شالحل مع هالعيار ؟؟

[Patcholli]

مساء الخير


بختصار


ابي كل وحده تشارك ..


شلون تتعاملين ويا ريلج لما يكون غلطان وتواجهينه

وردة فعله تكون انه ياخذج بالصيحه ويقلب السالفه عليج ؟؟

وبدال لا يتعذرلج يطنقر ويزعل ؟؟

الصراحه لاحظت ان وايد ازواج يتخذون هالطريقه ويظلمون حريمهم ..

وفي وايد حريم بدال لاتكحلها تعميها

يعني بدال لاتاخذ حقها من ريلها لما يغلط عليها

تقعد اتراضيه وتتأسفله بسبب عيارته وبسبب انه قلب السالفه عليها


بنات الموضوع منزلته بشكل عام الحمدلله ما اعاني من هالمشكله بس ودي البنات يستفيدون لان الغشامه الزايده ماتنفع كلش والله حرام
حسبالها بتكسب زوجها اذا صارت مسكينه وغشميه

ماتدري انه بيستقوي عليها زياده وبيقزرها عليها


:eh_s(4)::eh_s(4)::eh_s(4)::eh_s(4): الحكيمات واللهلوبات يجاوبون بس ​

 

[غآب نورك ~]

موضوعج جا بووقته وايد بنات يحتاجونه وصاجه بدال لا نكحلها نعميها


مشكلة الريايل انهم يعرفون يقلبون السالفه علينا ويطلعونا احنا الغلطانين حتى لو اهم 100% عليهم الغلط


مادري شلون .. انا خايفه من هالشي وماعرف اتصررف

واصعب شي انه اسوي نفسي كانه مافي شي اموت من حرتي ف داخلي اموت قهر ماستحمل ويبين على ويهي

 

[رانس]

اذا هو غلطان شي طبيعي ماراح اسكت ولا راح اراضيه
اقعد كم يوم ماكلمه وهو يجي يراضيني

 

[احـ رومانسيـــه ـلا]

انا مو متزوجه
بس انا أأيد المواجهه والصراحه والوضوح
والنقاش يكون بهدوء مو بصراخ
ولازم لما تناقشين تكونين واثقه من نفسج مو تبجين وتبينين ضعفج

وانا ضد لما اهو يكون غلطان المره اهي اللي تعتذر!!!

 

[أسرار الجمال]

اهم شي تكون المرة مثل العاصفة ولا تضعف وتكون كلمتها وحدة وتكون ماثبتله انه اذا ما استغل وقت العاصفة وهو راضاها راح تكبر السالفة لان الريال يحب يندعس ويحسب حساب للي تدعسه للأسف هذي الحقيقة

 

[مولاي الفرج]

اسكت اسكت ليما ابطها بس اهو يقعد يرقع وانا ارضى المسكينه ههههههههه

 

[M!SS.LOBY]

معاج حق في بعضهم يقلب الغلط عالزوجة ويطلعها اهي الغلطانة

 

[امـ خــزامـى]

بصرااحه مااعرف كيف لاني مااعندي هالمشكله الحمدالله

بس بنت خالي هذي مشكلتها وتعاااني منها وراح تعاني للابد الا اذا غيرت اسلوووبها

هي ضعييييييييييييييييييفه وتتخربط وماتعرف تتكلم اذا صارت هووشه
وتجلس تتعذرر وتتعذر كانها غلطااانه وهي كلها بس عشانها ماردت على جوالها
او ان خلص شحنه واتصل لقاه مقفل

اول مايكلمها يجلس يصاارخ ويهااوش وهي تتعذر وربي كنت بشحنه وربي كان ازعاج وماسمعته
انت ليش تصرررخ مانتبهت وتحااول تهديييه

وهو يحس ان قاصده او شي ثاني لانها تتوترت وتتعذر كأنها غلطانه !!!!!!!!!

دائما اقولها تكلمي بجديه وشوية حززم وهدوووء وردي عليه سسوري حبي خلص شحنه
ولو صرررخ اقوله وش كنت بتقول متصل فيني بيقول بس بتطمن او بسأل او اي شي ارد عليه واجاوبه واقوله تامر على شي انا بسكر
مااسمع وانهيهااا بثقههه

وطبعا بالبيت كل شي هي غلطااانه لدرجه مره لبست قصير وكاان يبي يتهااوش قالها ماتستحين لابسه هالبس خخخخخخخخخخخخخخخخخخخخ قدام بنتك <<عمرها 3 سنوات

الرجل قداام المرأه الضعيفه يتماااااااااااااااااااااادى واللي يحس انها بتضيع من دوونه

اما المراه القويه الذكيه المستقلللللللللللله مستحيل يقلب عليها ويهااوش الا بيتعذر لها ويمكن يبوس راسها بعد


باختصااار مااافي اسلوب او حل فيه شخصيه وتكوين من الصغر

 

[t.o.o.ot]

انا مع نظام قابل صياح بصياح مثل مايبي يطلعني غلطانه ويقلب السالفة علي أطلعه بالمثل واخليييييه يومين ثلاث تالي يحس إذا هو غلطان طبعاً

 

[فيلسوفة قلبي]

يا ما وآجهته بس ولا مرة قلبها علي ..

