ليش هم مو بشر بس عيال القبايل بشر يعني
غير منطق يا البدون
تطالبون بالانسانية والعدل وانتو اخر ناس تطبقونها
وفلبينية ولاسيلانية ماهم بشر
على الاقل ماتجاوزوا القانون وقطوا جناسيهم قاعدين بالديرة بجناسيهم وتجنسوا وفق القانون
اما انتو قاعدين من غير وجه حق
وبناتكم بعد ياخذون كويتيين عشان يتجنسون وعيالكم يتزوجون كويتيات عشان تصرف عليه وتحط له بيت
بعد شنو حلال عليكم حرام على غيركم
امبيه عيب عليج هالحجي .. !!
و انتي قاع تعيبين ع البدون و تقولين ما تطبقون الانسانية رجعتي لنفس منطقج الاهوج و خرتيها يا ماماتي و طبقتيه حبوبة ليش البدون مو بشر بعد قاعدة تجرحين فيهم بطريقتج الخالية من اي احساس..!!
و لا بعد تتبلين ..!!
تملكين ادلة ان البدون قطوا جناسيهم ..؟!!
عندج ادلة (دامغة ) تثبت ان البدون تجاوزوا القانون ..؟؟
و اذا انتي وحدة عادية تقولين قطو جناسيهم و تتكلمين من ثقة .. ليش الحكومة ما تسفرهم لدولهم الاصلية انصحج يا جيمس بوند قدمي لهم ادلتج الي تملكنها ضد البدون لان شكل القضية طلع حلها بيدج من زمان
.. !!
و بنات البدون ع قولتج ياخذون الكويتي لانه يقدر يوفرلهم عيشة كريمة حالهم من حالج لمن انتي ما ترضين تاخذين واحد اقل منج بالمادية و ما يقدر يعيشج و يصرف عليج .. خو بعد شنو مو بشر ..!!
و بنات البدون عايشين و شايفين خير و الغنى غنى النفس مو باللبس و لا الفلوس و انتي عارفة ان الفلبينية المسيحية هذي و لا هالاجنبية اليهودية الي عندهم جناسي اساسا "البدون " أحق منها مو من منطلق تفكيرج ان هذيل بشر و هذيل لا .. بس اعتقد واحد ضحى بروحه عشان ديرته و لا واحد كان من فداوية الامير قاعد ببيت كيربي و عياله يبيعون رقي عيب نجنس هالفلبينية مكانه ..!! وآآآي مابي اعور قلبي معاج ..!!
و اذا البدون مخالفين القانون انا اقترح على حضرة جنابج تروحين تنظمين ااعتصام سلمي مع الناس الي من زبانيتج و الناس الي يملكون منطقج هذا و طالبو بترحيلهم .. !!
بس ملينا من هالاسطوانة و عيب عليج تجرحين ببنات البدون .. ترا لحم و دم و حالهم من حالج ..!!
هالاسطوانة حقت "قطو الجناسي صارت قديمة بييييييه شخبآآآري ".. :eh_s(7):
انصحج خلج يا صريحة و قولي ماحب البدون و لا اطيقهم و انا وحدة فيني حسد و حقد و بطلعه و السلام ..
غيره يا روحي انتي لا تألفين حجي من عندج و تظلمين روحج قبل غيرج .. ترا الظلم ظلمات يوم القيامة .. و صج كلنا بشر و يمكن البنت غلطت يوم عبرت بس اهيا قصدها ان في ناس اولى بالجنسية مو قصدها ان هالوافدين مفروض ينحكم عليهم بالموت هه مثل ما انتي تقولين القانون جنسهم ترا البدون مفروض القانون يجنسهم من زمان و انا جايفة بعيني ناس اوراقهم قبل قانون التجنيس يعني متى قطو هذيل جناسيهم بعرف ؟! بس صج لين قالو من له حيلة فليحتل ..!!
بس المنطق الصحيح يا بعد زولي " الاقربون أولى بالمعروف " و هذا حديث رسولج عليه افضل الصلاة و السلام بتخالفينه go ahead .. ناس تكيل بمكيال واحد !!
و نصيحة للبنات او معلومة حطوها تراجي باذونكم : ترا مافي احد يقط جنسيته فوق ال60 سنة علشان والله يجي الكويت و ياخذ جنسية ديرتنا عشان المميزات الي فيها ..!! والله مافي احد يتحمل عيشة البدون واااي روحو صليبية و تيماء و دشو بيوتهم قسم بالله كيربي بكيربي عوار قلب من صج .. و لا روحوا جوفوهم ع الدوار يبيعون بنق و رقي :eh_s(2): .. مافي احد يستحمل هالعيشة .. فكروا فيها لو عنده جنسية يروح بلده و بلده تضفه احسنله من هالاهانات ما ينطر 60 سنة او 70 سنة جيل ورا جيل علشان ورقة ممكن يحصلها ببلده المفترض .. :eh_s(1): !!
:eh_s(7)::bbbiu:
