شدعوه هل كثر شصاير بدنيا ,,

[عاشقه رويشد]

[ السلام عليكم و رحمة الله و بركاته ]

قوة ..
كيفكُن إن شاء الله منيحين ؟ ..
عندي موضوع بسيط و حابة أطرحه عليكم ..



بـ رايكم شنو هدف كل بنت من المكياج ؟
و شنو أسباب المكياج الزايد حق أماكن ما تستاهل ؟ل ك
هل أهو مجرد مكياج
أو إن الوحدة تبي تبين حق الناس إنها كبرت ؟
أو بس تقليد ؟



والله إن الله خلقنا بـ أحسن صورة
و مو محتاجين مكياج
و لو في عيوب بسيطة
نحط شوية مكياج مو نترس ويوهنا !
صج هـ الظاهرة وايد منتشرة بـ مجتمعنا
الحين تلاقون البنت إذا كانت تبي تروح السوق ولا أي
مشوار ثاني أهم شي تسويه ; تحط مكياج
تير هـ الكحل على العين و تحط مكياج كامل جنها رايحة
عرس
و لو كانت متزوجة مستحيل تهتم بـ نفسها مثل ما تهتم
بـ طلعتها لـ السوق أو روحتها لـ الأعراس
نسوا بـ هذا قدوتهم
و أهو الرسول صلى الله عليه و سلم و أهل البيت
و غير جذي كل وحدة تعرف إن المكياج الزايد يخرب الويه
و يسبب مشاكل في البشرة
و آنا سمعت قبل إن بعض المنتجات من المكياج تسبب السرطان
الله يكفينا شره
يعني المسألة كلها فيها أشياء ما تفيدنا
و آنا مو ضد المكياج إذا أستخدم بـ الشكل الصحيح و بـ حدود الأدب
هذا رايي الشخصي طبعاً ..



سؤالي × شـ رايكم بـ البنت اللي تترس ويهها مكياج و تروح السوق أو الجمعية ؟



و الحين يالله أبي أشوف تفاعلكم ..
و أبي أسمع آرائكم و وجهات نظركم ..

 

[rosemary777]

ما قريت الموضوع كله بس العنوان لانه طويل

بس الاسباب وايده :

1- الجكر تكون سوده وموحلوه وتبي تبين روحهاا جميله
2- لفت انتباه الشباب تبي تغازل وتتعرف
3- تتصور مكياجها خفيف ماعندها ذوق

 

[عاشقه رويشد]

شكرا علي المرور

 

[krkooora]

لا عاد بحدود يعني مو رايحه جمعيه ولا سوق وحاطه ميك اب سهرة !!! لا اوفر جذي معنه انا شايفه من هالنوعيه بصراحه اضحك عليهم تمسخر عمرها

عندي بنات بالكليه يحطون رموش من فير الله !!! عسى ما شر طبعا مو من كليتي من كليات مجاورة بصراحه وييييع شنو هذا عسى ماشر انتي يايه تدرسين و لا يايه تستعرضين !!!

بس الميك اب ينحط بكل مكان بس كل مكان له ميك اب مناسب له ما اعارض انه البنت تحط ميك اب بالعكس شي حلو تهتم بمظهرها و تحب تزيد من جمالها بس بطريقه مو مبالغ فيها ... بالنسبه حق المتزوجه اللي ما تهتم بنفسها الا بالمناسبات عرس و لا طلعه بصراااااااحه اهيا ويييع بتكون و انا متأكده من انها وييع يعني حق ريلج ماتحطين حق الناس اخر كشخه !!!! @@


يسلمو على الموضوع الحلو وان شاء الله البنات اللي من هالنوعيه يستفيدون و يخففون ميك اب و عدسان النيون

 

[عبااير]

انا اعتقد ان المكياج لازم ينحط بطريقه اتجمل الوحده
وبعدين انا احس ان الحلوه واللي واثقه من نفسها لو تحط مسكره بتطلع حلوه وبيزيد جمالها اما الجياكر الله يعينهم لازم مخفي عيوب وغيره ويلطخون بهالمكياج واللهم ياكافي يزيد جكرهك
الحمدلله على نعمة العقل

 

[البنفسج]

..


أنا من عشاق المكياج وماركاته ومافي شي ماجربته .. والسبب مادري بس من يومني صغيره أحبه !..

لدرجه صرت خبيرة مكياج .. بس لاجيت أطلع ماحط الا كحل .. لعدة أسباب ..

عندنا عيب البنت تحط فل ميك أب وتطلع السوق !..

أنا أحط لعزايمنا وزواراتنا فمو محتاجه أحطه بالسوق !.. ولو حطيت عند أهلنا ماحط أوفر !.. أحط هادي ..

والمكياج ( بالنسبه لي ) مو متعلق بالحلى والجكر .. أحطه مع اني الحمدلله حلوه .. فأنا ماخذته هوايه .. وعشق !..

 

[زبــــــــدة]

اممممممممم مادري بس صج في بنات يبالغوون وعبالهم حلووو

بس الحين البنات ماقامو يحطون مكياج نفس قبل....ستايلهم صاير كله نوميكب <<مكياج خفيف وناعم

انا احط مكيااج لانه احب المكيااااااج....

وصج اني احط مكياج كاامل بس خفييييييييف وناعم موجني رايحه عرس يعني...

وكل وحده كيفها تحط مكياج ولا ماتحط على راحتها...

 

[جوك احلى جو]

لو المكياج يحلي جان شفنا كل البنات حلوين...

