شرايكم ؟؟

[.،:"$الـعـوبــــة$":،.]

قوة بنات ،،:friends:
:nbvppw:أول شي عيدكم مبارك وكل عام وانتوا بخير ،:nbvppw:
وأبي الكل يشارك ، ويفيد ويستفيد ، ويعطينا رايه بصراحة ،،
انا قلت هالكلام لوحدة من رفيقاتي وقالت : انتي غلطاااااااااااااااااااااااااااانة !!
وانا مو مقتنعة بكلامها 100% ! بس والله يمكن انها صح وانا الغلط !
قلت آخذ رايكم واشوف ،،
أنا يابنات من كنت حامل في بنتي وجتني الولدة ، خليت زوجي يدخل معاي عند الدكتورة ، لين دخلوني الغرفة ،
بس ، وبعدها أطرده ، على مايبلغونه اني ولدت ، يجي يلقاني مبدلة ولابسة البيجامة الستان البيضا أو الأوف وايت ومرتبة وشحلاتي ! صدق يبين التعب على وجهي ، بس عادي اذا دش وسولف اسولف معاه ونضحك ، ويجيبون لي البيبي نظيف وشحلاته ،:sfg:
ونفس الشي بولدي ،،
بعدها بكم شهر ، يقول يالله احملي ! وانا طول ال9 شهور معاناة أول شي وحم بعدين حارق بعدين الوروك تنفك بعدين الثقل لين تعب الولادة والطلق والخياط والاربعين يوم اللي لازم تطلعين فيها بنت بنوت !!:cxxxp:
هذا اللي انا قلته لرفيقتي !
قالت : انتي غلطانة ! هو شدراه ! يجي يقطك مافيك شي ، ويرد عندك مافيك شي !:080402ask_prv:
مفروض تخلينه وياك بكل دقيقة ! من الفحص لي الولادة !!!!!!!!!!!!!

يع !!
مابيه يكون معي بالولادة ! أنا طبعي من قبل لامرضت ، احب أروح مكان لحالي أتعذب وأحورف بعمري لين أتحسن !
ماأحب أتعذب قدام أحد !
وبعدين شكلي وقت الولادة ! يخرع ! يعني بولدي ! استشورت شعري وحطيت مسكرة وغلوس ،:wqedqw:
عبالي على مااولد واطلع الا انا جميلة !
يوم طلعت وربي الشوشة شكبرها مع العلم شعري ناعم مو خشن ! بس من التفرك والتعب والحر وقت الطلق وقف شعري !! اسم الله !:050103nbh_prv:
والمسكرة عاد !!!! المسكرة الله وكيلكم وصلت لي نص خدي من البكي !!!
أمانة هذا شكل وحدة يشوفها زوجها !؟؟؟؟؟؟:flower:

أشوى على ما جا الا انا كل شي اوكي ، الشعر مرتب والمسكرة مسحتها بكلينكس جونسن ، والا كان وربي وقف قلبه !

قولولي ! انتوا شرايكم ؟؟ مفروض يدش معاي والا لأ !
أنا طبعا للحين مقتنعة إنه لأ !:eh_s(6): بس بشوف رايكم .​

 

[chanel N22]

والله يمكن كلامها فيه من الصحه الريايل مايحسون اهم اذا اتعبوا بس نشله يطيحون ويتعبون اما احنا لا ماعليكم الا العافيه
يعني حلو يحس بالتعب وخاصه الولاده اللي عساني اجربها يارب ويهونها عليج يارب
انا بأمريكا مرات اشوف التلفزيون خاصه برامج تلفزيون الواقع الريال يدخل مع مرته واشوفه جنه يتألم معاها والله بس ما ادري احس السوالف هذي مو حق الريال العربي
وشكرااا

 

[حبيبة أبوهاآ]

لا والف لا
لا والله ماودج يدش معاج ..
اوكي يكون معاج قبل الولادة بالغرفه .. بس لاجت الصجيه والطلوووق والعوارات والفحص اجباري يطلع ..

انتي وانتي الوالده واتعذبين .. تلوع جبدج من نفسج ..

شلون الرجّال ؟؟؟
عاد رياجيلنا نفوسهم خايسه ..


