شخصيه غريبه!!

[غريبه بلا وطن]

السلام عليكم ورحمة الله وبركاته..يمكن الموضوع اللي بتكلم فيه ماهو جديد بس يهمني راي خواتي في المنتدى..كل واحد منا له شخصيه معينه وله طريقه معينه في التفكير ..طبيعي بين الناس اختلاف وجهات النظر..لكن لو اجبرتكم ظروف الحياة للعيش مع انسان مستبد يعني ماعنده حرية راي ولايقتنع براي غيره..دائما يشوف نفسه صح واللي حوله خطأ..مايتقبل النقد ولايستمع للنصيحه ويعتبرها اهانه في حقه[..مايعترف في حياته بالمزاح اوالترفيه نظرته للحياة سوداويه..مزاجي ومتقلب..له ميزان غريب في تقييم الناس يعني مهما تحترمه وتهتم فيه تلاقيه صاد عنك ..وفي نفس الوقت تلاقي انسان ثاني ماهو معطيه وجه يحبه ويميل له بشكل غريب..اكيد مثل هالشخصيه موجوده في مجتمعاتنا ..ويمكن مرت على الغالبيه!!
من حياتكم ومن واقع تجاربكم كيف نتعامل مع هذا النوع من الناس؟
هل الشحص هذا يعتبر مريض نفسي او الامر طبيعي؟
وفي الختام تقبلوا تحياتي ودمتم بخييييييييييييييير.[

 

[manhattan girl]

هلا حبيبتي و الله ما هان علي ادخل من غير ما اقولج شي يمكن يفيدج و يمكن لأ سمعي حبيبتي اولا انتي قلتي الظروف حدتج انج تعيشين مع الشخص معناته مافي خلاص و يمكن اذا خلصتي نفسج منه الحياة بتكون اقسى و اقسى عليج فأنا من رايي ان الطريقه السليمه لهانوعيه من الناس انج تماشينهم و تتعايشين معاهم و دوم فكري بالشغلات الزينه اللي موجوده في هالشخص بغض النظر عن هالعيب اللي فيه اتمنى اني فدتج حياتي و انشاءالله البنات ما يقصرون معاج .

 

[pretty sarona]

يعتمد على صلة قرابته فيني ,, اذا كان واحد من اهلي او الوالدين راح يكون لي كلام ثاني , لان ما باليد حيلة على قولتهم راح اتقبل وضعه , اما اذا كان غيره من الناس فاكون مو ملزومه على هالعلاقه

 

[الحــــياة]

والله مادري شقولج يعتمد ادا كان من اهلي ارضى بالأمر الواقع بس اذا رفيجاتي أو أحد بعيد اخلي العلاقه رسمي او أصد وانهي هالعلاقه لأن موملزومه أتحمل واصبر..بس مثل ما قلتي مع غيرج يميل له واهو مو معطيه وجه(بعض)الناس ماينفع معاهم الاحتكاك اذا طرتي فيه شاف نفسه وتكبر وذا خليتيه ركض وراج والي مو معطيه وجه يبي بس رضاه الناس اجناس واطباع..تقبلي مروري.:eh_s(6):

 

[شوشو الشقيه]

تسلمين اختي
يعتمد طريقه التصرف
لو كان شخص غريب سواء صديقاتي تعامل بحدود برسميه والادب والاحترام ولا تفتحين معاه مواضيع نقاشيه الافضل
لانه شخص لا يتناقش
لا يعترف بالنقاس الجديه يكون طريقه تعاملك معاه جد في جد لا تكثرين معاه في كلام (ما قل ودل)
لو كان شخص قريب يعني اختي او زوج
او امي
هناااااااااا لازم يكون طريقه تعاملناااااااا معاه عادي يعني وضع طبيعي بدون حواجز او رسميات
ابتعد عن مواضيع نقاشيه ودائماااااااا ايد رائه
قال يسار قولي يسار
قال يميمن قولي يمين
لا تعارضينه في الراي بذات هذا الصنف
ابتعدي عن الشيء الي يغضبه
حاولي تغيرين من طبعه انك تكوني مرحه معاه
تاخذين وتعطين شويه
يمكن بصدك مره ولكن مرتين او ثثلاثه الرابعه ثابته ان شاء الله
ههههههههههههههههههه
من اختج شوشو

 

[غريبه بلا وطن]

الله يعطيكم العافيه خواتي الغاليات..انا اتكلم عن شخصيه عامه في المجتمع..لو واجهتوها مباشره كيف تتعاملون معها؟؟؟

 

[sereen]