أكون مدربة نفسي ,مضبطة نفسي بالكلآم قبل الموآجهه ^^

وإذا حاول يقلبها أقول له لا تقص على عقلي مآني بزر تسكتني بحلآوة



والدليل طبعآ يكون قدامي >> متحمسة عجبني الدور ههههه

 

[Pinky -cat]

حياتي 99.9 من الرياييل مثل ما تقولين ، كبيرة عندهم الاعتراف بغلطة وانا اصلا اخاف من النوع اللي يتاسف وايد
لانه معناها الاسف عنده شي عادي ومرده بيرد لنفس الشي اللي سواه ، انا اقول اللي عندي واطلع شي لكن بوقته
او نغزات توصل للقلب وتوصل وياها فكرتي.

 

[Pinky -cat]

حبوبه الحل وياه انج تقولين اللي تبينه باسلوب بدون صراخ ولا عصبية بكل برود ونظرات مننج طبعا هاذي بهارات ، وتنطرين
الرد وان قال ما قال قولي انا قلت اللي عندي وانت بكيفك عاد وكله بيرد عليك انت .

 

[كويتيه بنت قناص]

اعااااااني حيل من هالمشككله يطلعني انا الغلطانه وانا الدقيقه وانا النكديه وهو التلقائي ابو نيه صافيه

 

[سيلينا]

صراحه اعاني من هالمشكله ,, صار يتفنن في انه يمسك الكلمة الي اقولها مع انها تكون عاديه
عشان يتهرب من الي نتكلم عنه ويبدي يخربط بالحجي ... حاليا انا صايره بارده نوعا ما وبديت اتغير قبل بسرعه اطنقر
واتشره واهو مايبرد قلبي لا يقعد يتناقش الحين اخذت طريقة ثانيه ان من بداية الموضوع اطوف واتشره بطريقة عاديه من غير زعل
صار يتقبل وبسرعه ينحل الموضوع لان اهو ما يحب ابين له انه مقصر ولا غلطان بطريقة الزعل والاخذ والعطا التشره البسيط ينبهه اكثر والحمدالله حيييل هالطريقه احسن قبل لي اختلفنا نزعل باليومين ثلاث الحين بسرعه ينتهي الموضوع وتنحل السالفه

 

[زوجة عزيز]

انا اخليه يحلف على القران لكنه يحلف واهو جذاب هاي احسن حل خله يتكسر وموكفو يقلب السالفه علي لكنه يستمر في الانكار واهو مكشوف الحمدلله والشكر

 

[Patcholli]

مشكورين بنات عالردود
البنات اللي يعانون من هالمشكله اتمنى يستفيدون من مشاركات البنات الاقويا اللي عارفين اشلون يديرون الوضع ويحلون المشكله ويتفاهمون ويا هالنوعيه من الرياييل ..

 

[Nonono83]

مو عياره الا غباء منها هذا
هو غلطان ويقلبها علي ليييييش الا اذا كنت غبيه وواجهته غلط يعني بصراخ او شي ممكن يمسكه علي انه غلط
كل موضوع لازم يتواجه صح بهالحاله مايقدر يتعيير علي اكيد ويركبني الغلط

 

[سبحآن الله"]

المعامله بالمثل
اذا هو قلبها علي اليوم انا بكره اقلبها عليه
وخليه يذوق المر إلي ذوقنيآه
انا طبعي كذآ :
وحده بوحده ماعندي مجال اقنعك او اتحبب لك والدنيا مو واقفه عليه الكرامه عندي درجه ون في كل شيء .
وعلى فكره الرجال يحبون كذا

 

[Model Look]

حاليا صارلي ثلاث ايام ما اكلم ريلي

اهو غلطان وعارف انه غلطان لاني ما كلمته بس عطيته نظره وحاقرته ما اكلمه واهو مافتح الموضوع ولا يبي يفتحه

بس يحاول يلطف الجو وانا مو معطيته مجال اكلمه اذا بطلع اذا ولدي تعبان اذا اغراض ناقصه بس

 

[Patcholli]

يعطيكم العافيه بنات وفعلا خل يذوقون شوي مو بس احنا الي نشيل الهم ونصبر وننقهر