين الكام و اليتويوب و متجر التطبيقات و المتصفح

شوفي هالموضوع ضروري :

http://www.q8yat.com/t975363.html

بارك الله فيك ..

 

[ترانيم القصيم]

جزاج الله خير على هالموضوع

المشكلة مو بالتقدم والأجهزة المشكلة بالتربية والمتابعة لازم الام اتابع بشكل غير مباشر .

وهذا عالم مفتوح والمراهقين يحبون يجربون كل شي ولي صار ممنوع راح يتبعون اساليب ملتوية علشان يحصلون عليها.

فالام والابو يوفرون لهم مع المتابعة والتنبيه وفي حدوث اي خلل ينحرم من الجهاز.

أهلين يمه ^^ وشلووونتس يا بعدي ,, ^__^

منورة أقوى شي

و كلامك صحيح و سليم يا الغاليــة

و هذا المفروض ,, يا إنك تشترين لعيالك الجهاز ( بس تكون فيه مراقبة و متابعة ) و إلا لا تشترينه أزين

بارك الله فيك ,,

 

[ترانيم القصيم]

الدنيااااا بكبرهااا صايره تخرع
يعني ولدج ولا بنتج تبي ايفون ولا بلاك بيري حالها حال اللي بعمرها والليل والنهار تحلطم وتبجي اكيييد بتشترين لها
والخراااب بكل مكااان بالانترت والايفون وحتي ب الالعاب
عيل ما شفتوا لعبه حرامي السيارات
شيسووووووووي
ياااااالهووووووووووي
اكيييد عيالكم يعرفون العبه ويعرفون سوالفها
لاني شفت اللعبه فديوا برودكسات وانصدمت


مالج الا الدعاااااااااااااااااااء والله يحفظ اعيالنا من كل مكرووووه

لازم تكون فيه مراقبة و متابعة و تنشئة صحيحة قوية لعيالنا ..

الله يصلح الأحوال ,,

با مال العافية يا قلبي منورة قمورة ,, ^^

 

[ترانيم القصيم]

الله يستر على هالجيل
فعلا بعض الناس وصلت فيهم ان يشوف هالصور والاشياء الاباحية طبيعيه جدا لدرجة ان يسولفون فيها ويحطونها بصور العرض والبروفايلات بكل جرئهـ

بصراحهـ انا ملاحظهـ في بنات تواقيعهم يعني مو شي هني بالمنتدى صور بنات عاريات

صح كلامك ,,

و صح بالمنتدى فيه هالنوعية .. عسى ربي يهدي الكل و الجميع :eh_s(2):

أنـا أستغرب من آللي يحطون هالصور ما يخافون يباغتهم ملك الموت في أي لحظة ؟

وقتها راح تتمنى لو ربي يمهلها لو دقيقة وحدة حتى يمديها تحذف الصورة من توقيعها أو رمزيتها :eh_s(2):

يا أخواتي الحبيبات ,, إن لم تكن لك صدقة جارية ,, على الأقل لا يكن لك ذنب جاري !! :eh_s(2):

عمومًا بلغي عنهم بنت الكويت

لا تستكتين ,,

ما لم يُتزع بالقرآن ,, يُنزع بالسلطان ,,

فيه ناس ما تفيد معهم النصيحة ,, فلازم نستخدم معهم سلطة المنع ,,

لأن ضررهم يتعدّى لنـا حنـا بعد !

لما بنت تحط لك صورة هابطة أو عارية بتوقيعها كلمي مديرتنا بنت الكويت

تراها تحذف هنانوعية من الصور ..

صور البنات آللي طالع صدرها أو ظهرها أو فخذها ,, أو الصور الرومانسية هذا كله تشيله و ما ترضى فيه

فلا تسكتين يا الغاليـة ,, ارسلي برابط الملف الشخصي للعضوة آللي تتجاوز بالصور

و احتسبي الأجر يا عسل ,, ^__^

وفقك الباري ..

 

[ترانيم القصيم]

أول شي جزاج الله خير يا عمري
ثاني شي بصراحه أنا أأيدج بوجود الانحلال بالبرودكاستات و الرمزيات
لكن مثل ماقلتي حسب القرين
اللي تشوف في ناس حاطين رمزيات او يرسلون برودكاستات منحله تنصحها و اذا ماتعدلت تشيلها من القائمه ببساطه!

كلامك صحيح و الصاحب ساحب ,,

بارك الله فيك يا غاليــة و أحسن إليك

منورة يا فاضلة ,, ^_^

 

[كوين العرب]

الله يجزاك الجنه موضوع خطير ومهم لكل ام واخت اسال الله

ان يحفظ ابنائنا من كل سوء

 

[ترانيم القصيم]

آمييييين يااااا رب

منورة يا قلبي جزاتس الله خير

 

[A5tsloom]

جزاج اللَّــہْ خير الجزاء اختي الغاليه
وانا بزيد 6ـَاـْى كلامج نقطه مهمه لو سمحتي بقول للبنات اللےْي بعمري الي عندهم أيفًًـــْـَِٓـًٍِؤؤن او بلاك بيري
تذكري ان اللَّــہْ يراقبج وكل شي تكتبينه بتشوفينه وتتحاسبين عليه يـَـَـَؤؤؤمـَََ القيامه
ومثل مـِْ♡̨ـِْا اهلج حطو الثقه فيج وعطوج آلجھھھھـْآزخلج ع قد الثقه وديري بالج تتهاونيين
بارك اللَّــہْ فيج غاليتي

 

[ترانيم القصيم]

جزاج اللَّــہْ خير الجزاء اختي الغاليه
وانا بزيد 6ـَاـْى كلامج نقطه مهمه لو سمحتي بقول للبنات اللےْي بعمري الي عندهم أيفًًـــْـَِٓـًٍِؤؤن او بلاك بيري
تذكري ان اللَّــہْ يراقبج وكل شي تكتبينه بتشوفينه وتتحاسبين عليه يـَـَـَؤؤؤمـَََ القيامه
ومثل مـِْ♡̨ـِْا اهلج حطو الثقه فيج وعطوج آلجھھھھـْآزخلج ع قد الثقه وديري بالج تتهاونيين
بارك اللَّــہْ فيج غاليتي

عسى ربي يجزاك بالجنة و يكثر من أمثالك

مشكورة على النصيحة الحلوة الطيبة الراقية

آللي تدل على إنسانة طالعة من بيئة راقية و محترمة

عسى ربي يثبتك ,, و سلمي ع الوالدة ^__^

و أبد الموضوع موضوعك ,, خوذي راحتك و زيدي عليه آللي تبين

موضوعي ناقص و ما يكتمل إلا بوجود أمثالكم :eh_s(22):

 

[قلبي يتبعك]

السلام عليكم

لو تتبدل البرودكاستات المنحطة بشيء ديني ومعلومات مفيدة جان احنا بخيير

بارك الله فييج اختي

 

[ترانيم القصيم]

و عليكم السلام و رحمة الله و بركاته

هلا و غلا يا عسل

جزاتس الله خير يا غاليـة

و يا ليت والله تتبدل البرود كاستات بشي ديني و هادف

و يتركون نشر رسايل الغرام و الحب و هالمسخرة

منورتني قمووورتي ،

 

[PuPa^^SWeeT]

صااجة يا ترانييم القصييم




الله يهدي الناس والاهل

 

[VET-Nour]

يبا خلاص كل واحد مسؤول عن عياله
انتي مسؤوله عن عيالج+نفسج , مو عيال الناس
يااخي ماراح تتحاسبين ع تربية الناس لعيالها
مالج شغل فيهم , الي يحط و لا يدز جذي سوي ديليت
و اذا ماتبين ضيفي بنات زينين ,
انتي ماضفتي الا المترديه و النطيحه
و ع فكره الي يخاف ع عياله بيراقب تصرفاتهم مو بينطر احد يقوله ,
و الخرااااااب بكل مكان حتا بالمدارس نفسه
و بالبيت و الغرفه نفسسها
مو بالاجهزه بسس ؛*

 

[بنت الهيلا $511]

حبيبتي انا عندي بلاك بيري بس بدون خدمه
واحس انه تلفون عادي البلا من الخدمه مو من الجهاز

 

[بنت العقربيه]

جزاك الله خير

والله يكثر من امثالك

انا والله ماحبيتة اولا شفت اخوي واختي جابوة قلت بجربة اول وبصراحه ماحبيتة والي كرهني فية هم اخواني مايفكونة طول الوقت وهو في يدهم خلاص جننوا الوالدة ماغير يقومون عليه وينامون علية وياكلون وهوبيدهم والوالدة تدعي على الي اخترعه والي دخلة المملكة وتقول انة لافساد مجتمعنا كنت بشترية لان الكل صارعندة بلاك بيري لكن ماحبيتة ولاشفت اني استفدت منة بشي وهو اساسا اخترعوة لرجال الاعمال ماخترعوة الا لهم والله الغرب انهم ناس يفكرون بعقولهم صحيح يبغون يخربون ويفسدون شبابنا ووبرافوا عليهم قدروا وبامتياز لكن في نفس الوقت احنا الي استخدمناة غلط والاب اوالام الي يشتري لعيالة بلاءبيري قبل مايتخرج من الثانوية غلاطان يشتري لة نوكيا ويخب عليهم بعد
والله انها فعلا مشكلة لكن مافية الا الحل الي قلتي علية بس مااتوقع ان الامهات او الاباء بيتخلون عنه بعد ماادمنوة اول شي خلينا نفكة من يديهم بعدين من عيالهم

مشكورة والله انه موضوع يستحق النشر في جميع المنتديات

 

[غايتي الجنة]

صج بلااويهم مااتخلص هالتلفوناات خاصه البلاك بيري بس يبقى النفسس ووازعها الديني وخووفها من الله هو الراادع عن هالاشياء

انا ماعندي بلاك بيري بس طبعا كل واحد واستخداامه حتى النت فيه بلااااوي واشياء تصصصعق من كثر الفسااد بس يبقى كل واحد واستخدامه !

وكل شي فيه الزين والشين مافيه شي كامل "لابد من السلبيات"

انا مااشجع بكلاامي هذا ع هالبلااك بيري لاا والله وفعلاا انا معاج انه لاابد من المراقبه بس كنت بقوول ملاحظه انه الوازع الديني هو الرادع عن هالفساد المنتشر

 

[FDET NFSY]

اااااااااااااااااااااااب

جزااج الله خير