شتوكلين ولدج بهل عمر؟

[q8 knosha]

السلام عليكم..

عندي سؤال بخصوص اكل البيبي

انا ولدي عمره 9تشهر وسبوعين

الصبح اعطيه حليبه لانه يكون نايم يقعد عل10 جذي وعطيه الاكلالمعلبات مال اليهال

والظهر اسويله عيش مشخول مع روب مرات احط معاج جزر او بطاط مفيوح

سويتله خضار مفيوح وحطيته بالخلاط ناعجبه

العصر اعطيه الروب مال اليهال اللي على فراوله وكرز ومشمش كل يوم واحد

والمغرب اعطيه روب اهوا يحبه لازم الروب

وهم اعطيه محلبيه وكراميل ملوت دناو

وهم اعطيه سيريلاك وفي بالجمعيه شي على فواكه مثل السيريلاك همم شاريته له
وهم طبعا اعطيه حليب بين الوجبات

بس من شوي بنت خالتي يوم يتني قالتلي ليش توكلينه معلبات موزين! :eh_s(1):

زين عيل شتوكلون عيالكم؟؟

ودي اعرف شتسون لهم اكل؟؟

مادري في شي غلط باللي قاعده اعطيه اياه؟؟ ولا لا ماشيه عدل؟

 

[GaLbI t7aWaL]

والله ما ادري لان بنتي عمرها ٤ اشهر

بس اتوقع انتي سويييه فرش عندج

يعني الفواكه حطيها بالخلاص وعطييه

والخضروات بالخلاط وعطيه

 

[مرايــــــــم]

سويله خضار
جزر قرع كوسا بطاط
اسلقيهم وماله داعي تحطين ملح
لانه القرع يحليهم
وخليهم لمده يومين بالثلاجه

وعطيه من اكل البيت

 

[المسكـ]

عطيه من غداكم خلاص الولد كبر ماشالله
مثلا لو غداكم عيش ومرق حطي عيش معاه مرق وبطاط وباميه وطحنيهم بالخلاط
وابدي عطيه دياي مطحون مثلا شوربة خضار سويله كوسا وجزر وبطاط وعيش وملح
خليه يميز بين الاكل المالح والحلو
خدامتنا الفلبينيه كانت كل يوم تعطي اخوي عيش مصري مفيوح وتقط فوقه بيضه وتقطهم بالخلاط من عمره 6 شهور وتعالي شوفيه ماشالله قوووووي وليلحين بطه امتن واحد من اخواني صار
وعطيه هريس وايد زين
ترا من عمر 6 شهور المفروض البيبي ياكل كل شي ووجباته اتكون 3 غير السناك وطبعا غير الحليب

 

[فلافل وبطاط]

الموزه والتفاحه والفاكهه عموما خليها فريش ولا تخلطينهم مع بعض
هرسي موزه بصحن وعطيه ... وحكي تفاحه بقفشه وعطيه ..

وطبخي عيش وشوي خضار قرع جزر بطاط كوسه مع دياي او لحم بدون
عظم وطحنيه بالخلاط وعطيه او عطيه من غداكم مثل ماقالوا ...

ذوقيه من اكلكم بس شي ناعم ومهروس وبدون بهار وفلفل ...

فارليز وسيريلاك ومعلبات وزبادي بالفواكه هذيله بين الوجبات ولاتكثرين من
المعلب ...

شربيه عصير فريش شوي ومو ثقيل يكون ...

عموما البيبي من ٦ شهور يبدا ياكل ...

 

[زنوبة الحلوة]

البنات ماشاءالله ماقصرو

بس صج لا تعطينه من هالمعلبات كلها مواد حافظة حاولي الفواكهه والخضار كله انتي تسوينها وتطحنينها بالبيت


والياهل يحب المعكرونه بس خليها تصير لينه اكثر

والحين اسم الله عليه 9 شهور عوديه ياكل من اكلكم عادي

 

[حوررريه]

الله يحفظه انا عن نفسي ما استخدمت الاكل المعلب احب اسوي بروحي..
بعمر وليدج بسم الله عليه عندج الصبح البيض المفيوح توكلينه وهم عندج بقصم اليهال تغطينه بحليب اللي يشربه او جبنه كيري
والغدا عندج الخضار بانواعها انا القرع العسلي اسويه مع الرز المصري او بطاط مفيوح مع بيضه مفيوحه مع بعض وروب يحبه الله يحفضه وعندج الافوكادو هرسيه له واممم بعد شنو الكيك العيوش والمرق احس توه صغير عليه تعطينه من اكلكم انا من عمر سنه بدا شوي ياكل من اكلنا..
الشوربه لليوم ولدي عمره ثلاث سنين لازم العصرية اسوي شوربة اقط فيها معكرونه نشربها كلنا بالبيت..
والكركم اعتمدية فاكله لانه ينقي الدم وطارد للبلغم شوي طرف ملعقة وهم بعد الكمون عشان الغازات..

