شتسوي مع هالادمي العجيب ؟؟

[Patcholli]

قوه ..


امبيه حدي منبطه جبدي مو صج مو صج والله ..!!

معقوله في ناس جذي ..؟؟ مابي اقول رياييل استغفر الله لان احس مستحيل الريال يكون بهالشكل ..


قبل شوي اسولف مع ارفيجتي حدها منغثه ومنبطه جبدها من ريلها ..!!

دعله وكلمة دعله شوي عليه ..!!

اتخيلو بنات تقول امس نتمشى بالافنيوز والبنت دشت سيفورا شرتلها عطر وشوية ميك اب من فلوسها مو من فلوسه لان مستحيل يندي او يقط عليها دينار واهي تقول بطقاق مابي منه وماني محتاجه معاشي موجود

بس الطامه الكبرى

انه دخلها محل مونت بلانك وسوا روحه بيتطمش ..

بنص التطمش جان يقولها اشتريلي بوك ..!!!

@@

تقول حسيت المحل يفتر فيني جني راكبه قطار الموت ..

جان تقوله انا شكو اشتريلك اشتر حق روحك ..!!

جان يقولها توج شاريه حق روحج عطر ..!! ليش ماتشترينلي ..!!

امبيه بنات حسيت انهم متبادلين الادوار جنها اهي الريال واهو الحرمه ..

جان تقوله ماعندي فلوس ..

يعني خلاص بس استح على ويهك ويعه

اتخيلو بنات بكل وقاحه وجلة حيا جان يقول لا ادري ان عندج يلا دقي عالبنك جدامي خل اتأكد

تقول حقرته وطلعت من المحل وظل طول الطريج يحن اشتريلي البوك واشتريلي البوك ..!!

امبيه مو صج .. مو ناقص الا تقوله ترى مره ثانيه ما ايبك السوق نفس اليهال ..!!

وهم بكل مناسبه سواء عيدميلاد او عيدزواج اتقول اشكره ايلي يقولي ابي التلفون الفلاني ومن اتيبله يروح يبيعه او يقولها ابي الساعه الفلانيه وطبعا مايطلب شي رخيص كله بالعلالي وبالمقابل لي صارت مناسبه ايبلها عطر ..؟ يبط الجبد مال زنط .. يغث يحر ..!!

اهي الحين منغثه وتبي نصيحتكم اشلون تتعامل مع هالمخلوق ..!!

+ انها ي لايعه جبدها منه من زمان بس ماتقدر تتطلق لظروف خاصه فيها ..

حيل مقصر معاها مايصرف عليها ولا على عيالها كله مسافر ومستانس مع ربعه وطبعا ماتدري وين يسافر ولا وين يطلع مو نفس باجي الازواج حياتهم مشاركه وتعاون

وتقول جم مره يمد ايده يبوق من بوكها فلوس .. وجم مره طايحه عليه ينبش بجناطها مادري شيدور فلوس ولا خرده مادري

امبيه حيل كاسره خاطري للعلم اهي ملكة جمال وهاديه ومالها حس ولا شخصيه كلمة توديها وكلمة اتيبها

شتسوي مع هالادمي ؟؟

 

[بتبوتااا]

 

[فطوم 84]

ياكرهي ياالريال اللي يستغل زوجته


حبيبتي هذا واضح. ياخذه فلوسها. يبيع. الساعه والاغراض وياخذ الفلوس. لرفيجاته

خل تجعص عليه وماتعطيه

حلوه. فوق شينه قواة عينه

اصلا هالنوعيه لاتستبعدين يجمع فلوس يبي يتزوج عليها

وحده من جماعتنا جذي. ريلها علي قد حاله
جمع وياخذ منها دينار علي دينار لين جمع مبلغ

وبعدين طلع متزوج بسر

والله "بعض الريايل لاتعطينهم ويه

خل تقوله فلوسي لي وماتعلمه اي شي عن رصيدها بالبنك ولا جم عندها. واذا بتشتريله لاتشتري شي غالي


