~~{} شاي الضحى مع ولية أمر .. حياكم الله {}~~

[يمة يادلبي]

يعطيج العافية عالموضوع الحلو وناطرين وليات امر ثانييين

 

[الصابرة المحتسبة]

يعافيج ربي ويسلمج

وان شاءالله في القريب العاجل لنا لقاء

 

[الصابرة المحتسبة]

السلام عليكم

هلا بضيفتنا الغالية lyale

تفضلي

عرفينا عن نفسج وهواياتج لو سمحتي؟

رايج بالمراكز والمعاهد التي تقدم دورات للتقوية ؟

هل قامت المدارس الخاصة بدورها على أكمل وجه أم في قصور ؟

عند قيام أحد أبنائك بخطأ ما ماهو التصرف الذي تقومين به؟

نصيحة للأمهات المدارس الخاصة (خاصة) وللمدارس الحكومية (عامة) ؟

كلمة أخيره؟

 

[lyale]

عليكم السلام
مشكوره اختي صابره علي الاستضافه وما شاء الله موضوع مميز بارك الله فيج
نبدي
عرفينا عن نفسج وهواياتج لو سمحتي؟
ام ل3 ابناء بنت الكبيره 7 سنوات وولدين 5 سنوات وسنه هواياتي الكتابه والنقد البناء ان شاء الله خخ شغلي يبي جذي صحفيه والسفر
رايج بالمراكز والمعاهد التي تقدم دورات للتقوية ؟
في الزين والشين بس اشوف كثرة مراكز التقويه والهدف الرئيسي الربح ياريت يهتمون فعلا بجذب ناس متمكنه من التدريس ولها خبرتها حتي تعم الفائده لابنائنا

هل قامت المدارس الخاصة بدورها على أكمل وجه أم في قصور ؟
لا لم تقم بدورها علي اكمل وجه القصور موجود في بعض المدارس من مدرسين ومناهج وخطه تربويه ومرافق في مدارس خاصه تاخذ علي الطالب مبلغ وقدره ولكن تظل مرافقها ومستوي الفصول كان مدرسه في منطقه نأيه
عند قيام أحد أبنائك بخطأ ما ماهو التصرف الذي تقومين به؟
النوتي شير هذا حدي ما عرف اعاقب والحقران لحد الان تصرفاتهم لم تخرج عن نطاق المالوف الذي يحتاجون الي عقاب اخر
الحمد الله
نصيحة للأمهات المدارس الخاصة (خاصة) وللمدارس الحكومية (عامة) ؟
عدم السكوت عن اي قصور او ملاحظه ومتابعة الابناء ومدرسينهم اولا باول

كلمة اخيره ؟
اشكر كل ام او بنت تدخل ركن اولياء الامور وتفيد غيرها بنصيحه او جواب لسؤال

 

[lyale]

حلم ببجي ريمان قضت علي صينية الحلو كلها ما خلت شي لي ابييييييييييييييي

 

[الصابرة المحتسبة]

مشكورة ليالي على قبول الدعوة

ويارب يبلغج بعيالج

 

[حضاره]

يارب الله يعطيج الصحه والعافيه يالصابره00متابعين معاج وناطرين الضيفه التاليه

 

[lyale]

العفو الصابره

 

[lyale]

ناطرين الضيفه اليديده صابره لا تتاخرين علينا

 

[الصابرة المحتسبة]

ابشروا يالغوالي عسى ربي يحفظكم

 

[سيدة الكويت]

الصابره المحتسبه شخبارج حبيبتى ولهانين عليج من زمان عنج

 

[أم عبووووود]

هلالالالالا يالغاليه الصابره شلوووونج حبوبه ؟!!!

وناسه اول مره انعزم على شاي الضحى بالمنتدى كل مره ادرعم حق التعليقاااات مشكوره بعد عومري على العزيمه وهاتى لي من حلو حلومه اشوي حطي لي بصحن وطرشيه تجمع العالميه ههههههه

عرفينا عن نفسج؟

الله يسلمج انا ريمان بنت شربت بينتو وام لطفل واحد ربي يخليه لى ... اداريه بمدرسه من مدارس الكويت الحبيبه

هواياتج واهتماماتج؟

هواياتى الله يسلمكم امممممم اخاف تضحكون علييييي هههههه.... الله يسلمكم انا اموت على الحداق عادي كيفكم ضحكو على الى باجر

رايج بالمدارس الحكومية؟

ورايي بالحكوميه مو مثل اوووول ايامنا ... المنهج واااااااايد صعب وفي اهالى مو ملحقين ولا عارفين حق مناهج عيالهم والمدرسات الله

بالخير بس ناطره المعاش مو مثل مدرسات اووول يعطون من قلب وبذمه وضمير

هل تأيدين نقل الطالب من الخاص الى الحكومه بعد المرحلة الإبتدائية؟

والله يالصابره اي أايد النقل الى الحكومه اذا شفت في تقصير من ناحيه الطالب بمعنى غبي كثر مايدرس مايستوعب حرام تدفعين عليه هالمبالغ