 

[dantella]

انا ولدي من عمر ال6 شهور بديت اتدرج معاه والحمدالله تقبل الاكل
الحين عمره 7 شهور وتقريبا كلشي اعطيه
يحب ياكل من مرقتنا يعني مثلا مسويه مرقه لحم او دياي فيها خضره بطاط وجزر وكوسا وهالسوالف اشيل منها واهرس هالسوالف واوكله يحبه يموت عليه بس طبعا ماخلي المرقه مالحه ولا دسمه يعني اشيله تالي اضيف الملح
مثلا مسويه مجبوس دياي او لحم اشيل شويه من مروق الايدام وهم ما اخلي المروق دسم او مالح واقطع شوي من الخبز الخفيف واحط معاه من المروق هم يحبه
اهرسله نص موزه مستويه
اسويله شوربه خضار واحط معاها عيش مصري يذوب بسرعه ويصير لزج
وانا اعطيه دانيت على فانيليا وبسكوت
اعطيه سريلاك
اعطيه فيرلز
في نوع بسكوت من ماركه هاينز للاطفال فوقف ال6 شهور احط بسكوتين منه بالممه مالت الحليب اسويله حليب عادي الي اهو يشربه واقط بالممه بسكوتين .... وهالبسكوت بسرعه يذوب بالحليب وهم يحبه
مممممممممم شنو بعد اذا تذكرت اقولج

 

[dantella]

بس حرام وخري عن المعلبات ترا كلها مواد حافظه
ونسيت اقولج
هم اسويله بيض طماط
احمس شوي الطماطه مع سويه زيت مو وايد لين يذبل الطماط تالي انزل عليها بيضه لين تنضا واوكله هم وايد مفيد
بس انا ولدي ما يحب الماصخ عشتو يستطعم احط له شوي ملح مو وايد ما اكثر لان الملح الوايد يتعب كلى الاطفال الي ماكملو عمر السنه

 

[noynoy]

الصبح اول ما يقعد حليب
الريوق: بعدين كرون فلكس و حليب -او توست و لبنه و زعتر -او بيض مفيوح تعطينه بس الصفار -او صفار بيض مسويته اوملت و تخلطين معاه جبن -

الغدا: عيش و خظار (كوسا-جزر-بطاط-زهره-بروكلي-سبانخ-قرع) و نتفه بصله و طماطه و بروتين (لحم -دياي-جبده دياي-عدس)
الخظار طبعا تقدرين تخلطين نوعين ثلاث او تكتفين بنوع واحد
البطاط و الكوسا و القرع اشتريهم فرش
*البروكلي و الزهره و السبانخ اشتريهم مثلج
*البصله و الطماطه لا تكثرين بس عشان تحلي الطعم
*الدياي و اللحم و الجبده اشتريهم فرش الدياي صدور و اللحم هبر بعدين قصصيهم قطع صغره و كل قطعه حطيها بجيس نايلون مال التوست و بعدين حطي هالجياسه بجيس نايلون كبير يعني يصير جيس دياي و جيس لحم و جيس جبده و كل يوم تطلعين قطعه قبل الطبخ بثلاث ساعات عشان يفج الثلج
يوم عطيه لحم و يوم دياي يوم جبده و يوم عدس و يوم خظار
*طبعا بدون ملح
*حطي نتفه كركم تقريبا ربع قفشه صغيره لانه مفيد
*استخدمي عيش مصري يحبونه اليهال
*هم تقدرين تعطينه هريس و يريش و ملوخيه مع عيش ابيض و مرق لحم و باميه مع عيش ابيض او مرق لحم و قرع مع عيش ابيض

المغرب: فاكهه مع الشوفان (تفاح عرموط-موز-افوكادو- مشمش- تين مجفف- مشمش مجفف - كشمش مجفف - تمر)
الطريقه: تقشرين الفاكهه اذا فيها قشر و تقطعينها، و المجففه بس تقصصينها صغار، تحطيها بجدر صغير مع ماي لما تذبل شوي تحطين شوفان تنطرينه يثقل و بعدين تحطينه بالخلاط مال اليهال ، طبعا كل الفاكهه اللي كتبتها تقدرين تسوينها بالشوفان الا الافوكادو
اذا حطيتي مشمش او تفاح او عرموط حطي نتفه دارسين يصير احلى
او تقدرين تقشرين الفاكهه و تبشرينها و تعطينه فرش

اذا ياع عقب عطي روب اكتيفيا، انا ما احب اللي فيه فاكهه اعطي بنتي الخالي بس يكون كامل الدسم
و بالليل حليب

و اذا كبر صار سنه سنه و شهر هالحره دخلي بياض البيض و السمج و باقي الفاكهه فراوله و كيوي و هالسوالف

 

[...الجوهرهـ...]

انصحك بكتاب الطفل السليم يهبل لكل عمر في اكلات اتخصه

 

[om MaRyooM]

كل انواع الخضار والفواكه

وافيد شي من الخضار البطاطا الحلوة

وافيد شي من الفواكه بهالعمر التفاح والجزر

وعطيه تمر بعد




انصحج بكتاب (ريم قنواتي) عجييييييييب هالكتاب مقسم كل مرحلة عمرية ووصفات اكل سهلة ومفيدة
ماتخليج تحتارين كلش

من الولادة لعمر 12سنة

 

[q8 knosha]

تسلموون حبايبي بجرب هل سوالف معاه
وانشالله يعجبه