شتقولين لخطيبج او ريلج اول ايام الملجه .. بعيد عن التجهيز الممل

[إبتسامهـ]

مرحبأأ ..

موضوعي ياعرايس ماعرف اذا انتو نفس معاناتي او لا .. الي اهي الخجل الي ينرفز
صح الزوج يحب البنت الخجوله بس كل شي له حد عشان جذي لازم نحلي لحظات الملجه والخطوبه بكلام معسول وحركات حلوه تعلق الزوج وتشد انتباهه

خلونا نتبادل التجارب والافكار بعيد عن هوس التجهيز عشان صج نحس بمتعة هالايام

انا عن نفسي قاعده احاول هاليومين ادز له كم مسج بس شكله مل يبي كلام حلو :eh_s(22): افكر اصبح عليه بكلمة حلوه مثلا .......( صباح الخير حبيبي تصدق ماقدرت ارقد من البارح من كثر شوقي )

شرايكم :ggdw: عطوني افكار بليز

 

[مي دودي]

انا اقول خليك ع طبيعتك وخلي الكلام يجي عفوي

وبالتوفيق

 

[مهندسة الابيات]

الحلوووو انه هو اللي يبلش مو انتي

ولا تكثرين من الحجي خليه يتشوق على كلمة حبيبيي

 

[عايشه بدونه]

اول شي الف مبررروك للجميع
وبلنسبه لي للاسف اهلي رفضوا ان يكون بيننا اتصال او كلام او حتي يشوفني

وهو كان طالب يشوفني وقال خلاص نكلم بعض هم رفضو هههههه تعقد الولد

شنسوي عاداتنا هيك مع انو هم لا وكل خواته يكلمن ويشوفن خطبيهن

اهلي لسه بدووووووو والله المستعااان ^^

 

[ترنيمة سكون]

والله انا ملكت قبل اقل من شهر تقريباً صارلي 25 يوم وانا من الشخصيات اللي جدا جدا خجوله واستحي لدرجه ماتتخيلينها بس بالبدايه كنت استحي منه حيل حتى ليلة الملكه مارفعت راسي لكن الحين لا والله يصير بينا كلام حلو وغزل وانا اقوله وادز له مسجات صحيح مو كل وقت عشان لايمل بس صرت اتجرأ معاه في الكلام الحلو

سبحان الله وين خجلي وشخصيتي الخجوله جداً حسيت اني خذيت عليه بسرعه وهو بصراحه يعتمد على الزوج بعد اذا هو دائما يقول كلام حلو وكذا يشجعج عشان تبادلينه نفس الشي لان البنت تستحي هي تبدأ

انا اقول اذا هو يقولج كلام حلو لاتقصرين معاه بس خلي شوية خجل يعني لاتزوديها ولا كلش ماتقولين له شيء


اتمنى فهمتي علي حبيبي احس كلامي مو مرتب



والله يوفقكم ويسعدكم




.
.

 

[لمى الهاجري]

اهى اهى اهلي رفضوا المعرس حبيبتي الكلام الحلو يجي بروحه صديقيني

 

[ابيات]

انا بالنسبه ي للحين حيويه معاه مع اني اكلمه من 8 شهور تقريبا
وعموما الزوج يحب زوجته تكون حيويه عشان يحس انه هو فعلا اجرا منها
بس عن تجرررررربه
الزوج يحب الاهتمام الزايد بس مو معناته تهملين نفسج واهلج عشانه
بس اذا بيطلع مكان قوليله لاتشرع ودير بالك ع نفسك ترى قلبي يبيك
واساليه اكلت عدل
واذا بغى ينام عوديه م ينام الا بعد م يكلمج
واذا صحى الصبح صبحيه بكلمتين حلوين
وربي هالشغلات البسيطه تخليه مايتحمل غيابج لو دقيقه
هذي تجربتي

والكلام المعسول مع مرور الوقت بيصير يطلع لا ارلدي من لسانج ولسانه
بس حلاتها لما هو اللي يبدا مو انتي

انا اخليه يتشفق ع كلمة حبيبي او حتى دلع اسمه واذا فاجأته فيهن احسه يطيو من الوناسه يقعد يتغزل ساعه كامله فيني بسبة هالكلمتين

والله يوفقج ي غلاي

 

[khawla&tito]

بالتوفيق يابنات

 

[مجنونة ضحكاته]

عسى ربي يوفقني ويرزقني الزوج الصالح الي اقوله ويقولي كل شي

 

[PuPa^^SWeeT]

الله يوفقكم و ينور درووبكم ويسخرلكم رياييلكم

 

