شخصيتج بالمنتدى تطابق شخصيتج الحقيقية؟؟؟؟؟؟!!(للجريئات)

[bint ilq8]

السلام عليكم
موضوع عجبني في منتدى حببت انكم تشاركوني فيه..

شخصيتج بالمنتدى تطابق شخصيتج الحقيقية؟؟؟؟؟؟!!

هذا سؤال يحتاج الى الجرأة والشجاعه للرد عليه مو صح؟..

هل شخصيتج خالية من العيوب والأخطاء مثل ماهو واضح بمناقشة اي موضوع يقدم نقد لأي سلوك أو تصرف موصحيح بالمجتمع أو غيره تتبرين من هذي السلوكيات وكأنج ما سلكتيها أو نعرفها مع ان احنا اللي نسوي جذي!

:::::::::​

وفي المواضيع اللي تنطرح وتقدم فيها الشخصية المثالية اللي تمثلنا بالمنتدى وهني تعرفين التناقض بين ما نقدم وما نسلك بالحقيقة!!..

عندي جم سؤال ابي كل وحده ترد على موضوعي تجاوب على هالأسئلة:..
_بنسبة جم بالمية تمثل الشخصية الصجية عن شخصيتج بالمنتدى؟؟؟
_تأثرتي بشخصية المنتدى؟؟وهالتأثر ايجابي ولا سلبي؟
_شاللي قدمته لج الشخصية المثالية(شخصيه المنتدى)؟؟
_أثرت هالشخصية على سلوكج العام؟؟وشلون؟؟
_شالسبب في اختلاف شخصيتج الحقيقية عن المنتدى؟؟؟؟

____اللي عندها هالجرأة ..تجاوب على هالأسئلة :ggdw:_____

ومن هو ليس واثق من مدى اختلاف شخصيته في المنتدى وفي الحقيقة ,, فليعلق على هذا الموضوع ,, فمهما يكن لانستغني عن آرائكم,,ولي عودة بعد مشاركاتكم لاجيب معكم عن الاسئلة....
دمتم في حفظ الله

منقوووول مع تغيير اللهجة وطريقة الحوار..

 

[غيدآء]

اولا شخصيتي بره المنتدى هي نفسهااا بالمنتدى...والي يعرفني اهني يعرف انه انا نفسي بره >>>معاها اختها ورفيجاتهااا *_^

بالنسبه للاسئله..
_بنسبة جم بالمية تمثل الشخصية الصجية عن شخصيتج بالمنتدى؟؟؟
90%

_تأثرتي بشخصية المنتدى؟؟وهالتأثر ايجابي ولا سلبي؟
ما تاثرت بشخصيه لكن اتأثر بطرح او باسلوب موضوع

_شاللي قدمته لج الشخصية المثالية(شخصيه المنتدى)؟؟
بالنسبه لشخصية المنتدى قدمتلي اشياااء كثيره.. منها.يعني خلتني اكثر دقه باسلوب حواري..
_أثرت هالشخصية على سلوكج العام؟؟وشلون؟؟
اثرت بشكل حلوو انها زادت عندي اسلوووب الحوار مع اهلي ومع رفيجاتي
_شالسبب في اختلاف شخصيتج الحقيقية عن المنتدى؟؟؟؟

مثل ما قلت لج ماكو اختلاف





ومشكووره عالاسئله الحلوه يا حلوه

 

[اسوووره]

ونااااااااسه اول مرة اكون اول رد
بالنسبة لي الحمدلله طبيعتي بالمنتدى نفس طبيعتي بحياتي ماعندي اغلاط امبله و اكيد ماني ملاك وماني رسول معصومة من الخطى ...
و بالنسبة حق العيوب فيني عيوب طبي و تخيري و اقولها اذا كان في موضوع يستدعي اني اقولها ...
وايد شكرا حبيبتي على الموضوع الحلو مثل راعيته تسلم ايدج عالنقل الجميل ...
و تقبلي مروري

 