عشان ماتنصدم باجر لاسمح الله انه يخونها بفلوسها


وتحاول تتفاهم وياه وتخلي فلوسها لها تنفعها باجر. الفلوس تنفع المره باجر اذا صار ماصار وتخلا عنها

الله ييسر امورها ويهدي زوجها ويسخره لها اللهم امين

 

[فطوم 84]

ياكرهي ياالريال اللي يستغل زوجته


حبيبتي هذا واضح. ياخذه فلوسها. يبيع. الساعه والاغراض وياخذ الفلوس. لرفيجاته

خل تجعص عليه وماتعطيه

حلوه. فوق شينه قواة عينه

اصلا هالنوعيه لاتستبعدين يجمع فلوس يبي يتزوج عليها

وحده من جماعتنا جذي. ريلها علي قد حاله
جمع وياخذ منها دينار علي دينار لين جمع مبلغ

وبعدين طلع متزوج بسر

والله "بعض الريايل لاتعطينهم ويه

خل تقوله فلوسي لي وماتعلمه اي شي عن رصيدها بالبنك ولا جم عندها. واذا بتشتريله لاتشتري شي غالي


عشان ماتنصدم باجر لاسمح الله انه يخونها بفلوسها


وتحاول تتفاهم وياه وتخلي فلوسها لها تنفعها باجر. الفلوس تنفع المره باجر اذا صار ماصار وتخلا عنها

الله ييسر امورها ويهدي زوجها ويسخره لها اللهم امين

 

[ريما الهاجري]

وووووويه عما بعينا صج لو انا ماااخذاااااااااااااااااااااا السوق الله يعينها يارب

 

[ام الدرر]

واي باتشولي
انا احتريت
على قولتج مو ناقص الا تقوله اسكت ولا ما اييبك السوق مرة ثانية
لا ما يصرف عليها ويسافر ماتدري وين يروح
هالنوعيه مايستحون وييهكم منجب
من رايي تعامله بالمثل
اذا قرب عيد ميلادها تسوي نفسه ابي هالجنطة ابي هالساعه
هو اكيد ماراح يشتري
بس عشان بعدين اذاطلب تشتري له عطر نفس مايسوي
وتقوله طلبتك وماشريت لي
وفلوسها تصرفها على روحها
وتسوي استقطاع من معاشها بحساب مايدري عنه للزمن
باجر لا اعتازت ولا انحدت بشي شدعوه بيعطيها
ياحياتي والله اكسرت خاطري
عسى الله يهديه ويسخره لها

 

[مكتومه]

الله يعينها بخيل يعني شبتسوي ؟؟؟ تطلق ولا تتهاوش هذا حظها دايم الى حلو ياخذ حظه من الدنيا الجمال ولا الباقي طايح حظ فيه <<< المهم هي كم سنه وهي متزوجه يعني تعودت ع الهم و البخيل هذا ماله علاج جلعي ضرس منه ولا تجعلين فلس ذكرتني بختي مسكينه زوجها بخيل ولا موظفه ولا هم يحزنون بس مالها غير الشكوى لله .. خليها تطنشه واذا قالها عطيني ولا حن تصفقه طراق مثل العيال هههه والله يقهر يعني الى مايحس من نفسه .. ما حد يقدر يحسسه والمفروض هي من الاول حطت النقط ع الحروف يعني حطت لكل شي حد
الله يعين ​

 

[الجوهرا]

قليل ادب ومو متربي راحت الرجوله

 

[om-3azo-83z]

عمى بعيييينه شنو هذا وين الرجوله؟ ماكو كرامه يحن مثل الياهل عطيني عطيني ! قهرررررررررررررررني
خليها تصر على موقفها ماااااااااعندي و مو شغللللللللللك ولا لك حق تقولي اتصلي على البنك و عيالها لا تصرف عليهم دينار مو نحاسه بس لازم يتادب لين يحس مثلا خلصه الماجله لا تشتري رد وين الاكل ماو اكل و انت ما عطيتني
و اذا قال ما عندي تقوله خلاص متى ما صار عندك ييب اكل لك و للبيت انا ما عنديييييييي
لازم يحس بالسؤوليه ترا الرجال قوامون على النشاء مو العكس والله @@ حدي تنرفزت لو ريلي جان ارتكبت فيه جريييييييمه

 

[Snow-White]

صج هذا ويهه منجب ومايستحي. شفيهم الرياييل صاروا جذي !

