شالفرق بين التلفونات العاديه والصينيه ؟!

[soseta]

السلام عليكم بنات ..

بنات ذاك اليوم بمنتدى شفت تلفونات غريبه , والعضوه تقول من الصين , كنت بطلب بس ترددت , وقالولي مو شي ..
والحين وحده مسافره الصين تقولي الايفون سعره بالعشرينات , بصراحه اغراني السعر , تقولي تبين , اقولها ماادري :krkrkr:


اشرايكم بالصيني , شنو الفرق ترا مااعرف بهالسوالف !!

لان بخاطري اشتري تلفون يديد وودي بالايفون او البلاك بيري , وهم سوني اريكسون ونوكيا وكل شي :krkrkr:
مشفوحه لوووووووووووووووول من زمان ماشريت تلفون يديد

 

[بنات عطا]

الصيني تقدرين اتقولين عنه تقليييد

اهوا نفس الشئ بس يكون شئ بالجهاز يختلف يعني الاي فون الامريكي شكله غير و الصيني شكله غير

و الشحن مال الاجهزه الصنينه ما تشتغل بالكويت .. كهربتنا و كهربتهم تختلف

و الصيني بسرعه يخرب و الصيني معروووف عيوووبه حييل قويه و واااضحه


جود

 

[Kawaii GiяL]

وخري حبيبتي عن الصيني اعطيج اسبوعين و تملين والله تلوع جبدج من خراباته و ما عندنه هني يصلحون الصيني الا قليل و شالله حادج عاااد !!

 

[بنت ابومتعب]

والله انا ماعندي الخبره مره
بس الصيني كـ شكل حلو

 

[alooo_meen]

حبيبتي الاجهــزة الصينيــة استعمـالها اسبــــوع للونـاسة وبس ..البطــارية احتمـا تنفجــر وتضرب بســرعة والمسجــات ماكــو حتى لودزيتي مايطلع حق الي دزيتيلــه المسج فاضي .......بالعربي بس شكل استانسي فيه بس استعمـال x[/b]

 

[soseta]

@@

صجججججججججج !!

وانا اقول ليش رخيصه هالكثرررررررررررر ..
وصدقتوا شكلهم حلهم , بس الظاهر الاستعمال اي شي , وانا فكرت بالشحن والبطاريه قلت اكيد مايصير بالكويت

مشكورين ماقصرتوا , هونتتت ماابيييييي ..

 

[ArEEj]

يبا اذا سعره على 20 مثل ما تقولين جربي شوراج
ال 20 نقطها بروحة الجمعيه
واذا ما اعجبج عطيه لسايقكم ولا خدامتكم هديه

 

[Om-Bashaar]

يبا اذا سعره على 20 مثل ما تقولين جربي شوراج
ال 20 نقطها بروحة الجمعيه
واذا ما اعجبج عطيه لسايقكم ولا خدامتكم هديه

انا نفس كلامها :dddds:

 

[مخروووشة]

جربية وقولي لنا

 

[soseta]

لوووووووووووووول بنات اللي قالتلي جذي هم كلامها تقولي كلها عشرين اهيا من قالت كلها عشرين وانا قلت صج بس حساااااااافه ردت من الصين مامداني اقولها اتييبلي

بس اهيا شاريتلها , وبشوف شتقول عنه واقولكم ان شاءالله

 

[مطيريه عسل .. ~]

يقولوون ان الاجهزه الصينيه

تسبب اضرار للانسان من حيث الاشعاعات

والله اعلم ~

 

[soseta]

الله اعلم
الحين اصلا كل شي بالكويت صينيي

بس خلاص مالي نصيب بالتلفون لان المره ردت الكويت , وشفت التلفون وبصراحه تحسفت لوووووووول , شكله عجبني

 

[كستنائيـة ع ـسل]

يسلمووو على لموضوع الرائع