شتسوين ويا هالنماين ؟؟

[Patcholli]

قوه



بنات اكيد اغلبكم مرت بمواقف مشابهه .. نبي تجاربكم ونبي نصايحكم

لما تكونين بمطعم او محل او شركه او غيره .. واتي الموظفه تلزق بريلج .. وانتي جنج غبار عالطوفه مو حاطتلج اعتبار ..؟؟


شتسوين ..؟؟

والله
قبل جم يوم كنت ويا زوجي بمطعم عالبحر ..

و الفلبينيات اللي اهناك حدث ولا حرج لابسين بس جنهم مو لابسين ..

لابسين تنانير قصيره لي الفخذ وهالدلاغ الشفاف ..لي هني بطقاق ماهمني ..

بس يوم يابت المنيو اشوي تطيح بحظن زوجي واالله ان صدرها صار بويهه .. :eh_s(1): ميخالف قلت مو مقصوده .. يمكن طبيعيتها جذي تتقصع ..

شوي يت تنظف الطاوله اللي لازقه فينا مع انها فاضيه ومحد يبي يقعد عليها واساسا نظييييييييفه .. جان ترفع فخذها عالكرسي (( بين سير دلاغها الي على فخذها )) وريلها الثانيه عالارض وتطالع زوجي جنها لبوه .. اشوه انه كان لاهي بتويتر ما لاحظ .. << اول مره احس بفوايد التويتر لوول

انا طبعا ماحتريت ولاشي والله حتى ظحكت قاعده اقول حق ريلي هاذي اشفيها شموكلينا اللي تسوي هالحركات ..

بس بعرف يعني الوحده لما تصادف هالمواقف اشلون تتصرف ؟؟

تحقر وتطنش ولا تزف ولا شنو ؟؟

انا هالمره ماتظايقت لان الطاقم ثلاث ترباعهم عندهم شوارب فماهمني

بس لو كانت حلوه مثلا وجذي تسوي حق زوجي .. شنو التصرف السليم ؟؟؟

​

 

[mannawy]

والله انا نفسج اعاني نفس المشكله بس توه طرت على بالي فكره وبجرب اطبقها. في حال تكرار الموقف اللي جذي بستأذن من زوجي جني بروح الحمام وبسأل عن مدير الحلوه وبشتكي عليها وبحرص انها تشوفني اشتكي عليها. وبورقة التقييم بكتب الشكوى بعد بالعربي والانقليزي. بس المهم ريلي مايحس عشان ما الفت نظره حق هالاشكال

 

[black rose BH]

هههههه بيييييه انقهر وتنبط جبدي
تخيلي محد يطالعه ولا يطالعني الا حزه الا نطلع مع بعض

وانه عصبية ماتحمل !!

مرة ببداية زواجنا رايحين نشتري فستان حق خطوبة اخته

ووحده اشكرا تطالعه يعني ماتشيل عيونها

انه انبطت جبدي طلعت من المحل رحت محل ثاني الا اهي ورانا وهم نفس الشي

جان اقولها نعم ؟؟ في شي بويه زوجي لوووووووووووووووووووووووول ؟

واهو عصب وذيج شوي وتكفخني
بس ماتحمل اسكت بصراحه

 

[متواضعة]

وويه انا ولا افتكر اطبق يده وادلعه واكله واضحك والصق فيه زياده هههههههههههههه

 

[tunaQ8]

بعد شتسوين أتهاوشين مع خلق الله أمرج عجيب .

الحل عندج أذا انتي حاسه ان هذي التصرفات مضايقتك طلبي الاكل من المطعم .

أو دشي مطبخج وطبخي لريلج. خخخخخخ

 

[أغلى حبيبه]

سولفي مع ريلج وخليه يلها عشان مايشوف هالاشكال

ولا تقولين له اشفيها هذي وهذي عشان ماينتبه عليهم

والله يعينا عليهم

 

[ام كوثر2007]

الفلبن بالنسبه لي لا يهشووون ولا ينشووون ولا يحركون شعره براسي او براس ريلي ...


لكن لو كانت عربيه وتسوي هالحركااات واشوفها متعمده يعني ... العن والديها جدام الله وخلقه بس مو بيدي طبعا بس بلساني واعلمها قدرها ..

مو يقولج دايم الزبون علي حق ههههههههههه بمصخرها جدام امة محمد ومحد بيلومني ... وبقوول لمدير المطعم اذا بغيتوو تحطوون اوادم حطووو اوادم سنعه داشين مطعم احنا والا بيت دعاااره ؟؟


وبجذى اخليها تيووز من التصرفات المقصوووده مع الريايييل .. صدقيني لو كل وحده بطنش وتقول ما يهمني محد بيردع


لكن لمن يشوفوون ردة الفعل عنيفه بنوقف هالاشكااال الصايعه عند حدها

 

[جـــواهر]

سكتي ولاتنبهينه

هالاشكال مو بس بالمطاعم بكل مكان حتى بالتلفزيون

وحتي بتوتر اللي لاهي فيه

 

[حجيه هيونه]