انا رايي ماتعطيه ولا فلس ولا تييبله هدايا ولا شي وتخش فلوسها وكروت البنك عنه وتخلي فلوسها حقها وحق عيالها مع انه ملزوم يصرف عليهم بس دام نوعيته جذي مامنه رجا. واذا مافاد معاه التفاهم خل تعيش معاه بس كشكل ريال

 

[om-3azo-83z]

اي نسيت اقولج لا تخلي عندها فلوس كاش و اذا خلت ختخشهم مكان اليني الازرق ما يطلعه و من تشوفه يفتش ختزفه و تصرخ عليه بعد ختقوله ما تستحي على ويهك ريال شكبرك طول و عرض و تبوق من جنطه مرتك ختهدده انها بتفضحه و تفشله عند اهله و اهلها عشان يطيح من عينهم

 

[حلاه الكون]

هههههههه والله ريلها ضحكني
حبيبتي هذيلا رياييلنا ابتلشنا فيهم
عالبو موظفات صرنا نصرف علا كل العايله
مدامه راعي سفرات وروحات وماشاركها بشي
ولا فوق هذا ينبش باغراضها
زين تسوي فيه رفيجتج
وخل تبين له ان الرجل هو المسؤول عن العايله مو المره
وخل تعيب جدامه عالرجاجيل اللي مايصرفون علا البيت
ياربي والله بلشه
والله يعينها رفيجتج

 

[قلب طفـــله]

شوفي اهو يامدمن ياراعي خرابيط امم مادري شقولج اهيا ادرى بنفسها تقدر تصبر ولا لا وانتي قلتي انها ماتقدر تنفصصل لظروف خاصه فمالها الا الصبر الله يهديه ويسخره لها

 

[BaiTotia]

أستغفر الله

مالها حل غير إنها تدقره كل مرة وتقول له ماعندي

أو تقولها راتبي يالله يكفيني

ومو شغله تدق عالبنك

جبح رياييل

 

[ليه الجفآ]

اي والله صاجــه اختي قلب طفله

هرجال فيه بلى

او ان العله فيها اهي من اخذته هااك هاااك نظام حلالنا واحد وخربته عليها ..!!

الله يعينها

الحين خليها تلحق عمرها لاااااتعطيه شي ولاتخلي بلبيت شي ...

والله مونافعها ..



صــج يحرر ويبط الجبد شهرجوله ..
​

 

[انثى عاشقة]

يمممممممممممة وربي كلمة ذكر حتى ماتلوق عليه
ويع قطيعة
مايستحي
لو مكانها اخذ موقف صارم اوريه ان الله حق
مالت ع رجال هاليومين بس
خلها تبطها بويهه انت مكلف وملزوم تصرف علي
انا الريال ولا انت !!!​

 

[Flower20]

داوها بالتي كانت هي الداء
خل تسوي فيه نفس الي يسويه فيها

 

[كريستال]

وييع شفيهم الريايل صاروا جذيه

لاتعطيه ويه هذا اللي قاصر بدال مايعطيها تصرف عليه

شكلها وايد طيبه وعلى ويها يبي يستغلها

هالنوعيه مب كفو وخل تتوقع منه اي وقت ينكبها

والله الدنيا انقلبت

 

[كريستال]

استغفر الله العظيم

الله لايبلينا صج نرفزني الله يعينها

 

[Gifts&Occaions]

وييييييييييييييع على جذي ريال الله يعينها من قلب لاااااااتشتريله شي مايستاهل