~~{} شاي الضحى مع ولية أمر .. حياكم الله {}~~

[حلم الطفولة]

رد: ~~~جاي الضحى مع ولية أمر~~حياكم الله

يعطيج العافية حلم على تلبية الدعوة

ويارب يوفقج دنيا وآخرة.

وفكرة حلوة طرت علي من خلال طلبج باستضافة عضوة.

يعني اللي نستضيفها لها الحق بآخر القعده تذكر عضوة من اختيارها.

تسلمين حبيبتي.. وانتي مشكوره عالدعوه .. إي خوش فكره كنت بقترح بس استحيت ..
مابقيت أدش واطلع ايدي خاليه تفضلي هذا للعيال رد مواجيب :

عليكم ألف عافيه ...

 

[الصابرة المحتسبة]

هلا بحلم

مشكورة ماقصرتي مع ان ماكو شي بس اهم شي النية

 

[حلم الطفولة]

ههههه حبيبتي .. كاهي الصوره طلعت كانت مو طالعه

 

[أم عبووووود]

خوش موضوع أختي الصابره الله يعطيج العافيه.. اختي أم عبود الله يوفقج ويخلي لج عيالج ويثبت حملج ويهون عليج بالسلامه!!

الله يسلمج ياقلبي ماتقصرين

خوش موضوع

يعطيج العافيه الصابره

وام عبود يعطيج العافيه على مجهودج الواضح بالقسم

الله يعافيج حبيبتي

ربي يبارك لكم بعيالكم ويحفظهم ان شالله

هلا بالغالية وتسلمين على الإستجابة للدعوة.
وجزاج الله خير على اللي تسوينه معانا وفي ميزان أعمالج يارب.
يارب يغفر لموتانا وموتى المسلمين ويرحم الوالد ويجعل قبره روضة من رياض الجنه.
وأحبكي الذي أحببتني فيه وانتي أخت عزيزة وغالية.
- عسى ربي يثبت حملج ويرزقج بالضنى المتعافي.
ويارب يخليج لعييلج ووفقهم.

جزاج الله خير عالدعوات الحلوة

ربي يرزقج نماتتمنين ان شالله ويصلح لج ذريتج يارب

يعطيج العافيه ام عبوود

وربي يثبت حملج ويرزقج بالذرية الصالحة

الله يعافيج ياقلبي

ربي يوفق عيالج حبيبتي ولا يخسر التعب ان شالله

 

[الصابرة المحتسبة]

يه يه شهالشغل العدل كثر الله خيرج

 

[حلم الطفولة]

:stars::stars::stars::stars::stars::stars::stars::stars::stars::stars::stars::stars::stars::stars::stars::stars::stars:

 

[اي اسم]

ياحلو الموضوع ويا حلو تجاوبكم
وياحلو المنتدى الصبح ما يعلق وما في نت ورك ايرور

 

[الصابرة المحتسبة]

هلا بأي اسم

ياحلو مشاركتكم وصاجة ياحلو المنتدى الصبح

 

[ملكة بيتها]

السلام عليكم خوش موضوع للمتميزه الصابره المحتسبه

 

[الصابرة المحتسبة]

وعليكم السلام

من طيبج وذوقج يا ملكة ويعل ربي يوفقج

بانتظار العضوة سر القلوب؟؟؟؟

 

[الصابرة المحتسبة]

اليوم ضيفتنا العضوة العزيزة اي اسم

تفضلي استكانتج

نبدي بسم الله

- ممكن تعرفينا عن نفسج؟
- هواياتج؟
- موضوع عاجبج بقسم غير ركن أولياء الطلبة؟
- عندج معارف بالمنتدى؟
- موقفج من الأشخاص اللي يسفطون بموقف للمعاقين؟؟
- كلمة لعضوة ؟
- ثلاث وردات تقدمينها حق منو؟

وأتمنى تكون أسئلتي خفيفه.

 

[اي اسم]

تفضلي استكانتج
مشكورة وتسلم ايدج ...ومنتدى دايم

نبدي بسم الله

- ممكن تعرفينا عن نفسج؟
مواطنة كويتية ام لثلاث اولاد وبنوته - بكالريوس مع مرتبة الشرف تخصص علمي بس للاسف لما اشتغلت اكتشفت ان هالتخصص ما يناسب ميولي وشخصيتي بالمرة بس اتوقع انه نص العالم هذا وضعهم - ربة بيت للفترة الحالية

- هواياتج؟
للاسف ما عندي هواية غير تصفح النت ...من قراءة في مواضيع المنتديات الى الايميلات الى الفيس بوك .. ...اتمنى اكتشف هواية ممتعة ومفيدة

- موضوع عاجبج بقسم غير ركن أولياء الطلبة؟
احب قراءة التقارير السياحية المصورة عموما في المنتدى

- عندج معارف بالمنتدى؟
كل صديقاتي عضوات بالمنتدى بس ما يرضون يقولولي اساميهم بالمنتدى
والكثير من قريباتي بعد عضوات بالمنتدى وبعضهم افصحوا عن اساميهم بس اكتشفت ان بعضهم له اكثر من نك نيم واحد للمشاركات العادية بالاسم اللي كشفوه للاخرين واسم اخر سري للفضفضة وعرض المشاكل وحفاظا على الخصوصية
وفي بعض الصديقات تعرفت عليهم من خلال المنتدى

- موقفج من الأشخاص اللي يسفطون بموقف للمعاقين؟؟
احتقرهم لانانيتهم ...الله يهديهم

- كلمة لعضوة ؟
اوجهها لحلم الطفولة واقولها اني احبها في الله واشكرها على روحها الطيبة وايجابيتها وصدق نيتها في التعاون مع الاخرين وافادتهم
- ثلاث وردات تقدمينها حق منو؟
وردة لج اختي الصابرة المحتسبة على طرح هالموضوع الخفيف اللطيف وادعوا الله ان يثيبك خيرا على صبرج
ووردة لحلم الطفولة لانها اول صديقة لي تعرفت عليها من خلال المنتدى
ووردة لريمان على روحها الحلوة ومؤازرتها الدايمه

واشكرج اختي الصابرة المحتسبة على الدعوة وهاللقاء الجميل

 

[الصابرة المحتسبة]

ماشاء الله لااله الا الله
عسى ربي يخليج لعييلج وتبلغين فيهم اللهم آمين

ويارب توفقين بحياتج وتلاقين الوظيفة اللي ترتاحين فيها.
وشكرا على الوردة.

