شدعوه بنااات محد عنده جهاز htc

[ToOosh]

هااااااااي بنات هالتلفون htc وايد عاجبني بس ما اسمع طاريه مع انه وااايد حلووو الكل هابين بالبلاك بيري واي فون ووينكم عن htc الويندوز موبايل ياريت البنات اللي عندهم يقولون شنو النوع اللي ماخذينه وشنو رايهم بمميزاته وعيوبه

بالنسبه لي عاجبنتي
الاتش تي سي تتش برو1
الاتش تي سي تتش برو2
الاتش تي سي شيفت اللي فيه وندوز فيستا

ومحتاااره

وياريت كل وحده تقول تجربتها وثاااانكس

 

[&سعوديه وافتخر&]

رفـــــــــــــــــــــــــــع لعيونك....

 

[FUNNY GIRL2020]

اعملي بحق بقوقل...افضل....

 

[cute princess]

انا عندييييييي :>
بس مو وايد ناس يعرفونه مادري ليش !! التلفون وايد حلو وعجيب... تلفوني اش تي سي تش كروز
شكله مو وايد حلو بس اهوه مال اخوي وانا بايقته منه يعني مو انا الي اخترته
كل شي حلو فيه الا الكيبورد ينرفز ويطفر لول لما انكسر ظفري ماعرفت اكتب فيه :|
ونزلت برنامج اهمه مسوينه عشان يصير الكيبورد نفس الارقام لما تبين تدقين على احد بس طفرت منه هذا بعد ومسحته ورديت عالكيبورد العادي! :\ هذا الشي الوحيد الي مو حلو فيه ولا كل شي فيه يهبل ! بس يبيله اشترك بخدمة الانترنت لانه وايد اشياء حلوه فيه وتطير الرصيد بسرعه :× لول
امبيه وايد قرقت :$

 

[Karezmatia]

انا كان عندي الدايموند ..

ماحبيته وايد وكان دايم يعلق ..

استخدمته فتره ومليت منه ..

انصحج تاخذين الـ lg اليديد التاتش واااايد مدحوه لي

 

[Kawaii GiяL]

لا تاخذون ,, غير

نوكيا ,, سوني ,, بلاكبيري ,, ايفون ,,

خلو اختياراتكم محصورة بين هالشركات بحيث انه لو واجهتكم مشكله ,, تلقون ناس تفيدكم ,, باجي الشركات قليل اللي يستخدمونهم و يعرفونلهم


و هذيلي افضل شئ ,, الباجي بوطقه يحااااااااولون ب ما يوصلون ههههه

اج تي سي ناس تمدح و ناس تذم نفس السامسونج ,, مثل هالشركات تبدع بجهاز جهازين و باجي الاجهزة مو شئ عشان جذيي تلقون ناس تذم و ناس تمدح

بالضبط نفس السامسونج فشششششششششششل بس سوت جم موبايل مثل التوكو و الامنيا اج دي و الانوف بس و الباجي لا تعبون نفسكم تشترون

 

[أم مشاري_88]

والله ما عندي فكره عنه
اتمنى تحطون صور للجهاز ومميزاته

 

[Kawaii GiяL]

ام مشاري من وين لج هالصورة الخطيره p: لوووول استعبط هههههه توقيعج عسل فديتج

 

[cute princess]

لا تاخذون ,, غير

نوكيا ,, سوني ,, بلاكبيري ,, ايفون ,,

خلو اختياراتكم محصورة بين هالشركات بحيث انه لو واجهتكم مشكله ,, تلقون ناس تفيدكم ,, باجي الشركات قليل اللي يستخدمونهم و يعرفونلهم


و هذيلي افضل شئ ,, الباجي بوطقه يحااااااااولون ب ما يوصلون ههههه

اج تي سي ناس تمدح و ناس تذم نفس السامسونج ,, مثل هالشركات تبدع بجهاز جهازين و باجي الاجهزة مو شئ عشان جذيي تلقون ناس تذم و ناس تمدح

htc مو فاشل !! واستعماله مو صعب كلش !! بالعكس انا عندي احسن من استعمال البلاك بيري بس مو وايد ناس الي يعرفونه! الشي الوحيد الي الناس اشتكو منه الكيبورد وبصراحه ماقصرو نزلو برنامج يغيرلج الكيبورد اذا تبين وفي وايد اشياء حلوه بس ليلحين الناس مايعرفونه! وحتى الثيم تقدرين تغيرينه وتخليه نفس الايفون او اي شي ثانيه عاجبج بس تنزلين البرامج من النت وتحطينها عالجهاز وتشتغل بروحها مايبيلها شي... :eh_s(1):
والي اشتكت منه بصراحه ما عندها سالفه لانه يهبل ولا يعلق ولا شي... حطيت فيه برامج الدنيا وليلحين شحلاته عندي :eh_s(6):

 

[(DL3)]

روعه هالجهاز والكل يمدحه بس المشكله مافي عربي والويندوز يعور الراس

 

[Kawaii GiяL]

حبيبتي انا قلت السامسونج
فااااشل و قلت الاج تي سي ناس تذم و ناس تمدح مو كل موبايلاتهم زيينه نفس السامسونج اربع خمس موبايلات قويه و الباجي الله بتلخير ما تقولين هالاجهزه كلها من شركه وحده

 

[cute princess]

روعه هالجهاز والكل يمدحه بس المشكله مافي عربي والويندوز يعور الراس

يصير تقرين وتكتبين عربي بس الباجي المنيو وجذي ما يتحولون :×

 

[Kawaii GiяL]

بنات شلكم بالطلايب ,, اهو عموما دامها مرتاحتلها ,, خلاااص ,, بس الفكرة ان لا تشترين موبايل مستخدمينه عددهم قليل ,, حتا لو الجهاز فنان ,, لن لو بتسأل عن طريقه ,, او واجهتها مشكله ,, تلقى ناس تساعدها و تحل معاها ,,

اذا تبي موبايل غريب ,,, على الاقل تكون من النوع اللي يبحث و يقرى و يتعلم بسرعه ,, و اهم شئ يفهم انجليزي ..

عشان تشوف دروس او تناقش اجانب بالمشكله في حال اذا كان الجهاز مو منتشر عندنا ,,
انا هذا رايي و الا htc في له شئ زين و في له شئ موزين

و التجربه خير برهان ^_^

 

[ToOosh]

مشكووورين على الرد
حيرتوني ترددت اني اخذه بس انا كلش مو عاجبني البلاك بيري وبنفس الوقت ما احب اخذ شي الكل هاب في
انزين الاي فون فيه وندوز؟ وانتو شنو ترشحون؟
واللي عندها خلتفيدنا

 

[kwtia]

حبيبتي htc شركه معروفه بره وحيل قويه
وانا عاجبني موبايلهم اليديد اسمه hero
واهوا فايز انه احسن موبايل بعام 2009
دشي يوتيوب وقوقل واقري عنه اهوا يديد نزل اوربا شهر 6 ونزل امريكا 11-10
والاسبوع اللي طاف رحت الغانم سألت عنه جان يقولون مو عندنا وما ندري متى نيبه
وانا احتمال كبير اطلبه من النت بس بنطر لي شهر 11 اذا ما يبوه بطلبه لانه صراحه عجيب مميزاته خيال
وكل اللي استعملوه يمدحونه اقصد الأجانب