هلا حبيتبى , خووش موضوع , بصراحه انا ماصادفنى هالنوع من الناس يمكن فيهم جزء من اللى قلتى عنه بس مو كلشى , بس انا بقوولج من الفليم اللى تونى شايفته اسمه Brain , فى جزء من مخنا اهو اللى يخلى تصرفتنا تختلف من شخص الى اخر , يعنى يابو شخص نفس المواصفات اللى قلتيها بل عديم الرحمه على الموظفين ويصرخ عليهم ويهين , اتضح ان فى جز من مخه , الاشارات اللى توصله تختلف عن الناس الثانين ,بمعنى ان الاشارات عندا ماتقوله ان تصرفك غلط او انك قاعد تغلط على الموظفين , وهو موحاس فى هالشى غلط بسبب ان ربج قسم مخه بالطريقه هذى عند هالشخص , طبعا ما راح اذكر تفاصيل واسماء مراكز المخ عشان لااطول بس الشاهد ان
هالانسان الشين هذا بسبب " تركيبة مخه" , بالنسبه للتعامل معاه , حطى فى بالج انه الانا الاعلى عندا ضخمه حيييييل و اهو بالنسبه لنا احنا نشوف انه عندا مشكله نفسيه , اعتقد افضل حل لهم ان الواحد يتماسك نفسه عشان لا يصير انفجار ولا اتكلم كلام سئ له لان اهو اصلا مستواه نازل بينزل اكثر اذا قلت شى غلط فيه , فكرى فيه كاطفل , اهم شى ثقتج بنفسج عاليه جدا خليج واثقه اى كلامه بقووله ممكن مايكون صح وممكن يكبر المووضوع ويهوول لان اهو اصلا انسان XXXX
طبعا فى اشياء وايد بس بصراحه الكتاب اللى عندى مع الفليم كفيل ان يوضح الصوورة لكم وان شاء الله فدتكم
---
تونى ذكرت معاى وحدة انا شتغل معاها اداريات مشكلتها تبى كلشى مثل ما اهى تبى ماتتقبل التغير بسرعه من الطرف الثانى اللى اهى bossy
مادرى شنو بالعربى , بس الكل يشتكى من طريقتها معانا , دايما تحاول اتخلص شغلها اهى ومرات اصلا ماترد علينا جنج ماتكلمينها وكبيرة بالسن , انا كنت اقعد معاها بالساعات عشان شغلها ومرات حق اهى شخصيا لان اغلب شغلى على الكمبيوتر واهى ماتعرف و الحين صارتلى فرصه عشان اطلع منها ولا ارووح وايى معاها من خلال انى اقولها انا مشغوله ولا بوصل وحدة بس عشان اوخرها عنى ماعندها مشكلة تخلص شغلها على حساب وقتج وقعدتج وبيتج , بس المهم اهى " ان كان صاحبك حلو لاتاكله كله "

 

[غريبه بلا وطن]

الله لايحرمني منكم جميعا ردودكم تبرد القلب..من جداللي قلبه ضايق وعنده مشكله او علامة استفهام من شئ في حياته يدخل منتدى كويتيات .وبيلاقي بردودكم يالغوالي اللي يتمناه..تحياتي للجميع والله يسعدكم.

 

[ام سعود ديكسون]

يمكن حبيبتي هذي شخصية نرجسية يعني لو تحطين كلمة نرجسية بقوقل وتسوين سيرج راح تلاقين ان الصفات تنطبق

هالشخص يشوف انه صح بكل شي وانه فوق الناس و يتهكم وما يعجبه شي وينتقد وكانه ملاك ما عنده هفوات

اكيد محتاج علاج نفسي بس هذا لازم يبدر منه مو بايعاز من الاخرين

 

[سعودية!!!]

مريض نفسي.:.:.:...بمرض يسمونوه النرجسيه ...صعب بكل شيء حتى في تقويموه يحتاج الكسر عشان يتقوم

 

[Red ليبس]

منتهي ومولي ولابعد مدحدر
ازيد ولاخلاص........

من رائيي مفكر انه مخلوق باالحاله باالاول و الناس بعده

 

[happy&single]

عفوا خواتي النرجسية هي حب الذات لكن ما تتكلم عنه اعتقد هو الشخص صاحب الشخصية المحقرة أو المضطهدة للغير

هذي الشخصية غالبا ما تكون شخصية بالاساس مضطهدة من الصغر من قبل امرأة أم أو اخت او اي اي قريبة
تجعله يمارس استبداه وسلطته على زوجته بالاخص وبناته أحيانا ومع الناس الغريبين شخص سوي عاقل متزن

أهم طريقة للتعامل معاه " ان فرض عليك التعامل معه" ،، انه دايما تذكري ان طريقة تعامله معاج هذي انتي مالج دخل فيها وانه ما يقصدج انتي بالذات بل يقصد ان يثبت رجولته وقوته لنفسه عليج ..
لكل زوجه تعاني من شخص هذي طريقته ديري بالج لا تخلينه يحطمج او يحطم شخصيتج او يحسسج بالذنب لأنه اهو انسان مريض ..

ردي عليه بنفس اسلوبه اذا حقرج بأي طريقة مثلا انج ما تنظفين او ما قدرتي تربين عدل ردي عليه بنفس الاسلوب انه سويتي اللي عليج كامل ووين دورك بالموضوع ؟ وباسلوب هادئ لا تحاولين استفزازه بصراخ لانه ممكن يكون عنيف معاج ، ولا تخنعين له وتسكتين له بزيد عليج .. حاولي تكلمينه بنفس طريقته واسلوبه ..

واولا واخيرا ادعي له بالهداية ،، وحاولي انه يعرض نفسه على دكتور علاج نفسي او على الاقل حاولي تسحبينه معاج بدورات العلاقات الزوجية اللي تقيمها وزارة الاوقاف مجانا في الروضة غالبا .. لعل وعسى

الله يحفظكم جميعا ويهدي الكل يا رب العالمين .. اللهم آمين