 

[حلم الطفولة]

- كلمة لعضوة ؟
اوجهها لحلم الطفولة واقولها اني احبها في الله واشكرها على روحها الطيبة وايجابيتها وصدق نيتها في التعاون مع الاخرين وافادتهم
- ثلاث وردات تقدمينها حق منو؟
وردة لج اختي الصابرة المحتسبة على طرح هالموضوع الخفيف اللطيف وادعوا الله ان يثيبك خيرا على صبرج
ووردة لحلم الطفولة لانها اول صديقة لي تعرفت عليها من خلال المنتدى
ووردة لريمان على روحها الحلوة ومؤازرتها الدايمه

واشكرج اختي الصابرة المحتسبة على الدعوة وهاللقاء الجميل

:33_1185028183: ياحبيبتي يزاج الله خير وماتقصرين وأنا أحبك في الله, وانتي أطيب يالغاليه. :33_1185028183:

 

[الصابرة المحتسبة]

رد: ~~~جاي الضحى مع ولية أمر~~حياكم الله

هلا حيالله سر القلوب

تفضلي يالغالية

بسم الله

- بطاقتج الشخصية لو سمحتي؟

- سبب اختيارج للقب سر القلوب؟؟؟

- بما انج عضوة فعالة حبيت أعرف سبب اختيارج لمنتدى كويتيات النسائية؟

- عضوة وقفت وياج بكذى موقف كنتي محتاجة فيه للمساعدة؟

- موقف محرج مر عليج؟

- متى تحسين انج سعيدة؟

- كلمة لعضوة من اختيارج؟

- ثلاث وردات حق منو؟

وأتمنى لج قضاء وقت ممتع معانا.

بانتظار سر القلوب:68_asmilies-com:

 

[سر القلوب]

هلا حيالله سر القلوب



الله يحييج

تفضلي يالغالية



دام فضلج

بسم الله


- بطاقتج الشخصية لو سمحتي؟

ام لطفلين 6 سنوات وآخر 4 أشهر خريجة جامعة الكويت كلية الاداب قسم الجغرافية تخرج يناير 99

غير موظفة ومتفرغة لبيتي
- سبب اختيارج للقب سر القلوب؟؟؟

سر القلوب هو حب الله ورسوله وسر القلوب هو التمسك بصلاتي اسال الله ان يثبتنا
فكان السبب من باب الدعوة كنت في بداباتي في المنتدى احط توقيعي هلاكلام
- بما انج عضوة فعالة حبيت أعرف سبب اختيارج لمنتدى كويتيات النسائية؟

بصراحة كانت دعوة من كيت كات وبالتالي صرت مشاركة في ركن اولياء امور الطلبة غالبا

- عضوة وقفت وياج بكذى موقف كنتي محتاجة فيه للمساعدة؟

بصراجة كنت وايد محتارة وين ادخل ولدي باي مدرسة خاصة وساعدتني الحبيبة حلم الطفولة اشلون اقدر اتخذ قراري بارك الله فيها
- موقف محرج مر عليج؟

ظيعت وحبيت راس خالت اختي أم ريلها واهي صغيرة موكبيرة خخخخخخ

- متى تحسين انج سعيدة؟

لما اقوم بكل عباداتي اليومية بدون تقصير الله المستعان

- كلمة لعضوة من اختيارج؟

احبك في الله ياحلم الطفولة

- ثلاث وردات حق منو؟

طبعا انا اتكلم داخل المنتدى وردة لحلم الطفولة واخرى لسديم واخرى لكيت كات
وأتمنى لج قضاء وقت ممتع معانا[/font]​

اشكركم للاستظافة وان شاء الله كنت ظيفة خفيفة عليكم [/center][/b]

 

[الصابرة المحتسبة]

ماشاء الله تبارك الرحمن يا سر القلوب وعسى ربي يثبتج

ويارب يوفقج في حياتج ويحفظ لج عيالج اللهم آمين
ويستاهلون الخوات اللي ذكرتيهم.

وأسأل الله العظيم رب العرش العظيم أن يشفيك

 

[حلم الطفولة]

- عضوة وقفت وياج بكذى موقف كنتي محتاجة فيه للمساعدة؟

بصراجة كنت وايد محتارة وين ادخل ولدي باي مدرسة خاصة وساعدتني الحبيبة حلم الطفولة اشلون اقدر اتخذ قراري بارك الله فيها

- كلمة لعضوة من اختيارج؟

احبك في الله ياحلم الطفولة

- ثلاث وردات حق منو؟

طبعا انا اتكلم داخل المنتدى وردة لحلم الطفولة واخرى.....
​

[/center][/b]

يا حبيبتي يزاج الله خير ,, وآنا أيضا احبك في الله يالغاليه ... ولج مني ورده بيضاء

 

[سر القلوب]

الصابرة المحتسبة يزاج الله خير على الدعوة اسال الله القبول

وحلم مشكورة على الوردة البيضاء اللي مثل صاحبتها

 

[الصابرة المحتسبة]

ويجازيج ربي يالغالية