شالحاله بالله!!

[Prada Girl]

غياب
مرضيه
تاخير
استأذان
مرضيه
غياب
تأخير
استأذان
ليش كل يوم الصبح اتعسر قبل لا اقوم و اول شي افكر فيه اليوم شنو؟؟
مرضيه و الا غياب و الا شنو؟
ليش كل يوم احسب متى اتقاعد!؟
بقعد في البيت ومشولي نص المعاش راضيه..
اليوم و انا اخذ شاور الصبح
تكفون شنو طرا علي ؟؟
بشتغل امينه مخزن؟؟
يوم واحد في السنه تشتغل
و طول السنه تفتر..
و عطله 3 شهور بالصيف
و شهر بالشتا
ترا نعمه
انزين باجر شنو؟
طبيه و الا غياب؟
او بشوفلي صرفه بعمري !!
ابي دوام من العشر الصبح وين؟

copy from:
Something I can't get, I don't want it
lawyer & Mhard lawyer & Mhard

 

[قلب راشد]

الحااله عند الكل بس آخرتها بتتعوذين من ابليس وبتهدين حبيبتج ((المخده )) وتروحين الدواام

ولما تردين البين راح تلمينها بكل شوووووووووووووووووووق

 

[سمحة]

اذا كان تفكيرك قبل لا تنامين انك رح تصحين نشيطة و مصحصحة ان شاء الله لما تقومين يكون مثل ما تبين
جربيها وادعلي لي وادعي للي علمتني

 

[حناينq8]

تعوذي من ابليس وقصبي نفسج على الروحه
حبي دوامج وراح تحبين الروحه حقه

 

[كل الحب]

اذا كان تفكيرك قبل لا تنامين انك رح تصحين نشيطة و مصحصحة ان شاء الله لما تقومين يكون مثل ما تبين
جربيها وادعلي لي وادعي للي علمتني

حلوة الفكرة بسويها السنة الجاية أذا اللة أحيانا


واللة اللى يصبرنى على القومة كل صبح أنى عارفة برد أقيل :ch12:

 

[قهوة برية]

هذا الحوار اليومي المعتاد ...!!!!!

 

[totonay]

سلام حبوبة .. انتي ذكرتيني في حالتي قبل جم سنة كنت أحسب حساب الطبيات والاستئذانات بس لما تفكرين شوي في اللي قاعدة تسوينه صدقيني ما راح يرضيج لأن سيدنا محمد عليه الصلاة والسلام وصانا اذا عمل أحدكم عملاً فليتقنه .. هذا لما بس يطري في بالج راح يخليج تتسائلين هل المعاش اللي آخذه عن أيام الغياب حلال والا حرام ؟؟ صدقيني لما تنتبهين الى النوم ليس الا موتة صغرى وانج لو تنامين 18 ساعة ما راح تشبعين من النوم .. أنا ركزت في حلقة من حلقات الدكتور ابراهيم الفقي وكان عنوانها المفاتيح العشرة للنجاح فتح عيوني على أشياء والله ضيعت سنين من عمري ((( أنا مو كبيرة :tomato2) صدقيني لي الحين سنتين ونص وانا متبعة طريقة صج صج صج فادتني وخلتني اتلذذ في الدوام مع أن دوامي مو كلش ولا حتى المجموعة ذاك الوناسة بس انا برمجت نفسي أني أقعد الصبح الساعة 5 شتا والا صيف عادي أصلي الفجر وأقعد أشرب النيسكافيه وأقرا الجريدة وألبس وأطلع أودي الجهال مدارسهم وبعدين أطلع لدوامي والله ولا يوم غبت عن الدوام عبط اللهم اذا كان واحد من عيالي مريض أو أنا كللللللش تعبانة لأني بكل بساطة فكرت في النوم زاد والا نقص شبيصير ؟؟؟ راح أرد البيت وأنام الظهر يعني شلون !!! نفس الشي فأنصحج حبيبتي لوجه الله غيري من نمط حياتج وانتي راح ترتاحين نفسيا ومادياً نعم لأن والله راح تشوفين شلون ربج يباركلج في معاشج :eh_s(8):.​

