شالحل بهالموقف ساعدوني

[chocolate-T]

السلام عليكم
بنات ادعيلكم وحدة وحدة الله يسهل عليكم كل اموركم
راح اقول سالفتي باختصار ريلي مستخف الا يبي يسافر مع رفيجه اوروبا المهم انا رضيت بالمر الواقع لان ادري لو بزعل وبطنقر هم بيسافر ومابي اصير انانيه اهو من زمان بخاطره يسافر سفره قويه ومع ربعه قلت خل يغير جو عل وعسا نفسيته تتعدل معانا انا واليهال لان من تزوجنا قبل سبع سنين واهو يحن ويزن علا هالسفرة المهم توا كنا نبي شغله ومو محصلينها قالي دوريها بقوقل قتله تليفوني مافي شحن خذيت تليفوه ادور بنات تعرفون ان قوقل اول ماتبين تكتبين يطلعلكم كل المواضيع اللي مدورين عليها واخر المواضيع اهو)hot girls in salzborg
ونفس ه بالمانيا يعني قاعد يدور بنات؟؟؟؟؟؟؟؟؟؟
انا هديته وقمت ويقولي ماتبين تتناقشين ليش قمتي قتله ماعندي نقاش ومشيت عنه اللي يحر ان ييكلمني عادي ومعصب علي لان قتله مابي اتناقش شسوي وشنو اقوله ومابي يقص علي بكلمتين اهو رايح رايح لامحاله عفيه مشورتكم

 

[ام فواازي]

والله مادري شقولج بس حذريه وقولي له انا مو راضيه على روحتك ولو رحت حط في بالك ماراح تقرب مني لين تسوي فحص
وعاد اذا مافاد بعد شتسوين الشكوى لله استودعيه ربج يصك عينه عن الحرام

 

[رنيم الروح]

حبيبتي قعدي وياااه وتحمليه مهما عصب بس حاولي اتنبهينه وتقولين هالشي حرام
وحاولي تذكرينه باحاديث والخوف من الله والله يهديه واذا مافي مجال استوديعه الله

 

[اميره1980]

ليش ما واجهتيه بحزتها
و ريلج يدري انج ماسكه تلفونه لغرض معين مو قاعدة تتجسسين عليه يعني ما راح يزعل و يتهمج بالتجسس

المواجهه احسن حل
الله لا يقولها يروح هناك و يخربط و يرجعلج بالامراض هذا موضوع ما ينسكت عليه

 

[احلام واقفه]

رايي مثل راي البنات

 

[طنيانه]

يعني هوو درى انج كشفتيه

اذا درى اممممم مادري شقول بس يمكن اظلمه لو بعطييج هالحل
المهم تأكدي من السفره اذا كانت شريفه او لا ذيك الساع نقدر نحلها بعد الله


واذا مادرى اقعدي وياه وبلغيه باللي شفتيه

 

[HaWeK]

اشكره يبي يخربط !!! معروفة سفرات اوروبا شنو فيها .. شوفي مابي ازيد وضعج بس جد حطيت نفسي مكانج مت قهر
ماقول الا قعدي وتفاهمي معاه .. والله يعينج جد :\

 

[chocolate-T]

شكرا لكم حبيباتي على كل كلمة قلتوها
بنات انا صارلي سبع سنوات متزوجة وشفت فيها الحلو والمر
لكن وايد مرات ربعه يوسوسوله روح جدد وغير وشحقا تضل على مرتك
طبعا هالكلام يكون صوت ربعه ذالع بره التليفون وهم شفت عنده صور وافلام اباحيه ولما واجهته يقول عادي مايأثرون فيني وتمر بين الرياييل عللى ظحك طبعا هالحجي كل مو يايزلي تهاوشنا شكثر بس قمت اطوف عشان مابي بيتي يخترب جربت معاه كل الطرق كنت استحي وصرت جريئة غيرت لبسي وستايلي بكبرهبس عشان لايطالع قلت يمكن القصور مني لكن للاسف ماكو فايده هم اجكه يطالع واحنا بالسوق او مطاعم
قتله تبي تطالع طالع انت عندك بنتين باجر الله بيوريك فيهم


