شالسالفه ؟؟ ماكو خدم يابنات!!!!!!!

[منوشة قلبي]

يابنات صارلي خمس ايام وانا الف على مكاتب الخدم وماكو طلبات كلش
ماعندهم الا طلبات اثيوبيا ولما اقول لهم ليش شنو فيه يقولون ماندري

معقوله السالفه؟؟!!

 

[ii DareeN ii]

مافي طلبات وحتى الاثيوبية لي طلبتيها ماتوصل اربع طلبات بجنسيات مختلفه مايوصلون لنا وعسى مايطول هالوضع لي رمضان

 

[ست الحسن والجمال]

الله يعين
لاااااااا وزايده سعرها بعد هالاثيوبية
الحين الخدم ماتحصلين اقل من 500 دينار للجديدة
انا فلبينة يالله يالله لقيتها ب800 دينار اوووووف والله معاش شهر لحاله بس شنسوي

ماكو الا تشوفين لج مكتب زين تثقين فيه وتقولين لهم اي خدامه مسترجعه يتصلون عليج
وجربيها ترى بعض المسترجعات زينات وبعض الناس يبيعون خدمهم قبل عطله الصيف عشان يستفيدون من فلوسها بسفر

والحين رمضاااان بالصيف يعني مو شرط يكونون بالديرة ومايحتاجون خدامه يعني على الراحة

والله يعين بس اثيوبية انحاشي منها ياااااااا تجي بارده ياااا نار مولعه ماتتحمل

انا اخوي يدور له خدامه له 4 شهور وطلب اثيوبية مرتين ثنتينهم انحاشو ههههههه مع انه مافي شغل ولافي عيال صغار

 

[خبيرة اعشاب]

اختي انا المكتب دق على خداماتي و قال تعالوا ببيعكم مسترجعات و هذا الي اعتقده لان كلللش ما في اي شي مزعجهم و مستانسات عندي و لا عندهم شغل و لا اي شي الساعة 10 نايمات

و فعلا انحاشن من البيت مع ان وحدة للحين ما سويت لها الاقامة توها واصلتني فررش لها شهر و اسبوع

و رحت ادوور ما في الا اثيوبيات ... و ما ابيهم اقعد بدون خدامة على اني اجيب اثيوبية .. جنسية اخاف منها

و الحمد لله انتظر متي تجي طلبات

و خداماتي يوم زفيت المكتب قال لي بيعيهم اعطيج الف دينار

قلت ما ابي ابيعهم و ان لقيتهم عندك ابلغ عليك مكتب استقدام العمالة و ياااا ويلك
جان تقول لي الموظفة ما جونا و روحي شوفيهم بالسفارة يمكن

انكررت عقب ما هددتهم

المكاتب اذا ما عندهم شغل لا طلبات و لا مرتجع يدقون على الخدامات الي يعرفون ارقامهم و يطلعونهم من البيوت

و انا متاكدة انهم داقين لان لي فترة ادق على الي تشتغل بالمكتب موصيتها على خدامة لرفيجتي و كل شوي ادق عليها و خدامتي عندها خبر لانها كانت اتكلمها فاكيد قالت لها اطلعي اوديج بيت ثاني .. و الله اعلم

و الله يكتب لنا الي فيه الخير

 

[النوالنو]

والله وناسه الف ابيع خدامتي بالف هنديه طباخه وين المكاتب عطيني رقمه

 

[moltencake]

السالفه (من رأي الشخصي) و الله اعلم.
الحركه هاذي كل مره تصير قبل الرمضان بفتره علشان يزيدون الاسعار و يدبلونها. فبدال ماتاخذين الخدامه ب 600 تاخذينها مثلا ب800 و لا يمكن توصل لل1000 لانج محتاجتها. و خاصة في رمضان.
لانه كل مره تصير نفس الحركه و اذا سالتي المكاتب ليش زايدين الاسعار يقولون لج من ديرتهم.

