شالسالفة ؟؟ يعني حسبتهم غلط ؟!

[La t7atini]

سلام عليكم

شلونكم ..

بنات ضيعووني هالدكاتره .. انا لمفروض توني
بالاسبووع 31 ..
يوم السبت اول مره بحياتي احط تحميلة
توهقت فيها المهم لازم احطها ع قولت الدكتورره
"تفادياً للالتهابات الحادة وقت الولادة"
لان مو زيت تاثر ع البيبي

عقب ماحطيتها بربع ساعه نزل معاي افراز لوونه غريب
يعني احي معااه شوية حمار مادري وردي
طنشت قلت يمكن منهاا

طبعاً انا استعمل "الكيرفري مالت العنايه اليومية"

المهم امس نزل معاي دم ماقدر اقول واجد ولاشويه

خفت والي خوفني زياادة المغص والعواار الي من امس
ماهدني يرووح ويرد يرووح ويرد ؟؟

قلت بصبر شوي زوجي كان عنده رياجييل

زااد العواار وزادت الافرازات صررت رطبة ؟؟

اول مره ؟؟

ياحبيبي قمت احس بهوا من تحت يعني كاني مولابسسه ملابس
قلت بس الرحم انفتح !!

رحت الطبييب وزحمة وكل مازادت النطره زااد العواار
حتي مشيتي صارت تضحك

المهم الدكتوره قالت بفحصج قلت لا خير مابي
قالت اجل سونار رباعي ونجيك ع الرحم والمشيمة
نتطمن ان الدم مو منها

سويت السونار والله يهداها الي سوتلي كل ما سالها
ترد بنفسيه وتسستهزأ باسألتي

طيب النتيجه : انتي حامل بالاسبوع 34 مو 31
والحوض صغير والبيي راسه كبير وقااعد يضغط
ع الرحم بس الرحم مسكر

ولادتج مو10/11
ولادتج 25/10

بنات ماقالولي شنو تفسير هالدم ؟
ولا ليش راس البيبي وحجمه كبير ؟؟
وليش الحسبة غلط ؟؟
معقووله السكر هو الي نافخ البيبي وبيولدوني بدري ؟؟
والا اساساً هذا حجمه بس حسبتهم غلط؟؟
والحوض اذا ضغير يولدوني قيصري؟؟
مع انه راسه تحت وضعيته وضعيت ولادة *


الله يريحكم ويطمن قلوبكم ويهون عليكم
تكفون ريحوني وطمنوني

 

[GOLDEN_FISH]

حبيبتي حجم البيبي يمكن كبر من اكل الحلويات والسكريات عادي انا مثلج السونار علي حسب حجم البيبي يحب انتي اي اسبوع وقفي اكل حلويات واي شي فيه سكر ولاتحاتين ماكو الا العافيه ونصيحه اذا حوضج صغير وقت الولادة طلبي ابرة ظهر عشان ما تتاذين وسلامتج حبيبتي

 

[انثى الكويت]

والله ماحبيت اطلع جذي

بس الي اقدر اقوله روحي عند دكتور ثاني ومستشفى ثاني شوفي كلامهم نفس الشي ولا غير

شلون طول هالمده انتي تراجعين ترى فرق 3 اسابيع وايد يعني معقوله ماعرفو من قبل

شوفي انا باسبوع 33 واحط تحميله ولا مره صار فيني شي مثل ماصار فيج وانا بعد احطها للالتهابات


اقولج روحي دكتور ثاني وجيكي احسن عشان تزهبين نفسج لو صج هالحجي

وان شاء الله ما يكون الا كل خير وعافيه

 

[mannawy]

بدون اي تردد ولا تاخير روحي حق طبيب ثاني

عندج د. شاديه عثمان بمستشفى المواساة وايد زينه بس بارده شوي 25765560

انا ناويه اولد عندها اذا الله ستر وماولدت خدج بالصباح نفس بجري

المهم لاتخافين وتوكلي على الله اهيا الساعه 5:30 تكون موجوده بالعياده

 

[La t7atini]

