السلام عليكم
قوه خواتي شلونكم شحالكم
المهم ببلش بالموضوع
بنات احنا شحقه كل عمرنا مع اهلنا سمن على عسل ولما يزفوننا و يهاوشونا ندري انهم اهم الصح
واحنا الغلطانين ونتم نعاند وجذي عادي يعني كل هالسوالف مرينا فيها فترة المراهقه
وندري ان اهلنا يعرفون مصلحتنا وخايفين علينا اكثر من اي حد بالدنيا
ومتأكدين من هالكلام مليون بالاميه
بس
بس الي مستغربه منه انه لمن يجيلج المعرس على الحصان الابيض واهلج يرفضونه :eh_s(4):
ليش ذيج الساعه انحس انه اهلنا مو مهتمين فينا او مو خايفين علينا مانتزوج (موهامينهم) :bbbiu:
مثال بسيط وحده من رفيجاتي اختها انخطبت
وبعد فتره من الخطبه يالهم خبر ان المعرس يطق واهي فسرت الموضوع حسد وغيره وكيد عذال :rerrerek:
وعقب ماتزوجت اكتشفت ان الموضوع صج كله والريال كله
يطقها ومبهذلها وسوالفه ماتخلص وماكانت سالفة حسد
ووايد نسمع ان بنات يوافقون على رياييل مغازلجيه ويقولون احنا بنغيره بعد الزواج!! امبيه شهاالثقه
اقط نفسي بالبحر وانا مااعرف اعووم؟
اقرب مثال انا
قبل مده سمعت الوالده تحاجي وحده بالتيلفون وتقولها لا بنتي >>يعني انا
مومال زواج الحين اهي ليلحين تدرس :eh_s(7):
والوالده ماقالت لي اصلا ان اكو واحد متقدملج
هذاك اليوم عفست الدنيا وشغلت صفارة الانذااار :eh_s(2):
لييييييييييش يما ماقلتيلي انه متقدم لي واحد ؟:eh_s(11):
وليش تقدمون رايكم على رايي؟:eh_s(11):
وليييش ماتبيني افرح تبين تخليليني يمج؟:eh_s(11):
والله اعلم جم واحد رفضتوه وماقلتولي :eh_s(11):
وتبدا الظنون وبليييس لعب براسي مباراة كامله ووقت بدل ضايع:rerrerek:
طبعاً انا ادري ان ما معاي حق بالي سويته
وان امي اكيد عندها سبب قوي رفضت الريال بسبته بس شتسون برداة العقل حزة الحزة
وحتى رفيجتي الي حيل معاي وافقت على واحد حججججججر حتى خواته المتزوجات ميننهم وشكاك ومادري شنو
لا وتقول الله يعني على حجارته:eh_s(2):
أي ليييييييش كل هذا؟؟؟؟
بنات بلله عليكم ماشفتوا سوالف نفس جذي؟؟؟
يعني كل الي حواليها يحذرونها وديري بالج ومدري شنو
واهي أذن من طين واذن خارج التغطيه!!!
شحقه احنا مافينا صبر ننطر للاحسن بنات؟
ادري بتقولون السنين تركض ومادري شنو
بس شحقه تقطين نفسج على واحد عرفتي شره قبل خيره
اذا ربي كاتب لنا نصيب بوقت معين والله لو اعصار إيرين بينج وبينه بتاخذيييييييييييينه :eh_s(15):
المهم بنات
انا الي ابي اقوله شحقه احنا مجرد حلم الثوب الابيض اهو الي يتحكم فينا ويعمينا عن كل شي؟؟
يعني اذا كنتي اتحبينه انزين الحب عمي
بس ريال ماتعرفينه ولا بعمرج شفتيه قبل لايخطبج
وتوصلج معلومات انه فيه وفيه شحقه تروحين للمشاكل وعوار الراس بريولج !!
تأكدي على الاقل من هلكلام موسيده موافقين موافقين موافقين:ggdw: (جنج سبيجه بمسلسل رقيه وسبيجه)
ولا شفايدة ان ابوج يسأل عنه بشارعهم
وبدوامه
وبالمسيد
ويسأل عنه بين ربعه
ويشوف اهم زينين ولا (اصدقاء سووء)
!!!مو عشان يتأكد انه ريال زين ويأمن على بنته وياه؟
ولا بس صارت هالسالفه إجراء روتيني!!!
ياعالم واعذروني على المثال مو للتشبيه بس للتقريب
لو عندج قطوه بتبيعينها تقطينها عند اي حد ؟
لا والله الا بتحرصين عليها وتدورين لها المكان السنع والشاري السنع مهما يكون هذي روح
عيل شلون تهون عليج نفسج:eh_s(2):
وبالنهايه موضوعي انا ما اقصد النصيب (لان ممكن الواحد يحتاط كل هالاحتياطات ويطيح بالشين وهذا نصيبه)
بس قصدي الي يتهاونون بأخلاق المعرس وسمعته والسؤال عنه
و الحرص واجب بنات وهذي حياة كامله بتعيشينها
ولا ترى لو على اهلنا اسهل لهم يقطوننا عند اول واحد يطق الباب ويفتكون من مسؤليتنا:bbbiu:
و ارد واقول انا اقصد الي تفرط في نفسها من البدايه وتنعمي ببريق الثوب الابيض
غمضي عيونج شوي عن الثوب الابيض واستخدمي عقلج
والبنهايه
الله يرزقكم رياييل صالحين حنونين حليمين عند الغضب اغنياء النفس والمال وتكونون قرة عيونهم ويكونون قرة عيونكم يارب
والي متزوجات الله يرزقهم بالضنا الصالح الي يفرحهم
والامهات الله يجعل عيالكم ابر الناس فيكم
اللهم آمين
بالتوفيق للكل
