شاكين انه فيها ربط

[no-hope]

سلام عليكم
شلونكم بنات شخباركم
ادري تعودتو على اكتب مشاكلي لوول شسوي ماعندي احد اشكيله غيركم

بس اليوم مراح اكتب شي عني
السالفه عن رفيجتي
ذاك اليوم بالدوام قاعدين نسولف
مشاء الله عليها اياه من الجمال و اخلاق و محترمه يعني ما تقطون منها شي و ملتزمه
المهم ف على السوالف و جذي جان وحده تقولها انا شاكه مسيلج ربط
لانه تخيلو عمرها 25 و محددد يالها الا مره وحده بسسسسسسسس
يا ربط يا عين
المهم اهيه مسكينه انحرررررجت و ما تكلمت بس ابتسمت
كسرت خاطري والله اهي تستاهل كل خير
المهم رفيجتي الثانيه قالتلي ليش ما تشوفين وحده تشوف اذا اهيه مربوطه و تعطيها علاج بالقران
تقول انا سمعت في وايد ناس جذي و تعالجو؟
انا للامانه مااااااااااااااااااااعرف ولا نقطه معلومه عن هل شي
ياريت اللي تعرف تفيدنا و تذكرلنا وحده معروفه
ودي اكسب فيها اجر بنات

ناطرتكم

 

[ابدا يالغالي مانساك]

رد : شاكين انه فيها ربط

هذا نصيب وبيد الله سبحانه
لا ربط ولاغيره
وتوكلوا علي الله بيد ه كل شي

 

[جوري الزبير]

ماعليج بهالسوالف الله سبحانه مقدر لها هالشي وكل شي بيد الله سبحانه لا ربط ولا غيره وان كانت منظوره او عين فقراءه سورة البقره والاستغفار والصلاة مافيه احسن منها ولا فلان ولا علان.. وعلى فكره ماهي بالكبر الوايد توها البنت لا تحسسونها ان 25 خلاص راحت عليها الله يرزقها بالزوج الصالح يارب ويقر عينها بشوفة ذريتها :yaaaaaarb:

 

[سارة ة]

كل واحد ياخذ نصيبه

 

[ام شووووق]

رد : شاكين انه فيها ربط

خلها تقرا سورة البقرة احسن شي

 

[شمس 20]

خليها تقرا البقره 40 يوم واذا فيها شي يبين


الله يرزقها يارب

ووينها عن ربها :yaaaaaarb:

خل تلجاله وتدعي وعسى الله يوفقها ​

 

[زوجة عزيز]

الله يرزقها بولد الحلال ان شاء الله وتفرحون فيها ولازم اتروح لشيخ يقرى عليها او اهي بنفسها تقرى الرقيه الشرعيه ولازم تدوام على قراءة اذكار الصباح والمساء وتقرى سورة البقره والله يفرجها عليها ان شاء الله

 

[ام^تبوله]

ما أعتقد ان ربط يمكن نصيبها ليلحين ماياها ومثل ماقالولج البنات خل تقرأ سورة البقره
وهم سورة يس وااااااااااااااايد زينه وفيها عجايب وخل تتوسل بالله سبحانه وهالله هالله بصلاة الليل​

 

[no-hope]

رد : شاكين انه فيها ربط

ثاااانكس بنات
بس ترا اهيا ما تكلم البيت تستحي حيل اصلن يومها بس ابتسمت
انا اللي يت و كتبتلكم من نفسي
لانه اسم الله عليها ما عليها قاصر
انا بقولها تقرا مثل ما قلتولي

 

[الأميرة جوري]

رد : شاكين انه فيها ربط

ما اعتقد ربط بس خليها تدعي ربها واللي مكتوب لها بتاخذه ..

 

[قاهره عذالي]

رد : شاكين انه فيها ربط

الله يكافينا شر السحر بس
والناس اللي ماتخاف الله

 

[أم عايض]

رد : شاكين انه فيها ربط

كـــــــــل شئ قسمه ونصيب
والي كاتبه الله بصير لها
وبعدين كل وحده لزم تحصن نفسها بالقران والادعيه

 

[*ريما*]

رد : شاكين انه فيها ربط

كل شي تحطونة على العين والحسد والسحر
للحين ماجاها نصيبها وبس

 

[bent_7awa]

رد : شاكين انه فيها ربط

<< مآتعرف شنو يعني ربط :eh_s(10):

بس الارزاق بيد الله اختي .. وتلجأ لـ ربها احسنلها

 

[الطيب_كله]

نصيحه خليها تحط قناه الحقيقه من الساعه 12 لي 8 الصبح يحطون الدكتور محمد الهاشمي يقرا قران الرقيه الشرعيه للسحر والعين وتسهيل الزواج
وايد زين

 

[لولوة الكويتية]

الله يرزقها بولد الحلال الي يسعدها

 

[عسل سل]

سواء ربط ولا مو ربط خليها تقرا سورة البقره عشان بعيد عن الشبهه اذا ربط او لا

 

[Miss McDonald]

• خليها ترقي نفسهآ وتقرأ البقرة بـ 40 ليلة بنية الزوآج
• الله يرزقهآ بالزوج الصآلح عاجلاً غير آجل