والله ينخاف منهم

انا ماقد لاحظت شي جذي بس شكلي ببدأ اركز لوول

 

[_كيكه بالعسل_]

الله يسلمج انا وايد هالشوف من الفلبن هالحركات بالمطاعم قبل اذا معانا ابوي واخواني واطنش


بس يوم تزوجت كنا قاعدين بكافيه هاقن داز الافنيوز طاولتنا قاعدين انا وامي واختي يم بعض ويمي ريلي وابوي

المفروووووض انها تيي صوبنا احنا الحريم لا اهي يت بين ريلي وابوي وحاطين جياس يعني بس تقلقصت جان اعصب واتحلطم ريلي وابوي يضحكون ابوي قالي الحين اكلمها لج

راحت وردت تيب القهوه وهم نفس الشي تطاولني وتطاول امي واهي بين ريلي وابوووي جان اقولها تبين تنامين بحضنه اهي انسطلت ماتوقعت اقولها

وتستعبط قلتلها ليش تلزقين فيه جذي نامي نامي بحضنه جان ابوي يقولها مره ثانيه روحي صوب الحريم مو بين رياييل جان تقول سوري وويها يقط الوان

لووووووووووووووول بس بردت جبدي فيها الجلبه ماينفع معاهم الا العين الحمره ترى هذول فصع يوم طلبنا الحساب يابه ريال فلبيني كاااك انحرجت مع ويها يعني

 

[lolO29]

لو انا مكانج انادي مدير المطعم واشتكي عليها

 

[أم عزيـز]

انا من الاساس لما ايبون لنا المنيو زوجي يعطيني المنيو وقول حق اللي تستغل بالمطعم كلمي مدام

فما تقرب صوبه لان كل الشغل عندي لوووووووووول

زوجي اصلا ما يعرف يطلب فكل الطلبات علي المنيو عندي سواء كان اللي يشتغل ريال ولا مره
لازم يكلموني انا

بس اذا شفت شي مو طبيعي اكيد بناديها واقولها تعالي اوقفي يمي وكلميني لا تروحين صوب الرياييل !!

انا الحمدالله عندي ثقه بنفسي بس ما ارضى هالاشكال يتلزقون في زوجي حتى لو زوجي مو معطيهم ويه
ابين لها ان مو الكل يسمحلج تاخذين راحتج بين رياييلهم علشان تخاف وما تسوي هالحركات مره ثانيه

 

[شادن33]

انا امووووووت من الحره
بس الفلبن انا معلمته كل مايمروون صوبنا اقول ويييييع ريحه الثوم صكت راسي
عاد اهو تبرمج راسه يفتر لما ايون صوبه والله خخخ

 

[احآسيس هآدئه]

انا مع مناوي < ان شاء الله كتبت النك صح :d
فكرتها حلوه ومضبوطه ميه بالميه

اكره حركه التميلح والاستعراض للموظفين اكثر من الموظفات لان الرجال مايدخلون المحل اللي فيه موظفات فكه ااحسن شي

قد صارت هالسالفه لاختي كانت رايحه تأخذ زيوت معطره
وهي قاعده تشم العينات اللي يعطيها الموظف لمس يدها بالغلط
واختي طوفت هالشي
بعدها قال لها يدك خشنه تبين لوشن الا واختي تطنقر وتطلع لها قرون طبعا شتاء وبرد اكيد بتكون جافه يدها
عاد اختي راحت للبيت وهي معصبه ماتحملت من بكره راحت للمحل واشتكت عن الموظف
من بعدها طيروه وخلوه محاسب للمحل خخخخ

 

[sh_mashael]

اشتكي لإدارة المطعم عمى بـ عيونهم

 

[سحـورة]

ي حيااتي لا تضايجين بعمرج
ما تسوينهن .. خلهن يتحرقصن و يسون اللي يبن
الفليبينات تلقين تصرفاتهن لا إراديه ، اجسامهن قابله للضغط هههههههههه


لا تحاتين .. حد عنده نفسج و يطالع غير :eh_s(22):

 

[ماني من الناس]

اغار بس ماعرف اسوي شي كرد فعل وانسى خخ

 

[غلاي رورو]

المنتدى ذا دايما يخليني احمد ربي اني بالسعوديه

اشوى ياشيخه ماعندنا السوالف هاذي ولا كان من زمان طقيت قهر ومعي امراض الدنيا وميته بقبري بعد

الحمدالله لا حريم ولافلبن يشتغلو بمطاعم او مكان عام اللهم ممرضات بالمستشفى

يالللللللللللللللللللله لك الحمممممممممممد

بنات اللي تضيق فيها الحركات هاذي تشيل قشها وعلى السعوديه قددددددددددام

 

[المكسيكيه]

الله بالعون

 

[*Manoush*]

لحظة لحظة باتشيولي هذا اي مطعم الي كلهم خياس جذي ؟!!! مالت عليها وعلى شنبها جبح ويهه
بالنسبة لي ما اعرف اتصرف بس اتنرفز واخرب القعده والجو ماعندي حلول سنعه