شد الصدر

[دلوعتك]

حبوباتي انا صدري وبطني مترهلين وايد
كنت متينه قبل الحمال وضعفت .. شحفان ريلي ما يحب المتن.. وضعفت جسمي بس عشان ارضيه وعقب حملت ببنتي وشي طبيعي بنتفخ من الحمال لأن نساتي كانت نوووم .. امي وخواتي يقعدوني غصب آكل و أرد أنام
المهم بعد ما ولدت رديت ضعفت .. طبعا نفس الحاله بحمالي الثاني .. والحين صدري مترهل وشكله يلوع الجبد حتى بطني .. جريت كريم روك فادني بأنه صغر فخوذي شوي وبطني بعد بس الحين المعضله صدري

قالولي عن زبدة الكاوكاو بالمرز ما فادت وسويت التمارين هم ماكو فايده
فكرت اسوي عملية شد بس انا وين والعمليات وين اناا اخاف من الابره هالدور عمليه مره وحده..
حبوباتي بلييز اللي عندها طريقه تساعدني لا تبخل علي ..

اي صج وحده قالتلي عن نادي في مجمع النقره لشد الجسم اذا سامعين عنه بليييز ابي اعرف اسعارهم واذا شغلهم صج مضمون والا لأ ...

ودمتم سالمين

 

[ii DareeN ii]

رحت سالت عن مساج التخسيس وقالولي الكورس 70 دينار

2658873وهذا رقمهم اختي الي عندها روسيات اتوقع

 

[Om.Fisal]

صدقينى الترهل بالمساج ما يروح يمكن اخف فلاتقطين فلوسج على المساج انصحج اتسوين عميله الشد فى دكتور بالجهره بمركز العرف يمدحونه بس انا شخصيا ما رحتله بس اهلى وصديقاتى وايد يمدحونه

 

[الحب الخالد]

الله يعينج والله جربي الكريمات ورياضة الصدر بس لازم لمدة 3 شهور

 

[* مـذهـلـه *]

فيه وصفه لشد الصدر و الكل جربها جابت معاه نتيجه ان شاء الله تشوفين نتيجه حلوه منها ..

عسل صافي طبيعي + خل التفاح + شب

تخلطين المقادير عدل و تسوين مساج لصدرج و تخلينهم لمدة 4 الى 5 ساعات .. ​

 

[[ . . Jee Jee . . ]]

مذهله ..
4 او 5 ساعات ما تغسل؟ شلون اقعد جذي لول ماعرف << نفس مشكلة البنيه

بس آنا مو متزوجة كنت متينه وضعفت ..

 

[حبنا الله عليه]

في حركات تساعد على شد الصدر مثل رفع اليدين للأعلى

كذلك وضعهم بمستوى الصدر ودفعهم للخلف

طبعاً مع المواظبه بتحسين بفرق وهالحجي من خبراء ومن متخصصي البدنيه

وتقدرين تستخدمين كريم شد الصدر من

" كلارنـــــــــــس "

انا ماجربته بس أكثر خبراء التجميل يشيدون فيه ومافيه ضرر لأن هالماركة تعتمد بصناعاتها على الأعشاب كذلك العارضه كلوديا شيفر هالمنيكان تقول لايمكن استغني عنه وغالبية نجوم هوليود يستخدمونه وهالحجي قرأته بتقارير خاصه عن اسرار هالنجوم بالجميله .

 

[دلوعتك]

مذهلة
ام فيصل
حبنا الله عليه
نجمه
الحب الخالد
تسلمون حبوباتي ما قصرتو
ii DareeN ii تسلمين حبيبتي تعبتج
بس ماتعرفون في اذا في احد جربهم ما ودي اقط فلوسي وبالاخر ما استفيد

 

[جكورة]

ينقل للقسم المختص

 

[ii DareeN ii]

والله حبوبه اعرف ناس جربو التخسيس بس شد الصدر جان انا اول وحده رحت لاني من سويت رجيم ترهل صدري وادري ماله حل غير العمليه

 

[النية الصافية]

انا بعد نفس المشكله
سالت ودورت وقالو ما لج الا انترناشينول كلينك دكتور نيشو روسي الجنسية
روحي استشارة شوفي شنو يقولج

 

[سحايب نجد]

الله يعينج والمشكله عند الكل
في وحده بالمنتدى كاتبه عن
الفاصولياء البيضاء تتطحنيها وترشينها مثل البودر
على الصدر كله تشد الصدر

 

[منوله كويتيه]

لي رفيجه من زماااااان ماشفتها وبالصدفه تلاقيت وياها

ماشالله ماشالله ماشالله اسم الله عليها ربي يحفظها لعيالها إهي عندها 4 عيال وخبري فيها متينه والجسم

كاااااان

يلوع الجبد مثل جسمي الله يحفظني

وبعد السلامات والتحيات والسؤال عن الأحوال

ماقدرت أقاوم فضولي وسألتها فلانه شمسويه علميني وكسبي فيني أجر

ضحكت من قلبها وقالتلي ذكرتيني بنفسي قبل

ماشالله عليها لامعاهد تخسيس وتدليك ومادري شنو ولا مخاسير فلوس بالهبل ولا تعب وعوار راس

تخفيف أكل في الريوق والغدا

+ مقاطعة العشاء وأكل صحن سلطه في حالة الجوع ( وطبعا خذت وقت على مامعدتها استجابت وافهمت إن العشا نووووووووو noooooooooo

+ مشي يوميا وممكن تفوت يوم اذا الظروف ماتسمح بس ماتتكيسل ثاني يوم ترد تمشي وتقوللي ابتدت بنص ساعه لمدة اسبوعين يوميا بدت أول جم يوم بمشي عادي لأنها ماقدرت تسرع بسبب الوزن وعدم اللياقه ماقطعت

تالي زادت ل 45 دقيقه لمدة اسبوعين والخطوه سريعه وماتزيد دقيقه عنهم حتى لو في مجال عندها تقول تعمدت جذي عشان جسمها يتعود على راحته وماتمل وتجهد نفسها وتقطع المشي

عقب الشهر قامت تكمل ساعه وبمشي سريع وعلى الراحه وكل 3 أيام تزيد 10 دقايق لين وصلت في النهايه انها

ماشالله تبارك الرحمن اسم الله عليها

تمشي ساعتين كل يوم


وطبعا الوزن نزل والصحه تعدلت والنشاط زاد والحيويه بانت على وجهها

ولما وصلت للوزن اللي تبيه وتقول خذا منها مجهود 4-5 شهور موووووووووووو أكثر ( يااااااااااحلاة الصبر )

اشتركت بنادي المبرور على أساس مجددينه وعلى قد ميزانيتها بس 3 أيام اسبوعيا وبسسسس

تلعب على الأجزه وبالذات أجهزة الصدر واذا لها مزاج لعبت معاهم سويدي أو ستبس

والأيام الثانيه من الأسبوع تمشي فيها ساعه ان قدرت وتاخذ يوم بالأسبوع اجاااااااااااازه ودلع

تحلف ان لما ضعفت عالمشي كان صدرها بالتحديد مثل الدلاقات يفشل وطايح وماشده الا اجهزة الرياضه لأنها تعتمد على الحديد يعني تبني العضلات وتقول الحين من غير ستيان شحلاته جنها بنيه اسم الله عليها

وماخذا منها عشان تبين نتايج شد صدرها الا 4أسابيع بعد روحتها النادي وطبعا مستمره للحين

تقول حتى شعرها صار ينبت ويطول بروحه والبشره صارت صافيه مورده طبعا البشره شفتها ماشالله عليها صغرانه 10 سنين من عمرها بس الشعر كان تحت الحجاب واظن هذا بسبب ان الدم صار يتدفق ويتحرك عدل والأكسجين ترس خلايا الجسم

الله يديمها عليها من نعمه ويحفظها لعيالها

والفاااااااااااااااااااااااااااااااااااال لي ولكم قولوا آمين

اهي بس يبيله نشغل سويشنا وننطلق تعبت من المتن والتأجيل كل يوم أقول باجر وبيضيع عمرنا واحنا على هالجسم الفاشل عشان يركبنا مليون مرض ومانخلي مستشفى مانسوي فيها اشتراك

لا والله النادي والمشي وايد اسهل واشتراكهم يشرح القلب مايضيق الخلق مثل المستشفيات

صح ياصبايا ؟
تحياتي

 

[كراميل]

انا جربت اللي بالنقره

ما منه فايده