الحين عذره على هالموضوع ان رفيجه اهو اللي متعبث بالتليفون>>>>>>>هالعذر حق جميع المصائب هههههه
وسويت اللي قلتو عليه ومصمم
اذا تشورون علي بشي ثاني رحم الله والديكم

 

[chocolate-T]

يعني هوو درى انج كشفتيه

اذا درى اممممم مادري شقول بس يمكن اظلمه لو بعطييج هالحل
المهم تأكدي من السفره اذا كانت شريفه او لا ذيك الساع نقدر نحلها بعد الله


واذا مادرى اقعدي وياه وبلغيه باللي شفتيه

حبيتي اهو عطاني التليفون عشان ادور بقوقل وطبعا يبين شنو اخر شي كنتي تبينه

 

[chocolate-T]

شدعوه كويتيات ٨٩ مشاهدة بس ستة اللي ردو علي

 

[Om Weldy]

و الله ما ادري شقولج بس نفسي عليه و خليه يولي لين يروح و يرجع ذيك الساعة يصير خير ,, نقاشج الحين كلش ماله فايده لأن مسافر و اكيد بيدور على عالأشياء هناك فكلامج ماراح يهتم له دام قلتي انه مو معصب

اجلي كل كلامج لارجع من السفر

 

[*peace*]

خرعيه بالدعاوي

قوليله شوف سبحان الله شلون الله كشفك وخلاني اجكك من الحين شنو نيتك بهالسفره

بس شوف يافلان عساك ان رحت للحرام او البنات او الخمر والخرابيط ان الله ياخذك روحك وانت تسوي

هالحرام عساك تنشل بهالوضع ويشيلونك للمستشفى ويدقون على ابوك تعال شوف ولدك طاح مشلول

وعساك وعساك الخ خخخخخخ

انا لو اني منج اسوي جذي صراحه

 

[لوفيه]

يمه اعوذ بالله

وربي انقهررررررت حيييييييييل

ردت فعلج بااااارده

انا مع اللي فوق ادعي عليه جدامه واكيد مو من قلبج

بس المهم عشان يخاف مع انه اذا وصل هناك وشاف

خلاص راح ينسى كلامج ويستانس

عسى ان شاااااااااءالله يارب ما تتم هالسفره قولي آمين

 

[chocolate-T]

يمه اعوذ بالله

وربي انقهررررررت حيييييييييل

ردت فعلج بااااارده

انا مع اللي فوق ادعي عليه جدامه واكيد مو من قلبج

بس المهم عشان يخاف مع انه اذا وصل هناك وشاف

خلاص راح ينسى كلامج ويستانس

عسى ان شاااااااااءالله يارب ما تتم هالسفره قولي آمين

عيزت وانا اصرخ وانفعل وايد تعبت من هالاكور وكله قاعد ياخذ من صحتي؛(
واهو لي حط الشي برايه خلاص ماراح يرد لاعلي ولاعاللي خلفوني

 

[قطوووة]

ادعي ربج يهديه

 

[أعرفك نفسي]

حبيبتي انتي انا احس فيج وافهمج
طنشي جنج ما شفتي شي بالتلفون حاولي تنسين اللي قريتيه
وصدقي عذره قصي عل نفسج سوي روحج مصدقه
تدرين ليش ؟؟ لان الكلام ما راح ينفع ولا راح اييب نتيجه مسافر برضاج او غصب عنج
ليش تنكدين عل نفسج خليه الله فوقه وكله بميزان حسناتج انتي مرته ام عياله مرده يوم بيتحسف ويبجي تحت ريلج
واستودعيه الله مثل ما قالولج

 

[سهام بنت محمد]

شقولك شربت مروقها انتي خلاص رضيتي انه يسافر ماكو فايده الحين

مفروض واجهتيه من البدايه مو الحين الله يوفقك معه زوجك ويسخره لكم ويبعد

عنه عيال الحرام يارب تحياتي حبيبتي ​

 

[chocolate-T]

شكرا لكل اللي دعولي وعطوني رايهم واللي تقرا موضوعي تدعيلي
مشكورين حبيباتي

 

[mira]

الله يسخره لك يارب
up

 

[sosowaty]

ياررب مايشوف غيرج و تتكنسل هالسفرة من غير شر و تبعد عنه اصحاب السوء الله يهديهم ما وراهم الا خراب البيوت