شد وتحجر البطن وعوار

[لهيب الثرى]

السلام عليكم

من يويمن بطني متحجر او متصلب ويوم احط ايدي احس براس البيبي انا حامل بتوام وفى نص السادس وايد خايفه يقولون انه علامه ولاده باجر عندي موعد بس من قريت فى المنتديات حد يقول عادي وحد يقول مب زين واحد من البيبيات يتكور بس يوم انسدح يكون احسن بس من امشي
او قاعده احس بطني شاد ويعورني يوم يتحركون لى صار الها شراتي تخبرني شو صار معاها

 

[سنفورة زرقة]

انا نفسج حامل بالسادس وبطني يصير يابس ويعورني
اتووقع طبيعي جدا
وانتي بعد حامل بتوام مشالله
الله يتمم علينا

 

[ام الحلوااات]

مــــاتـــشـــووفــيـــن شــــــــر حــبــيـبــتــــي
اللـــه يــتــمــم عــلــيــــج ويــقــومــج انــتــي واللـــي بــبــطــنــج بــاالـــســلامـــه​

 

[بنوته ستايل]

امممم انا بعد السادس وبطني يشد علي مرات يمين ومرات يسار..

مادري طبيعي ولالا لاني بجريه بس انشالله هاليومين بروح الدكتوره وبسألها

 

[virgo88]

حبيبتي كثر ماتقدرين لا تتحركين ولا تشتغلين
خليج نايمه بفراشج لما الله يتمم عليج او توصلين لي السابع بس
مابي اخوفج حبيبتي دام في عوار وتحجر لازم ترتاحين وماتتحركين
والله يقومج بالسلامه انتي واللي بطنج يارب

 

[virgo88]

حبيبتي كثر ماتقدرين لا تتحركين ولا تشتغلين
خليج نايمه بفراشج لما الله يتمم عليج او توصلين لي السابع بس
مابي اخوفج حبيبتي دام في عوار وتحجر لازم ترتاحين وماتتحركين
والله يقومج بالسلامه انتي واللي بطنج يارب

 

[رووو الروح وووح]

عادي لان الجنين يتحرك وكبر
دام انه مو الم مستمر الحمدلله تطمني
الوضع طبيعي وهم للحين تحت ماارتفعوا وايد
وشي طبيعي تحسين بالشد
عسا الله يتمم لج حملج على خير ويقومج بالسلامه

 

[ayaah]

صابني تحجر وشد لمن كنت بالسادس
وطلع عندي طلق وماكنت ادري فتح الرحم الين 4
ودخلوني غرفة الولادة وضليت اطلق اسبوع كامل يجيني طلق شديد
بس بحمد من الله راح الالم وسكر الرحم
الافضل تستشيري الطبيب

 

[حلآوهـ حمرهـ]

عادي حبيبتي .. اذا كنتي تحسين بجسم البيبي راسه او ظهره يعني الشد يكون على شكل البيبي بس مب كامل الرحم هذا عادي لانه البيبي يتحرك

اما اذا حسيتي بالشد كاامل الرحم هذي تقلصات

انا من عقب السادس قامت اتييني ورحت للدكتورة وقلتلها

قالتلي هذي تقلصات طبيعيه اذا كانت تصير مرتين او ثلاث وماتكون بفترات متساويه من اليوم وبدون الم وماتطول معاج
اما اذا شفتيها تتكرر بفترات متقاربه وفيها الم معناته طلق مبكر ولازم تروحين المستشفى

وتصير اكثر شي اذا فيج التهابات فالبول او المهبل او عقب العلاقة الزوجيه

 

[لهيب الثرى]

تسلمون ما قصرتو سرت اليوم وقالت الدكتوره هذا شي طبيعي والحمد الله الله يتممها على خير

 

[M!SS.LOBY]

الله يولدج بالسلامه
أمر طبيعي

 

[وصية ابي]

الله يتمم عليج