شاوصي وحده بترووح العمره؟؟

[نطوووعه]

شلووونكم بناااات

خالتي ان شاء الله بتروووح العمره باااجر و ابي اوصيها اتييبلي وياها اشياااء مميزة ماكو منها الا بسعوووديه قولولي شنو اوصيها اتيييبلي؟؟ و ياريت تكون المحلات قريبه و مووو عويييصه و مدوووعسه مابي ادووخها مسكييينه و متشكره اوي مقدمااااا

 

[زود الغلا]

بخور معمول قزاز روووووووووووووعة صارلي 6 سنين طايحة فية سعرة تقريبا 100 ريال مراح تتحسفين ... وعندك بعد الكحل السائل مال قزاز فضيييييييييييييييييييييييييييييييييييييييع اسووود يهبل ويخط عدل ومو غالي .

 

[نطوووعه]

مشكووره حبيبتي يكفي بس لتج لنتي الوحيده اللي عبرتيني من بين واايد دشوو و طلعوو لا حجوة ولا نص حجوة ولا جنهم رااحوو عمره من قبل :\

 

[غير كل الناس]

بخور اصغر علي اللي التوله 120 ريال
كريم افالون بالصيدليه قيمته 30 ريال وعندنا ب 8د

 

[∫ ∫ ∫ ∫ جــوان ∫ ∫ ∫ ∫]

عندج ملافع الشرقيه بالهلتون حلوه وناااعمه

 

[نطوووعه]

تسلموووون حبااايبييي


عندكم فكره الملافع الدبل فيس جم اسعارهم هناك؟؟؟

 

[نعناعه]

للرفع

 

[ريحة العوود]

لا تفوووتك يالغلا تمور القصيم خليها تجيب لك منها

 

[سنفورة]

نطوووووووووووووووعه ملافع الشرقية دبل فيس حلوين انا توني ماخذة منهم على 4 دنانير الواحد الوانهم حلوة في بستراس مفرق وفي ساده بس اللي بستراس اغلى طبعا يمكن يطلعون 18 دينار بس الساده حلوين خل تييب لج وركبي عليه شوارفسكي هني اذا تحبينه اهني ارخص بوايد
انا خذيت جويتي واسود لونه غريب ولون ثاني تركواز مع كحلي همن غريب وفييي شكثر تشكيلة وماشالله الكويتيات داخل المحل يخموووون خم جنه ماكو ملافع بالديرة ههههههههههههههههههه

 

[خلوفه]

إذا تبين ملافع دبل فيس أنصحك تاخذين من سيدتي الجميلة في مركز مكة وفندق زمزم وخامتهم أحلى من خامة الشرقية

 

[شوقي وغلاي]

شوفي عطورات جنيد والماجد ..ومحل guess اللي في برج زمزم ارخص بواااااااجد من الكويت رفيجتي شرت جنطة قش منهم ب 18 كويتي ونفسها بالافنيوز ب 45 وساعة كرستال من Guess بعد خذتها ب 60 وبالافنيوز ب 80 دينار ...وعندج كريم الجمال من صيدلية النهدي للتبيض ...وسلامتج ...

 

[ياعشيري جعلك السلال]

ابي اسال كريم افلون حق شنو
لان انا بعد امي بتروح العمه ودي اوصيها على اشياااء

 

[حلوة وبس]

خليها تجيب لك ماء زمزم وهالماء فيه بركه عجيبه والرسول اللهم صلي وسلم عليه يقول ماء زمزم لما شرب له فاحرصي حبيبتي انه يكون عندك واستغليها فرصة

 

[جنات الورد]

وصيها انها تدعيلج هذا اهم شئ

 

[FRuiT ZaBaDi]

وصيها انها تدعيلج هذا اهم شئ

صح لسانج هذا اهم شي