شاكة ان فيني صداع نصفي .. شسوي؟

[[كـالا]]

السلام عليكم

بنات انا صارلي مدة احس باعراض غريبة .. وبالفترة الاخيرة قام اييني عوار مو طبيعي بصوب واحد من راسي

قريت عن الموضوع .. وتطابقت اعراضي مع اعراض الصداع النصفي (الشقيقة)

بنات قولولي وين اروح عشان اتأكد

قصدي حق دكتور شنو اروح؟ دكتور اعصاب مثلا؟

ولا اروح المستوصف العادي؟

والله بنات مادري شسوي .. وماقلت حق احد الحين .. احاتي وخايفة اقول حق ريلي لا يحاتي

واذا عندكم معلومات عن هالمرض عفية فيدوني

انا قريت ان ممكن بعدين ماتحمل الأضواء والأصوات

ساعدوني بليز

 

[منوووووله]

عليج بالليمون والزعفران خلطيهم معه ماي ورد وخل ودهني فيهم راسج ونامي خلج كله مريحه راسج


وهم عليج بالمورفين المسكن للألم موجود بالصيدليه ,,

 

[جنون العاصفه]

انافيني عوار بس ماني عارفه شنو ........احس بثقل وتنمل

 

[ماجين]

رد : شاكة ان فيني صداع نصفي .. شسوي؟

الدكتور هشام الخياط دكتور اعصاب بمستشفى دار الشفاء واايد شاطر وعارف شغله والكل يمدحه

 

[[كـالا]]

عليج بالليمون والزعفران خلطيهم معه ماي ورد وخل ودهني فيهم راسج ونامي خلج كله مريحه راسج


وهم عليج بالمورفين المسكن للألم موجود بالصيدليه ,,

مشكوورة منوله بس انا مابي علاج .. ابي اتأكد اللي فيني صداع نصفي ولا شي ثاني

عموما ماتقصرين

 

[[كـالا]]

انافيني عوار بس ماني عارفه شنو ........احس بثقل وتنمل

انا العوار اييني بنصر راسي واحس فيه جنه نبض

وعيوني اللي على نفس الجهة تعورني حتى رقبتي

وساعات الرؤية تشوش عندي ماشوف عدل .. بس انا كنت اقول يمكن من عملية اليزر

بس التنمل مادري عنه

 

[[كـالا]]

رد: رد : شاكة ان فيني صداع نصفي .. شسوي؟

الدكتور هشام الخياط دكتور اعصاب بمستشفى دار الشفاء واايد شاطر وعارف شغله والكل يمدحه

مشكورة ماجين

هالدكتور يتعامل مع حالات الشقيقة؟

واذا بروحله لازم موعد ولا عادي ايو قت ادخل عليه؟!

 

[[كـالا]]

بنات مافي وحدة تعرف شي عن هالمرض؟

 

[فاطمه اشكناني]

رد : شاكة ان فيني صداع نصفي .. شسوي؟

حبيبتي انا في الشقيقه ورحت كل مكان ماله علاج غير المورفين الابر بالمستوصف كل ما ايني العوار اروح هناك
المستوصف