- إنضم
- 13 ديسمبر 2010
- المشاركات
- 356
- مستوى التفاعل
- 0
- النقاط
- 0
السلام عليكم و رحمه الله و بركاته
مشكلتي يا بنات يمكن تحسونها عاديه بس انا وايد اعاني منها
انا متزوجه لي خمس سنوات بدش بالسادسه قريب و عندي بنت الله يخليها لي و حامل الحين وولادتي بعد شهرين
السالفه و مافيها ان زوجي له رفيج عمر و اهو اقرب صديق له لدرجه انهم تزوجوا بليله وحده
مرت رفيجه ما حبيتها كلش ملقوفه فضوليه لدرجه ما توقعونها اهي حملت بعد زواجها بشهر و انا حملت بعد اربعه شهور
اهي يابت ولد و انا يبت بنت و اول ما زارتني بعد ولادتي قاعده تتشمت فيني عيني عينك ليش اني يبت بنت
وانا راضيه بعطيه ربي و احب بنتي حتى زوجي و اهله
بس لما زارتني تخيلوا اشقاعده تقولي هالمريضه زوجج يحب بنته ؟؟ انا استغربت من سؤالها الغبي
قلت لها بأستغراب ايه ليش ما يحبها يعني مو بنته وقطعه منه و الا شايفينها بالشارع
جان تقولي يعني اهوماكان يتمنى ولد ؟؟ قلت لها اكيد كل ريال يتمنى اييه بجره ولد بس الحمدلله انا و ريلي راضيين بهالنعمه
جان تقولي هالمعقده يعني ريلج استانس لما ياته ابنيه يعني ماحسيتيه تضايق ؟؟ انا اهني حدي استسخفتها و رفعت لي ضغطي و سكت عنها
لما قلت لريلي اسمع فلانه شقاعده تقول , جان يضحك يقول تركيها عنج هذي مو صاحيه
بعدها بسنتين اهي احملت وطبعا ما قالوا لحد انها حامل و هالشي خاص فيهم , وبعد ما ولدت ريلها قال حق ريلي انها يابت بنت
قمت انا دقيت عليها اتحمد لها بالسلامه جان اقولها ها شبتسمونها ؟؟ جان تقولي بأستغراب و بصوت مرتفع !! اشدراج اني يبت بنت ؟؟ قلت لها قالي ريلي بس حسيتها منقهره
والحين بنتها عمرها سنه و جم شهر
و من يومها و اهي تحن علي ما حملتي على بنتج و تدز ريلها عشان يسأل ريلي متى بتييب الثاني
لحد ما حملت و وصيت ريلي ما يقول حق احد , و الحين باجي تقريبا شهرين على ولادتي و الي فيني بنت الحمدلله على هالنعمه و يارب تقومني بالسلامه و تكون بنتي تامه الخلقه يا رب
بس الي انا شايله همه من الحين رده فعلها بس تعرف اني يبت البنت الثانيه شيفكني منها ؟؟
ابي رد يوقفها عند حدها لانها تمادت وايد و ملقوفه وماني طايقتها مع اني و الله ما اختلط معاها و لا اكلمها و لا ازورها بس اهي لزززززززقه
دلوني على حل او رد اسكت فيه هالمريضه المعقده
واسفه على الاطاله
مشكلتي يا بنات يمكن تحسونها عاديه بس انا وايد اعاني منها
انا متزوجه لي خمس سنوات بدش بالسادسه قريب و عندي بنت الله يخليها لي و حامل الحين وولادتي بعد شهرين
السالفه و مافيها ان زوجي له رفيج عمر و اهو اقرب صديق له لدرجه انهم تزوجوا بليله وحده
مرت رفيجه ما حبيتها كلش ملقوفه فضوليه لدرجه ما توقعونها اهي حملت بعد زواجها بشهر و انا حملت بعد اربعه شهور
اهي يابت ولد و انا يبت بنت و اول ما زارتني بعد ولادتي قاعده تتشمت فيني عيني عينك ليش اني يبت بنت
وانا راضيه بعطيه ربي و احب بنتي حتى زوجي و اهله
بس لما زارتني تخيلوا اشقاعده تقولي هالمريضه زوجج يحب بنته ؟؟ انا استغربت من سؤالها الغبي
قلت لها بأستغراب ايه ليش ما يحبها يعني مو بنته وقطعه منه و الا شايفينها بالشارع
جان تقولي يعني اهوماكان يتمنى ولد ؟؟ قلت لها اكيد كل ريال يتمنى اييه بجره ولد بس الحمدلله انا و ريلي راضيين بهالنعمه
جان تقولي هالمعقده يعني ريلج استانس لما ياته ابنيه يعني ماحسيتيه تضايق ؟؟ انا اهني حدي استسخفتها و رفعت لي ضغطي و سكت عنها
لما قلت لريلي اسمع فلانه شقاعده تقول , جان يضحك يقول تركيها عنج هذي مو صاحيه
بعدها بسنتين اهي احملت وطبعا ما قالوا لحد انها حامل و هالشي خاص فيهم , وبعد ما ولدت ريلها قال حق ريلي انها يابت بنت
قمت انا دقيت عليها اتحمد لها بالسلامه جان اقولها ها شبتسمونها ؟؟ جان تقولي بأستغراب و بصوت مرتفع !! اشدراج اني يبت بنت ؟؟ قلت لها قالي ريلي بس حسيتها منقهره
والحين بنتها عمرها سنه و جم شهر
و من يومها و اهي تحن علي ما حملتي على بنتج و تدز ريلها عشان يسأل ريلي متى بتييب الثاني
لحد ما حملت و وصيت ريلي ما يقول حق احد , و الحين باجي تقريبا شهرين على ولادتي و الي فيني بنت الحمدلله على هالنعمه و يارب تقومني بالسلامه و تكون بنتي تامه الخلقه يا رب
بس الي انا شايله همه من الحين رده فعلها بس تعرف اني يبت البنت الثانيه شيفكني منها ؟؟
ابي رد يوقفها عند حدها لانها تمادت وايد و ملقوفه وماني طايقتها مع اني و الله ما اختلط معاها و لا اكلمها و لا ازورها بس اهي لزززززززقه
دلوني على حل او رد اسكت فيه هالمريضه المعقده
واسفه على الاطاله