[غزلان]

عندي جم سؤال ابي كل وحده ترد على موضوعي تجاوب على هالأسئلة:..
_بنسبة جم بالمية تمثل الشخصية الصجية عن شخصيتج بالمنتدى؟؟؟
80%
_تأثرتي بشخصية المنتدى؟؟وهالتأثر ايجابي ولا سلبي؟
اي حييل وايجابي طبعا
_شاللي قدمته لج الشخصية المثالية(شخصيه المنتدى)؟؟
وعتني شوي
_أثرت هالشخصية على سلوكج العام؟؟وشلون؟؟
مو حيل بس احاول اكون مثاليه نفس شخصيتي هني
_شالسبب في اختلاف شخصيتج الحقيقية عن المنتدى؟؟؟؟
انه بالواقع مو مثاليه % فيني اخطا بتصرفاتي وشخصيتي ومو حلوه تبين هني
يعني اطمح للكمال بشخصيتي

 

[احساس بنت]

وعليكم السلام ورحمة الله

موضوع بعد عجبني علشان جذي بجاوبج على الاسئله :dddds:

بنسبة جم بالمية تمثل الشخصية الصجية عن شخصيتج بالمنتدى؟؟؟

70 %

تأثرتي بشخصية المنتدى؟؟وهالتأثر ايجابي ولا سلبي؟

ان كنت تأثرت من غير ما احس اتمنى انها أثرت فيني بالخير وبشكل ايجابي

بس للامانه ساعات ردود البنات تأثر فيني وتغير من طريقه تفكيري :tomato2:

شاللي قدمته لج الشخصية المثالية(شخصيه المنتدى)؟؟

اذا كنت ادعي المثاليه لابد اني اتأثر في هالشخصيه يعني اكيد بشكل غير مباشر بطبقها في واقعي

أثرت هالشخصية على سلوكج العام؟؟وشلون؟؟

شي طبيعي تأثر علي وخصوصا اني ادخل للنت باستمرار يعني الشخصيه تلبستني وتقمصتها لوووول

شلون .. انا اقولج شلون يعني تغيرت نظرتي لأشياء كثيره واختلفت طريقه تفكيري لبعض الامور

شالسبب في اختلاف شخصيتج الحقيقية عن المنتدى؟؟؟؟

السبب لان كل شخص يحب يظهر بأحسن وأفضل صوره .. فهو يلبس القناع ويخفي عيوبه وشخصيته الحقيقيه بشكل غير ارادي .. والناس في هالعالم تتأثر بالردود فلابد تكون ردودج مثاليه علشان ما تأثرين فيهم بشكل سلبي ويمكن رد واحد يكون السبب في تدمير حياتهم او حتى خراب بيت

وسلامتج

اكتشفت شي من خلال ردي على هالموضوع :krkrkr:

اكتشفت اني جريئه لووووول :dddds:​

 

[pure feminine]

100% شخصيتي اهي شخصيتي بالمنتدى ..
لاني اخذ راحتي واتكلم بقناعتي التامه , اما بالطبيعه ساعات تضطرين انج تجاملين وتتغاظين عن اشياء مو عاجبتج احتراما للناس او تحاشيا لهم ؟؟

 

[لامـــــار]

:gr4uu:

امممممممممممممممممممممممممممممم
انا بالذااااااااااات شخصيتي عيوبها اكثر من الزين فيها
انا ادري كلي غلط بغلط بس ....... عندي قناعه باغلاطي لاني حزتها اكون شايفه الغلط صح
:eh_s(14):

الله ينورني


_بنسبة جم بالمية تمثل الشخصية الصجية عن شخصيتج بالمنتدى؟؟؟
80%

_تأثرتي بشخصية المنتدى؟؟وهالتأثر ايجابي ولا سلبي؟
لأ ما تاثرت

_شاللي قدمته لج الشخصية المثالية(شخصيه المنتدى)؟؟
اخذ الوقت والتفكيييييير بعمق قبل الرد << والله صج يا بنات هالشي صار شي زين حيل فيني