لكن الجمال اهو جمال الملامح فماله علاقه بالمكياج

والمكياج بنظري حرية شخصيه وما في بنت ماتحب تتجمل بالمكياج لكن الشاطره اللي تعرف تبرز جمالها من غير تهول

 

[عاشقه رويشد]

الشي كل ما كان بسيط يصر حلو وذرب

 

[$الـــحـــلاوه$]

اذا طلعت اتمكيج صراحه بس خفيف حيل
يعني كريم وبودر نفس لون بشرتي او افتح بشوي
وماسكرا وكحل داخل العين وحمره فاتحه

 

[الزين 83]

اي والله البنات قاعدين يهولون بنفسهم اي والله شصاير بالدنيا مو بس على المكياج حتى اللبس استغفر الله

انا مكياجي اذا طلعت ايلاينر وقلوس وعاجبني ومقتنعه

 

[Preity]

صج احب المكياج بس بالطلعه مااحط
لاني بصراحه اعتقد اللي تطلع بفل ميك اب تبي تلفت نظر الشباب >> وجهة نظر
او انها جيكره وغصب تحلي عمرها
يعطيج العافيه حبيبتي

 

[*أم*خالد*]

خل تترسه ترس .. بس تحترم نفسها وتحترم غيرها

مو مسويه روحها ملتزمه وآخر شي تفشل بسلوكياتها واخلاقياتها

اهم شي الجوهر مو المظهر

 

[« لـ / غيـرگ »]

شووووووفي آنأ معآج انه المكيآج صآر ضروره للاغلبيه حتى الحلوه مو شرط الجيكره بس تحط

المشكله وين الحين؟


المشكله بلي شفته بالجامعه يمه من صبااااااح الله خير مكيااج شارمل !! :eh_s(1):

ليش يمه شصاير؟


احتمأل كانت مضيعه


المهم نرجع للموضوع المكياج حلو لى كآن بحدود المعقول ومن دون مبالغه اوك انتي تبين تحطين مكياج رآعي نوعيه المكآن إلي انتي رايحه له يعني كل مكأن له مكياج خاص

وانا عن نفسي كنت مهوسه مكيآج الحين اذا طلعت حدي حدي كريم وكحل وماسكرآ وقلوس حتى مرات امسح القلوس بعد ماحطه​

 

[باربي للابد]

ما في وحدة تستغني عن الميكب هذي طبيعة كل بنت تحب تجمل روحها

بس اللي صاير اللحين اوفر وايد قمنا نشوف ميكب السهرة بكل مكان وعلى كل حزة

انا استغرب لما اشوف وحدة حاطة ميكب كامل الساعة 7 الصبح متى قاعدة :eh_s(1):

ومو بس الوقت حتى المكان في اماكن ما يحتاي انج تحطين ميكب اصلا مثل مرة شفت

ثنتين بمجمع السندس فل ميكب و الالوان اخضر وفوشي ولا مركبة رموش بعد لييييييييييش!!!!

اللي جذي احسهم مو واثقين من نفسهم مساكين ما يدرون ان اشكالهم غلط وكل اللي يطالعهم يضحك عليهم​

 

[Pink.Barbie]

انتي متخرعه وهذا واحنا عرب وممكن نبلعها

عندنا عينه لا باس بها باستراليا

خرعوا الاسترالين وخرعونا معاهم

ومهما سو يظلوا بشعات لان الحلوه حلوه بميك اب ولا من غير ميك اب

الميك اب حلو وانا بحبو بس المبالغه فيه تعتي نتيجه عكسيه

بعض البنات مع الاسف نسيو النعومه والبساطه هي اساس الجمال و الاناقه

تحياتي

 

[[[ عيون جابر ]]]

حلاة البنت بالمكياج الخفيف الناعم الي يبرز الملامح بس بالعزايم والعروس عادي الوحده تحط الي تبي والي يناسب بدليتها
اما حق جمعيه ولا سوق لا والله ليش أحط ؟ انا رايحه اقضي شغلي وارد البيت مو رايحه استعرض

 

[Bamya]

بالعكس

انا ملاحظه البنات صار عندهم وعي كبيييير بالمكياج واللبس ماشاء الله عليهم

خصوصا اللي يتبعون الموضه يدرون ان موضة السنه natural makeup

وماشاء الله لما اطلع السوق أو اي مكان استاااانس من ويوه البنات ياحلاتهم وياحلات مكياجهم الناعم

والنسبة اللي تتكلمين عنها نسبة ضئيييييلة جدا جدا ما توصل 30%

تقبلي مروري ورايي

 

[fatma-200]

انا صح مو حلوة بس عمري ماحطيت مكياج كامل بس بلكثير كحل او بس كريم اساس

 

[[ мαĻαķ 69 ]]

ما احب الوحده تحط مكياج واايد احسهاا بتصير مصخره

واحين اللي اجووفه انه خفووو عن قبل يعني اجوف بنات يحطون فونديشن وبودره ومسكره حتى روج ما يحطون بس قلوس ناعم

مادري يمكن هاي الموضه فما اجوف اللي كنت اجوفهم قبل جنهم رايحين العرس

وانا بتكلم عن نفسي انا ما اقدر اطلع من البيت بدون فونديشن وبودره لانه اولا عندي هالات سودا وااايد وثاني شي اخفي عيوبي

واحط شي خفيف وما احط واايد يعني اطلع جني طبيعيه وما حاطه شي

وما بنيتي لا مغازله ولا اعجاب ولا لفت انتباه

بس انا جي ما احب اطلع بدون فهمتي يالحلووه

ويعطيج العافيه ع الموضوع يالغاليه