 

[قهوة برية]

سلام حبوبة .. انتي ذكرتيني في حالتي قبل جم سنة كنت أحسب حساب الطبيات والاستئذانات بس لما تفكرين شوي في اللي قاعدة تسوينه صدقيني ما راح يرضيج لأن سيدنا محمد عليه الصلاة والسلام وصانا اذا عمل أحدكم عملاً فليتقنه .. هذا لما بس يطري في بالج راح يخليج تتسائلين هل المعاش اللي آخذه عن أيام الغياب حلال والا حرام ؟؟ صدقيني لما تنتبهين الى النوم ليس الا موتة صغرى وانج لو تنامين 18 ساعة ما راح تشبعين من النوم .. أنا ركزت في حلقة من حلقات الدكتور ابراهيم الفقي وكان عنوانها المفاتيح العشرة للنجاح فتح عيوني على أشياء والله ضيعت سنين من عمري ((( أنا مو كبيرة :tomato2) صدقيني لي الحين سنتين ونص وانا متبعة طريقة صج صج صج فادتني وخلتني اتلذذ في الدوام مع أن دوامي مو كلش ولا حتى المجموعة ذاك الوناسة بس انا برمجت نفسي أني أقعد الصبح الساعة 5 شتا والا صيف عادي أصلي الفجر وأقعد أشرب النيسكافيه وأقرا الجريدة وألبس وأطلع أودي الجهال مدارسهم وبعدين أطلع لدوامي والله ولا يوم غبت عن الدوام عبط اللهم اذا كان واحد من عيالي مريض أو أنا كللللللش تعبانة لأني بكل بساطة فكرت في النوم زاد والا نقص شبيصير ؟؟؟ راح أرد البيت وأنام الظهر يعني شلون !!! نفس الشي فأنصحج حبيبتي لوجه الله غيري من نمط حياتج وانتي راح ترتاحين نفسيا ومادياً نعم لأن والله راح تشوفين شلون ربج يباركلج في معاشج :eh_s(8):.​

طيب قولي شنو قال او بعض من الي قاله ممكن ..!!

يعني نويرنا عن جد وبميزان حسناتج

 

[5obza]

مشكوره

 

[totonay]

طيب قولي شنو قال او بعض من الي قاله ممكن ..!!

يعني نويرنا عن جد وبميزان حسناتج


حبيبتي قهوة برية حطيتلج رابط تلاقين فيه كتاب (( المفاتيح العشر للنجاح )) للدكتور ابراهيم الفقي بس سجلي ونزليه . وفي نفس الموقع الحلقات الأربع لبرنامج المفاتيح العشر للنجاح واتمنى الاستفادة لج ولغيرج :bye22:




http://www.nlpnote.com/forum/showthread.php?t=18212

 

[ميراندا]

نفس الحاله عندنا اهني

المشكلة ان ما عندنا هدف للدوام .. شنو هدفنا ... ليش نقعد من الصبح و انداوم ؟؟

بس الحمدلله الله هداني و حددتلي هدف ولو انه بسيط .. لكنه فعال

اني اروح الدوام و اقعد اجابل النت و افرغله عدل .. بالبيت ما آخذ راحتي
في مواقع تعليمية و منتديات حلو الواحد يستفيد و يتعلم

بس هذا هدفي الوحيد اللي خلاني انطلق بقوة من سريري و اتجه لدوامي المليييييييييييييييق

وهنا حلينا مشكله المرضيات و الغياب ..
لكن تبقى مشكله التأخيرات قائمة و لم اجد لها حلا حتى اللحظة

 

[شيهانه]

مشكووووووووورين على الموضوع فيه خووش نصايح


انا اقول هدي السهر اهو المشكله .. البنات يسهرون طول الليل على برامج تافهه ما تسوى لو الواحد ينام من 10 او 11 بيصحى واهو نشيييط ..