_أثرت هالشخصية على سلوكج العام؟؟وشلون؟؟
بنسبة 2% محد يقدر يغير سلوك غير رب العالمين- صعب سلوكي لانه شوي معقد
اخلص من شي يطلعلي اشيااااااء

_شالسبب في اختلاف شخصيتج الحقيقية عن المنتدى؟؟؟؟
الوااااقع : يعني نحن هنا نتعامل بمباديء وقوانين ومنطق فقط لاغير

ماااكو مشااعر لاحب لا كره لاضغينه او حسد


ادعووولي اتسنع اااف من سلوكي العوج :eh_s(14):

:krkrkr:

 

[(كويتيه عسل)]

عندي جم سؤال ابي كل وحده ترد على موضوعي تجاوب على هالأسئلة:..
_بنسبة جم بالمية تمثل الشخصية الصجية عن شخصيتج بالمنتدى؟؟؟

80% انا خجوله ووايد استحي ودلوعه ومو اي احد اسولف معاه بس اللي ارتاحلهم

بالمنتدى اسولف مع الكل بدون خجل

_تأثرتي بشخصية المنتدى؟؟وهالتأثر ايجابي ولا سلبي؟

ماتأثرت استفيد من تجارب واااااايد بنات
ومن المواضيع والقصص اللي يذكرونها الله يعطيهم العافيه
بالاثنين الايجابي + السلبي

_شاللي قدمته لج الشخصية المثالية(شخصيه المنتدى)؟؟

مافي احد مثالي لان مافي احد كامل الله سبحانه اهوا الكامل

_أثرت هالشخصية على سلوكج العام؟؟وشلون؟؟

حبيت وعجبتني طيبة بنات ديرتي اللي يوقفون مع بعض
ويرفعون من معنويات بعض لما الوحده تكون متضايفه او عندها مشكله معنى مايعرفون بعض وكل وحده
حاطتلها لقب بس ياحلااااااااااتهم واهما على قلب واحد وايد وحده وانشالله دوم جذي

_شالسبب في اختلاف شخصيتج الحقيقية عن المنتدى؟؟؟؟

انا خجوله ووايد استحي ودلوعه ومو اي احد اسولف معاه بس اللي ارتاحلهم اللي مااعرفه مااسولف معاه اظل ساكته

ومايكون عندي شي اقوله لحد مااعرفه وافهمه بالمنتدى اسولف مع الكل بدون خجل وانا من النوع اللي يبين على ويهي

وهالشي مااحبه بروحي يعني لما اكون منحرجه يبين ومتضايقه يبين علي وحتى لما يكون شي بقلبي ابي اقوله لاحد

بس تطالعوني تعرفون شنو بقول بالمنتدى مايبين هالشي

 

[SeNyOrA Q8eYa]

_بنسبة جم بالمية تمثل الشخصية الصجية عن شخصيتج بالمنتدى؟؟؟
90%
_تأثرتي بشخصية المنتدى؟؟وهالتأثر ايجابي ولا سلبي؟
اي وايد وايجابي
_شاللي قدمته لج الشخصية المثالية(شخصيه المنتدى)؟؟
افهم السالفه عدل قبل لا ارد رد غير مقتنع
_أثرت هالشخصية على سلوكج العام؟؟وشلون؟؟
عرفت شلون اقدر اتناقش مع غيري بأسلوب حلو ومايجرح
_شالسبب في اختلاف شخصيتج الحقيقية عن المنتدى؟؟؟؟
يمكن في امور اكون غامضه فيها ،، طبعا عشان اكون مجهوله شوي لان المنتدى ماشاءالله عامر مادري منو فيه يمكن يطلع احد من اهلي لووول فهالشي ما يساعدني اني اكتب شي خاص فيني ،،

 

[(((دلال)))]

نفس الشخصيه 100%​

 

[طمــوح]