 

[منوشة قلبي]

اليوم يابنات رحت مجمع ابن خلدون مافيه الا اثيوبيات وكم هنديه بس كبار بالسن اصغر وحده عمرها 47والله بيني وبينكم بغيت اقدم على اثيوبيه بس ربي حبيبي خلاني اشوف منظر جدام عيني راعية المكتب تكفخ الاثيوبيه بالجوتي على راسها
ولاتحرك منها شعره وتخزها بعيونها ولا تحركت من مكانها كانها تطق الطوفه واي شكلها يخرع

 

[دانة بعين بحاري]

فعلا ازمه خدم
انا دور مالقيت ولا طلب

 

[موجة ~ بحر]

الموجود الحين كله اثيوبيات. روحي حولي الرميح. وفحيحيل

 

[ام متلق]

حتى الفحيحيل مافي شي بس اثيوبيات انا اخذت اثيوبيه مرجعه 480 واشوفها زينه ماشاء الله توها ماصارلها عندي الا 10 ايام الله كريم

 

[UM MARIEM]

يالله ياربي تفتح لنا ابواب الرزق من عندك

صج ازمة خدم......

 

[ام خالد 78]

ياحياتي انا صارلي شهرين ادور مو لاقيه

 

[**زوجي عزوتي**]

ياااااااااااااااااااربي ع هالخدامات
مثل حالتي تعبت وانا ادور المشكله اني حامل وولادتي برمضان ناس داخله وناس طالعه ولا بعد اهلي ماعندهم خدامه ...

 

[عيون القرناس]

الله المستعاان

انا طلبت ثنتين ويوم صارلهم شهر قالولي المكتب في مشاكل من عندهم بديرتهم وماراح يجون
وصارلي شهر ادور ومو محصله

 

[شهرزاد الحكاية]

ابيه والله من صجكم بنات .... الله يعينا يااارب ​

 

[أحلى عيون]

انا صار لي ٦ اشهر انتظر خدامتي وبعدها الله ياخذهم قالوا فيه مشكله بسفارتها وتكنسلت

وبعدها طلب ثانيه قالوا لي اطلعت مريضه وماتجي

طلبت وحده ثالثه قالوا تتاخر شهر قلت ميخالف

واخيرااا جت العروسه بعد معاناه وانا بعد حامل ولادتي ان شاء الله برمضان وعندي عيالي وثقلانه حده مو شي



مادري ليش جذي صاروا مكاتب الخدم والاثيوبيه خايسه وتخرع

 

[اليازية 2007]

السلام عليكم بنات جاتني خدامة فلبينية قبل شهر ونصف زينة وتبي الشغل ممتازة مع بنتي وطلعت دارسة كيفية التعامل مع الأطفال بس طلعت مريضة وسويتلها اشعة اربع مرات لتأكيد بس للأسف طلع فيها مرض الدرن بس خامل وقررت اللجنة تسفيرها وانا متحسفة عليها لدرجة اني بكيت بأخذ رايكم خليها وعالجها او اسفرها ارجو الرد سريعا وشكرا

 

[Bnt.Azmer]

امبي من صجكم عاد انا ناويه اطلب هالاسبوع

 

[كرميلا]

انا حدي ضايق خلقي رحت مكاتب الكويت كلهم مافي خدم غير هذول الاثيوبيات صراحة يخرعون ما احب ايب هالجنسية
ولا بعد اول مره ما في خبره بس اثيوبيات اول مره والجنسيات كلها راحوا امس راعي المكتب يقولي شكلهم يبون يزيدون السعر يعني الفلبينيه تبي معاش 120 امبيه مصجهم ولا وسيلانيه والهندية يبون 90 او ثمانين والله ريال قالي قلت شسالفه قالي عشان زادو معاشتكم ما يبون ايون الا بزياده
صراحه حدى شي يقهر الحين انا حمال وعندي اثنيه وماعندي خدامه وحتى المسترجعه مافي !!!!!!!!!!!!!!

 

[البخت ضايع]

من صجج كرميلا شدعوه هالاسعار !!!

بس تدرين الشرهه علي الحكومه اللي مخليه الدنيا سايبه .. خل يرحون يشوفون السعوديه شسوت باندنوسيا والفلبن تشيحطوا عليهم وحطوا شروط .. قالوا يالله مع السلامه صكروا باب الاستقدام منهم .. وافتحوا الاستقدام من بنغلادش خلهم يتادبون

اما احنا خلف الله علينا شويشوي ويتشرطون علينا نبي غرفه خاصه ومجهزه باخر اجهزة الرفاهيه من تلفزيون ونت وديفدي حق التهزز وايفون واشترك نت حق الواتس اب والتقزز .. وطلعه لي سوق شهريا .. وعشيق يسهر معاي يوميا !!!

لاعزاء للانظمه


<< مقهوره ست شهور من غير خدامه