[قلبهـ 86]

الله يتمم عليكم وعلينا


بس حلاته اهو يبدي الاول

 

[الحورية الصغيرة]

ممكن سؤال لقافه

جم ساعه تكلمون ريايلكم باليوم فترة الملجه > ملقوفه

 

[ant7 bla roa7]

ي حليلكم ههههههههههههههه ياتسبدي تسبداه

وأنا متى يجي فارس الاحلام على خيل ابيض ويخطفني ويتغزل فيني وأتغزل فيه >>>صار فلم هندي هههههههه

المهم ربي يوفقكم ويرزقني اللي في بالي اميييييييييييييييييييين

 

[I`5thny "lk]

شسمه نفس الوضع معاآي
من خطبنا وحنا نهي مقابلات .. نهي كلام .. نهي كل حااجه ..خخخخخ
بس ماأدري أحس كذا أحسن ولو أقابله أصلن مارآح تطلع مني نص كلمه >> ماخذه هم حييل أحس بكون ع الصآآآآمت :eh_s(22):
الله يستر بس مدري شسوي مع هالخجل اللي بيفشلنا :eh_s(2):
بس اللي مريحني أني أعرفه وأعرف شخصيته ومرتآآحه له جددددددددددا وتسذا يعني :eh_s(22):

الله يسهل لنا ويسعدنا أن شاء الله ويجعل ليلتنا وحياتنا كلها فرح وسعاده وكل من قآل
آميين:eh_s(7): ​

 

[قطوه بطه]

بدش عرض

يارتني ماكلمته

زهقت ةكثرت مشاكلنا

بالتوفيق للكل :*

 

[7elwa&3soola]

بنات شفيكم مستعيلات نطري لمن اتزوجين بعدين تقولين له كلام حلو ترى ياخذ فكره سيئه يقول هاذي جريئه ومتفتحه
وقاطه نفسها حلات البنت بخجلها وبثقلها وبعد الزواج اووكي بس الحين عيب بصراحه ​

 

[جنزبيلا]

ممممم بقوله نعسانه

ههههه مجننته بالنوم متحلف فيني

 

[ابيات]

حبيبتي اللي تقولين كثرت مشاكلكم وياليتج م كلمتيه
ي حياتي عذي نصيحه مني لج نصيحة اخت مو اي احد

اذا تكلمتوا بموضوع وبدا النقاش يتوترا ذا هو شد انتي ارخي والعكس
اهم شي لاتشدون اثنيناتكم

انا معوده خطيبي اذا فيه شي نرفزني او زعلني اسكت كلش ومااتكلم
ولما يسالني وش فيج
اقوله عادي م فيني شي

وبس نسكر ارسل له اللي بخاطري كله باسلوب راقي واحسسه انه هو الغلطان
والحين تعود ع هالشغله وصار يقولي من نفسه اللي بخاطرج ارسليه لي بمسج انا ناطره ههههههه
وربي احلى طريقه لانكم لو تكلمتوا اثنيناتكم راح توصل السالفه للعناد
بس بالمسجات فيه مجال للتفكير بالكلام قبل يطلع ويوصل للثاني

وربي حيييييل اريح وبعيد عن المشاكل ي قلبي

وموفقه ي عسل

 

[))) ساره (((]

 

[إبتسامهـ]

الي تسأل جم ساعه نكلم صراحه انا في البدايه تقريبا فكل وقت ليل نهار بس بعد اول شهر صرنا مانتجاوز ساعتين انا انشغلت بالتجهيز وهو بعد انشغل

والي تقول لاتكلمون وايد وبدري ع الكلام الحلو صراحه انا كنت نفس نظريتج بس بعدين تغيرت عندي الفكره ترا كلنا حياويات بس ع حسب شخصية الزوج اذا كان ريلج يحب الكلام الحلو ليش تحرمينه بحكم العاداات والتقاليد خصوصا الي مرت عليهم شهور واهما متملجين لين متى ؟؟؟ لين يروح يسمع الكلام من احد ثاني .. ترا في ريايل يهمهم هالشي اكثر من اي شي ثاني
والي ريلها مايهتم خليه بعد الزواج

نصيحه ترا شباب الحين عقلياتهم تختلف عن اول ومستحيل يفكر فكره سيئه اذا كنتي شوي جريئه شوي مو وايد مع حياج الحلو
والله الريال بكلمه تملكينه هذي وجهة نظري

لاتضيعون احلا ايام العمر بالعادات وحجي الناس استمتعي بكل لحظه قبل تكبر المسؤوليات