_بنسبة جم بالمية تمثل الشخصية الصجية عن شخصيتج بالمنتدى؟؟؟

100% شخصيتي اللي بالمنتدى اهيا اللي برا

_تأثرتي بشخصية المنتدى؟؟وهالتأثر ايجابي ولا سلبي؟

يأثر فيني الموضوع و الاسلوب لكن اأتثر بالشخصيه لأ

_شاللي قدمته لج الشخصية المثالية(شخصيه المنتدى)؟؟

اممم انا نفسي برا و داخل

_أثرت هالشخصية على سلوكج العام؟؟وشلون؟؟

ما احس وايد .. لأن قتلج أنا نفسسسسسسسسسسسسسسي :*
_شالسبب في اختلاف شخصيتج الحقيقية عن المنتدى؟؟؟؟
إنها أنا




مشكوره عالموضوع حبيبتي

 

[وردة بيتنا]

_بنسبة جم بالمية تمثل الشخصية الصجية عن شخصيتج بالمنتدى؟؟؟

100%


_تأثرتي بشخصية المنتدى؟؟وهالتأثر ايجابي ولا سلبي؟

ايجابي
اكو كذا شخصية بالمنتدى وايد عجبني اسلوبهم و تعلمت منهم اشياء وايد

_شاللي قدمته لج الشخصية المثالية(شخصيه المنتدى)؟؟

تعلمت الاسلوب و طريقة الحوار و اقتنعت في امور بالمنتدى ما كنت مقتنعة فيها

_أثرت هالشخصية على سلوكج العام؟؟وشلون؟؟

اي الحمد لله عرفت اخطائي وصححتها

_شالسبب في اختلاف شخصيتج الحقيقية عن المنتدى؟؟؟؟

ماكو اختلاف



مشكووووورة على الموضوووع

 

[~RouNa~]

شخصيتي بـ النت نفسها بره النت

شي واحد اللي مو قادره اغيره

بـ النت اقدر اكون علاقات اسرع من الصج

عندي علاقات بـ بنات تعرفت عليهم من النت للحين علاقتي فيهم اوكي

بس بـ الصج قصب اتعرف على الاوادم و هـ الشي يضرني بالجامعه !! :0bee2e8d89:


_بنسبة جم بالمية تمثل الشخصية الصجية عن شخصيتج بالمنتدى؟؟؟

70 %

_تأثرتي بشخصية المنتدى؟؟وهالتأثر ايجابي ولا سلبي؟

لا ما تأثرت

_شاللي قدمته لج الشخصية المثالية(شخصيه المنتدى)؟؟

قلت لكم تكوين علاقات اسرع و اخذ واعطي مع النااس بـ الصج قصب افتح موضوع مع الاوادم و اسولف

_أثرت هالشخصية على سلوكج العام؟؟وشلون؟؟

ما تأثرت

_شالسبب في اختلاف شخصيتج الحقيقية عن المنتدى؟؟؟؟

لان طبعي اني خجووولة حيل فـ ما اقدر افتح موضوع ,, بس شوي شوي يخف الخجل و تلاقيني عاادي

بـ النت اكون بـ الاساس قاعده بروحي و الشخص اللي اتحااول معااه مو يمي او بـ الاصح ما يشوفني فـ ماكو خجل

مشكورة حبيبتي على الموضوع

 

[yam_yam]

عن نفسي نفس الخصية ماتغريت كللللللللللللللللللللللش
منتدى اثر فيني بطريقة ايجابية و خلاني اعرف وايد اشياء ماكنت اعرفها

 

[اميرة المحبة]

اختي مشكووورة وايد عالموضوع

وبالنسبة للسؤال الرئيسي فالحمدلله شخصيتي هي نفسها 1000 % مطابقة للخارج واللي استفدته اني كسبت خوات من المنتدى صاروا لي اقرب قريب


وتعلمت منه اشياااااء وايد نافعة لي



الله يعطيـــــــــــــــــــج العافية

__________________

 

[أشواق]

هذي انا 90 بالميه