شباب نبي منكم طبخات حق عشاء

[شيخة البحرين]

سلام عليكم شباب...
ممكن تساعدوني وتعطوني طبخات حق عشيات
حد علمكم العشاء كله ممل ولا ادري شنو اسوي
ولكم الشكر مني
ومسامحه على الازعاج

 

[صابرة رغم الجروح]

عندج طبخات الباشميل سواء بطاطس او كوسا او مكرونة
محاشي
صينية شاورما بالجبنه والقشطة
مسقعه
شوربات
فطاير

هذا اللي ببالي الحين

 

[توتهـ]

هلا حبيبتي انا بقولج عشاي امس انشالله يعجبج
سويت صمون همبرجر
شويت الهمبرجر علي التاوه وشويت معاه بصل وطماط وفلفل اخضر رومي
وحطيتهم مع جبن سلايس ومايونيز وكتشب وسويت معاه بطاط مقلي
صراحه روووعه :eh_s(15):

 

[جارة القمر]

تفضل طلبك::


http://www.q8yat.com/t940261.html

 

[om 7sony]

والله صمون البيرجر باليبت عجييب ,,, جربي بيرجر خزان تندر ,, شي عجيبب واشويه مع طماط وخس وبصل ابيض واذا تحبين مخلل وطبعا الجبن ..
وفي بعد ميني بيرجر هم من خزان وتقدرين تسوين نفس الصمون بس ميني .. لذييذ ويشجع عالاكل
وتقدرين تسوين اطباق التوست
في وااايد ,,, واسهل شي توست بالبقصماط,,, سهل وسريع ولذيذ
وتوست بالكريمه بعد

 

[ننوووسهـ]

اسهل شي شاينيز سريع اسلقي نودلز او مكرونة وخليه ع جنب.. شوحي ع النار جزر بصل فطر فليفله الا تحبيه وبهريهم بالزنجبيل والثوم وحطي فوقهم صويا صوص او اي صلصلة ترياكي او المحار وبعدين اخللطي الخضار مع المكرونة وقلبي وهني وعافية

 

[نجاة80]

العشا احلى شي .. تقدرين تحطين ربيان بالبقسماط

عندج حمسات الدنيا .. حمسة فطر.. بصل.. وشوية بهارات..

حمسة خضره مشكله .. بصل ..ثوم .. شويه معجون.. ورشة ملح وفلفل اسود

حمسة حلوم .. حمسة فووول.. حمسة بيديان مقلي مع ثوم وشوية خل ومعجون طماط ورشة ملح

تقدرين تسوين بيتزا سريعه بالخبز او اي صمون عندج جاهز

مممم بعد عندج معكرونه بالروب .. وتخلطين مع الروب فصه ثومه 1 وشوية هرده وملح وياسلااام عالطعم

وايد وااايد في اكلات تنفع حق العشا .. اذا تبين شي بالتفصيل من عيوني بس بلغيني عالخاص لاني ما اتابع مشاركاتي

واحط الاكلات اهني عشان الكل يستفيد

 

[Angel_store]

اب اب اب

 

[زوجه متقاعد]

ماشاء الله الآخوات ماقصروا

عساهم على القوه