بالخاص <--- صريحه الاخت ويبين مستوىذكاء الطالب من الابتدائي

موقف بمدرسة عيالج قدرتي اتصرفين فيه ؟

ماصار حق ولدي لان تونى معاه بالالف باء ولدي بكي جي 2

كلمة ونصيحة للأولياء الأمور؟

ونصيحه انصح اولياء الامور يا امهات ويا اباء ويا .... <-- بدت ت خوره ريمان هههههههه لا لا لا لا ... الحين بنصح

الله يسلمكم مثل ماانتو شايفين بهالزمن اللى بدا يخرعنا العيال متفتحين على كل شي لابد الحين ان نرافجهم يعنى نصادق العيال وبنفس الوقت

ننصحهم ونعلمهم على القيم والمبادئ الاسلاميه .....

رسالة تحبين تكتبينها لمنو؟

لج انتى يالصابره وحلومه وام عبود واقول يعطيكم الف الف الف عافيه على الجهود و المواضيع اللي تفيد الامهات

والله يسخر لكم عيالكم ويبلغكم فيهم

ومشكوووووووره يالصابره على الدعوه

الله ىعافيج ياقلبي

ربي يرزقج بر عيالج يارب

تستاهلون كل خير حبيباتي

ربي يوفق عيالي وعيالكم ان شالله ولا يخسر تعبنا يارب

 

[أم عبووووود]

حياكم الله ضيفاتنا الغوالي وربي يبارك لكم بعيالكم ان شالله ويرزقكم برهم

صابرتنا الغالية مشكوووورة ياعمري وعساج عالقوة

 

[الصابرة المحتسبة]

الصابره المحتسبه شخبارج حبيبتى ولهانين عليج من زمان عنج

هلا بسيدة الكويت

وانا بعد مشتاقة لكم

 

[الصابرة المحتسبة]

حياكم الله ضيفاتنا الغوالي وربي يبارك لكم بعيالكم ان شالله ويرزقكم برهم

صابرتنا الغالية مشكوووورة ياعمري وعساج عالقوة

شوفي عاد يالحبيبة اذا تبين الصج هذا ولا شي من جهودج بالقسم

قولي آمين ثلاث مرات عسى ربي يبلغ باللي تمنينه عاجلا غير آجلا:eh_s(17):

 

[الصابرة المحتسبة]

هلا وغلا بضيفتنا شيوخه

سمي

يلا بسم الله نبدي


عرفينا عن نفسج يالغالية؟

هواياتج وطموحاتج؟

هدف وقدرتي توصلين له؟

تأيدين طريقة الدراسة عن طريق الإعتماد على النفس؟ وبأي مرحلة؟

موقف تضايقتي منه في مدرسة عيالج؟

رسالة لولية الأمر؟

كلمة أخيرة تحبين تضفينها؟

ومشكورة يالغالية على سعة صدرج

 

[شيــوخه]

الله يعطيج العافيييييييه الصابره المحتسبه ومشكوره على الدعوه

عرفينا عن نفسج يالغالية؟
انا ام ام اربع بنااات الله يخليهم لي وربه منزل

هواياتج وطموحاتج؟ انه اشوف بناتي احسن الناس واحسن المراكز بدراستهم

هدف وقدرتي توصلين له؟ حب زوجي واعيالي لي

تأيدين طريقة الدراسة عن طريق الإعتماد على النفس؟ وبأي مرحلة؟ اكيد الاعتماد على النفس حلو بكل شي المرحله المتوسطه وما فوق

موقف تضايقتي منه في مدرسة عيالج؟
يليت موقف واحد الا مواقف بس اقول الله يعيناااا على هلمدرسه
رسالة لولية الأمر؟
انصح كل ام انه الدراسه مو كل شي التربيه والاخلاق اول شي اشفايده الشهاده واخلاق مافي

كلمة أخيرة تحبين تضفينها؟
احب اقول الله يخليكم لي يا كويتيات والله احبكم في الله

ومشكورة يالغالية على سعة صدرج
العفو حبيبتي ماقصرتي على الدعوه الحلوه تسلمين وماقصرتي

 

[حلم الطفولة]

حي الله ضيفاتنا الغاليات ,, شيوخه وليالي الحلوه ,,
هذي صينية الحلو حقكم مخصوص

الصوره من الانترنت وليست صوره خاصه فيني

 

[lyale]

اب اب اب
شيوخه الله يبلغج بناتج
وحلومه شكرا علي الحلو وكثري منه ولا تنسينا واب اب لحلو حلومه

 

[mr000]

يه يه شنو هالحلو بالله حلومه لفيه بقصدير وطرشيه حقي مع السايق ماعليج أمر ..شيوخه وليالي بيسوون ريجيم مايبون حلو..طرشيلهم توست أسمر وجبن قليل الدسم..يعطيج العافيه..ويعطيج العافيه الصابره على هالموضوع الحلو