 

[قهوة برية]

طيب قولي شنو قال او بعض من الي قاله ممكن ..!!

يعني نويرنا عن جد وبميزان حسناتج


حبيبتي قهوة برية حطيتلج رابط تلاقين فيه كتاب (( المفاتيح العشر للنجاح )) للدكتور ابراهيم الفقي بس سجلي ونزليه . وفي نفس الموقع الحلقات الأربع لبرنامج المفاتيح العشر للنجاح واتمنى الاستفادة لج ولغيرج :bye22:




http://www.nlpnote.com/forum/showthread.php?t=18212

فديتج انا مشتركة بالمنتدى ومشكورة ماقصرتي:tek::tek:

لكن الي اقصده الي بالكتاب غير لما يشرح الدكتور لج مباشرة يعني لابد من فكرة اهنيه سالفه مناك يعني

يستحيل اي دكتور يحاضر بالملي من الكتاب لازم يعطي افكار قد تكون حاضرة بذهنه حزتها

هذا الي انا قصدته قلبي:tek:

 

[ام فهووودي]

مشكورين على الحلول

لان انا بعد نفس الحاله مرضيات واستئذان وغياب

 

[green tea]

اشرايج انا دوامي يبدي 7 الصبح وينتهي ثلاث ولا انام العصر ولا اخذ مرضيات ولا استئذانات ولا اتاخر
ترا النوم يجر النوم ولو بتنامين 20 ساعه باليوم هم ماراح تشبعين

 

[:: Diva ::]

يوميا احاجي نفسي
قومي داوم !
و شكثر غايبه والله مو باقي لي حق السنه اليايه الا 5 غيابات يخلص رصيدي
سنه 5 غيابات شسوي ؟!
بس ما أتأخر

 

[غزلان]

انا مرت فتره كل صبح اذا بقوم للدوام اقعد ابجي
بس خليني اقولج طريقه حلوه
حبي دوامج استانسي فيه تذكري انه من الدوام تحصلين فلووس تستانسين فيها وتعزج وتغنيج عن الناس وتذكري انه بالدوام تلاقين رفيجاتج وحاول تنامين مبجر وطولي بالج وقبل لا تنامين خلي اعصاابج هاديه وحطي في بالج انه الدوام شي بالطيب منج مو بالغصب
والله يسهل عليج ان شالله
ماكو داعي للطبيات والاستاذان وكل هاذاا خليهم للضروري رتبي حياتج يعني انتي مداومه مداومه ليش التاخير !!!!!

 

[النويرة]

سبحان الله وانا كنت على بالي بس انا اللي جذي
واقول العالم كلها مجابلة شغلها شمعنى انا اللي ما تحملت وهديته

بس كلامكم اللي قلتوه الحين نفس حالتي بالضبط كل يوم كأني رايحة لزنزانة تعذيب
استغفر الله العظيم شكلنا مثل اطفال الابتدائي كل يوم بجي ومأساة

 

[قهوة برية]

سبحان الله وانا كنت على بالي بس انا اللي جذي
واقول العالم كلها مجابلة شغلها شمعنى انا اللي ما تحملت وهديته

بس كلامكم اللي قلتوه الحين نفس حالتي بالضبط كل يوم كأني رايحة لزنزانة تعذيب
استغفر الله العظيم شكلنا مثل اطفال الابتدائي كل يوم بجي ومأساة

تدرين ليش...!!!!

لأننا نعاني من بطالة مقنعه حتى بدوامتنا

يعني تكدس وظيفي وشغل مافيه ...!!!

واغلب الموظفين يشتغلون بوظايف مو موافقه

رغباتهم والبركة بديوان الخدمة

إلا اذا جان عندج واسطة وغير

العنصرية والتميز والشليلة بين المرؤس والمرؤسين

وغير طبعا بلاغة شف وشفاحة الموظفات

الي وياج يتدخلون بشئ مايخصهم

وسلامتج :tek: