شرايج بالزواج فترة الدراسة الجامعية ؟

[PaRaDISE^]

السلام عليكم

قوووه بنات شلونكم

بدخـل بالموضوع على طوول :gathering: ..

هل أنتو من مؤيدين الزواج فترة الدراسه الجامعيه :tek: ؟

إذا ايي ليش وإذا لأ ليش ؟؟

وأي عمر زين للزواج بالنسبة للبنت ؟

وهل الزواج فترة الدراسة الجامعية متعب ولا لاء >> بالنسبة للي مجربته !

وعطينا شوي من تجاربج


أحس أني خايفه حييييل من هالضغط ,, أحسه بيكون ضغط ومسؤوليه :cxxxp:



ودمتووو بدوام الحب للمتزوجات :ioljnmlk:
و عساا ربي يرزق كل مو متزوجه زوج صالح يسعدها يارب :friends:​

 

[PaRaDISE^]

رد : شرايج بالزواج فترة الدراسة الجامعية ؟

رفع

 

[ريفيل]

رد : شرايج بالزواج فترة الدراسة الجامعية ؟

والله هذا الموضوع ايجابي سلبي ... ايجابي يحقق للبنت الاستقرار النفسي والعاطفي وسلبي تعطلها عن الدراسة ويسبب بعض المشاكل اللي ممكن تخلي البنت تتخلى عن دراستها او يكون ادائها اقل من مستواها الحقيقي بس اول وتالي السالفة نصيب متى ما جاء النصيب ما يعرف تدرس او لا

 

[صفاءء]

اكيد هالشي يختلف بين البنت وبين المتزوجه

ولكن كل شي له صعوبات

لمن الانسان يتقدم له شخص صعب يرفضه م ناحية الاخلاق والادب و....

فماينرد عشان الدراسه


ربي يوفق الجميع

 

[PaRaDISE^]

رد : شرايج بالزواج فترة الدراسة الجامعية ؟

والله هذا الموضوع ايجابي سلبي ... ايجابي يحقق للبنت الاستقرار النفسي والعاطفي وسلبي تعطلها عن الدراسة ويسبب بعض المشاكل اللي ممكن تخلي البنت تتخلى عن دراستها او يكون ادائها اقل من مستواها الحقيقي بس اول وتالي السالفة نصيب متى ما جاء النصيب ما يعرف تدرس او لا

صاجهـ أنا معاج ..

بس ماجاوبتي على الأسئله ,, ودي أعرف :ssssso:

 

[PaRaDISE^]

رد : رد: شرايج بالزواج فترة الدراسة الجامعية ؟

اكيد هالشي يختلف بين البنت وبين المتزوجه

ولكن كل شي له صعوبات

لمن الانسان يتقدم له شخص صعب يرفضه م ناحية الاخلاق والادب و....

فماينرد عشان الدراسه


ربي يوفق الجميع

أمممممممممممممممممم

صفاء اييي انزين ماينرفض بس يعني أخاف يعني أنشق شقتين :eh_s(2): !!

يعني ما أدري :gr4uu:
احس أن صعب !!
وبالمقابل أحس أني أقدر


يعني ودي أٍسمع تجاربكم عفيه

 

[Tutti-Frutti]

على حسب البنت وقدراتها اذا تقدر توفق بين زوجها ودراستها

بس عن تجربه رفيجاتي المتزوجات
يقولولي لا تتزوجين وانتي تدرسين
لانه لازم تهملين واحد منهم: الدراسه او الزوج

وبالنسبه لي اذا يه واحد زين ماراح ارفض
بس افضل اخلص جامعه اول
او باخر كورس مو مشكله لانه ما يبقالي شي

والسهالات من الله

 

[أم حمد =)]

المشكلة مو بالزوج .. بالعيال .. يعني الزوج اذا كان زين راح يقدرج ويساعدج واذا لهيتي شوي عنه بيتفهم بس العيال يبيلهم مجابل ..

من رايي ان الوحده اذا كانت في بداية المرحله الجامعية تتفق مع زوجها على تأجيل الحمل ..

لان صج اليهال يتعبون ماراح تقدرين لا تداومين محاضراتج ولا تدرسين .. ومو كل دكتور يتفهم ظروفج ..

بالاخير اقول نعم للزوج ولكن لا للعيال اثناء الدراسه =)

 

[PaRaDISE^]

رد : رد: شرايج بالزواج فترة الدراسة الجامعية ؟

بالاخير اقول نعم للزوج ولكن لا للعيال اثناء الدراسه =)

ههههههههههههههههههههههههههههههههههههه

كسسسسروووا خاطري والله حسيتهم مجرمين ..

 

[ملووكه كووول]

بصراحه....
الموضوع ممكن يكون إيجابي وسلبي
بس يعتمد على الزوج والزوجه
أنا أقول هالحجي عن تجربه...
رفيجتي قبل الزواج كانت ممشيه حالها يعني معدلها فوق ال3
بس بعد الزواج زاد وارتفع لما وصل لل4
لأن زوجها كان وايد مشجعها ويرفع معنوياتها
وهي بعد كانت منظمه وقتها وتخصصها كان سهل نسبيا
أما عن تجربتي الشخصيه...ما أشجع على الزواج أثناء الدراسه نهائيا
لأن تخصصي وايد صعب ويبيله مجابل...وفوق كل هذا زوجي من النوع اللي ما يهتم
يعني عادي درست أا ما درست نفس الشي...وانتو تدرون يا بنات احنا الحريم نحب الكلام الحلو والتشجيع والدلع...
عشان جذي معدلي وايد نزل وتعبت نفسيتي حيل
والله يوفقج حبيبتي...

 

[tolay]

صج انه الزواج راح يلهيها عن دراستها وماتقدر تدرس مثل اول لما كانت بنت

بس حرام تضيع نصيبها على ابو انها بالجامعه

بله تخرجت 24 او 25 !!

اذا يالها واحد زين توافق ليش ترفض واكيد بتنسق امورها وتسوي جدول وياكثر البنات اللي يدرسون واهمه متزوجات صج راح يواجهون صعوبات بس اهم شي يتخرجون

انا أأيد بس اذا كانت توها بالجامعه ام 18 ولا 19 هنيه صغيره

 

[بدورة القمورة]

الدراسه او الزوج

ممممممممممم

لي رجعه

 

[Flower20]

رد : شرايج بالزواج فترة الدراسة الجامعية ؟

اعرف وحدة ماشاءالله تزوجت بالثانوية والحين عندها ماجستير
شوفي اذا ياج نصيب زين وافقي وحطي شرط انج تكملين دراستج

 

[مساء مونترو]

اوكي عن تجربة..
تعب ...
بصراحة...
بس اذا تزوجتي واجلتي مشروع الولادة يكون اوكي...