قولدن

انا ماشيه ع حمية من شهر وزوود

ولا شي اكل فيه سكر ولاشي
اللهم احلي الحليب شويه بعسل

والله يسهل انا مابي ابرة ظهر
ظهري معدووم بدون شي والابرة
سمعت ان لهاا اثر ع المدى البعيد

 

[La t7atini]

انثى

مناوي

رايكم جذي يعني اروح عند
دكتوره ثانية ؟؟


انزين بنات انا دورتي كللش مومنتطمة
لاقبل الزواج ولاعقبه

توقعوون لها دوور عشان جذي ملخبطين ؟؟

 

[mannawy]

والله لاتنطرين احد يرد عليج لان البنات مو احسن من الدكاتره وهذي روح داخل بطنج لازم ما تتهيونين في الموضوع والمهم صحتج وصحة البيبي الله يحفظه ويقر عينج بشوفته متعافي.

الله يرضى عليج تطمني على نفسج منتي خسرانه شي.

 

[La t7atini]

يمه لاتخرعيني
بروحي بجر وضايعه ماعرف شي

خلاص بروح اليووم للطبييب

واشووف شالسالفه !!


مشكورين ماقصرتوو

يااارب لاتحرمني من شوفته بصحة وعافية
عقب هالتعب كله

 

[عرووسة ضااري:$]

رووحي دكتوور ثاني تأكدي عندج ماجد الشمري تخصص اجنه حييييل شاطر
والله يسهل عليج

 

[@ام يوسف@]

الله يهون عليج وتولدين بالسلامه

 

[La t7atini]

مشكوورين بنات

،

 

[اصايل كويت]

الي اعرفه ان ابسكر يكبر البيبي ويعطيه اكبر من عمره
اما الفرق فعادي حسبه السونار تختلف عن حسبه الدوره اما تتاخر او تتقدن جم يوم

بس ثاث اسابيع يمكن ما حسبت حجم الراس عدل والجسم اذا حسبتها مة مشبوطه راح يتغير الموعد واذا فيج سكري البيبي راح يكبر بزياده

اما التحميله اي لون ؟؟؟؟؟؟
اذا حمرا ع وردي يمكن بقايا التحميله لان ينزل بعد فتره
تحسين نفس الماي وصرتي رطبه منها اتوقع انا كنت احط تحاميل صفر وينزل نفس الماي اصفر
عادي اتوقع مو دم والله اعلم


الله يثبت حملج وتشوفينه جدامج يارب *

 

[اصايل كويت]

بشرينا عنج

 

[La t7atini]

اصايل تسلميين اختي ماقصرتي


لا التحميلة بيضاا علبتها اخضر ب ازرق


الله كريم ان شاء الله مافي الا الخير

 

[الشموخ~~]

وانتي ليش تعيشين الوساوس يا قلبي روحي دكتور ثاني وثالث ورابع بعد اهم شي تطمنين وترتاحين ولا هالمحاتاه والهم اللي انتي شايلتة يا قلبي ريحي بالج انشالله ما فيج شي بس يمكن يكون ضغط البيبي علي عنق الرحم نزل شوي افرازات ملونه بس عشان ترتاحين روحي دكتور خاص يشوف لج الوضع ويعطيج الخبر الاكيد ولا هذي اللي تتمسخر علي اسألتج

 

[النشميه عذوب]

السلام عليكم حبيبتي

لاتحاتين مافيه الا الخير وضعج طبيعي وراس الجاهل كبير مقارنة بحوضج الصغير يعني عادي ماراح يذيج باذن الله انا عن نفسي انصحج بالراشد عجيبه الولاده عندهم انابولد هناك وموعد ولادتي بالضبط مثل موعد ولادتج ٢٥/١٠
حبيت اسالج يالغلاا عن الكريمات والخلطات اللي استخدمتهم غزلان الشماليه من وين ماخذتهم لاني مو قادره ادز لها ع الخاص لان مشاركتي قليله ياريت انتي تردين تعطيني اياهم عالخاص ضروري ابي الخلطات كلهم مع رقم الحرمه اللي تسوي الادويه مالت النفاس
سوري طولت عليج بس عن جد متوهقه