أذكر امي قالت لي سالفة مرة ان رجّال ايام البر قببببببببل شاف مرته وهي تولد وشاف الهوايل وعافها وحلف مايدخل عليها مرة ثانية ..
وجته امه وكلمته وهو كان مصمم انه يطلقها ومابإذنه ماي ..
عاد شوفي حكمة الحريم قبل ..
قامت امه وجابت قطعة شحم كبيرة وحذفتها بالنار فقامت الشحمة تصغر تصغر تصغر لين اختفت ..
قالت له ياولدي هاذي الشحمة نفس اللي انت شفته .. عقب الأربعين والنفاس الزين ترجع مرتك نفس قبل واحسن ..

وتوته توته خلصت الحتوته

 

[Om 3zo0oz_2011]

اذا انتي حابه وريلج حاب خل يتفرج


انا ريلي مسحيل يدخل يقوول مالي قلب اشوووف الوضع لوووول

 

[دمثة]

شوفي بالعكس اذا دخل عليج وشافج لو مة وحدة ترى قلبة يحن عليج الله سبحانه يحنن قلبة عليج اشلون تألمين عشان ولدة او بنتة الصراحة بالعكس كلامه في شي من الصحة

 

[أم فتوته]

رد : شرايكم ؟؟

تقريبا كلامها صح
آنا ريلي يقولي بدخل معآج بس آنا رافضه مابيه يشوفني جذي مآاحب

: )

 

[الكتكوته]

رد: رد : شرايكم ؟؟

اكيد ما يدخل !!!!!!!!!
بس اكيد هو 9 شهور شايفج تعبانه ! وممكن يدخل معاج الغرفه بس حزة الولاده يطلع يطلع

 

[مدمنة ككاو]

انا زوجي دخل معاي بولادتي في بجري الولد وحس فيني وحبني اكثر الحمدلله

وفي ولادتي في بنتي ليش غيرت المستشفى ما رضو يدخلونه دخل دقيقتين قبل الطلوق وكنت ابجي ابيه يمي وشاف دمعتي وحاجتي له انكسر قلبه وقال الود ودي ما اخليج بس مو راضين

والحين بهالولاده ان شاء الله اذا تمم راح يدش معاي بالعكس خل يحس الريال شلون الام تموت وتحيا عشان تييب الضنى

ومو شرط يطالع شي خليه بس واقف فوق راسج يصبرج ويمسك ايدج ويشجعج

 

[الأميرة جوري]

مادري شنو قصد رفيجتج بالضبط يعني تبي زوجج يحس المعاناه الي تحسين فيها ؟؟؟؟ !!!انا بس بسياره من كلامى مخترع مايصدق يقطنى بالمستشفي من التلوي والبجى والتخرع والوصيه <<اخاف اموت اوصيه اسم الله علي... من غير المغص بعد الولاده يشوفني اتعصر واتالم وكافي 9 شهور يالله اقوم يالله اقعد والوحم <<<شغلات واااااااااايد يقدر يحس فيني وعن معاناتى مو لازم وقت الولاده انتى اللي صححححححححح<<<صفقه صفقه صفقه ههههههههههه بعد اشتبين

 

[om al ghaleen]

.., شوفي عن نفسي ولامره دخل لا بالحكومه ولا بالخآص الصراحه استحي
مع انه اللي سمعته يخلون الزوج واقف على راس زوجته يعني مايشوف الاحداث كامله
بس ع الاقل يحس بالتعب والخوف والاحلى انه يشوف ضنااه اول ماينولد

انا ابوي الله يحفظه كله يقولي انتي الوحيده اللي شلتج وانتي مو مغسله لاني انولدت برا الكويت
فكلما يشوفني يقرص خدي ويذكرني مع الحين صار يد الله يخليه ويطول بعمره بس ما نسا هاللحظه ابدا

فخلي هالتجربه اذا كانت في بالج وصدقيني ترا ماراح يشوف اغلاطج بالولاده بيشوف كل شي زين فيج
والله يسسهل عليج ياارب وعلينا
\\

 

[احلى ـآ وحده]

انا طول فترة حمالي ماكان يخليني .. معاي بكل لحظه ويوم يت حزة الصج ..كان معاي حتى بالفحص بس ماكان عندي .. بس كان يسمع صياحي وصراخي والبجي ..

واصلا قبل لا اروح الولاده كنت متسبحه ومستشوره شعري ومكحله عيوني .. وحاطه الدهن العود .. وكحلت حواجبي ..

ويوم طلعت من الولاده كااااااااااان شكلي يخرع وويهي امنفخ .. وحالتي حاله .. ولا بقى في وجهي شي وشعري كشه ..

عاد الحين يقول ارتاحي سنتين بعدين احملي بس انا بقعد سنه وبعدها ان شاءالله انجيب الثاني .. لان عايش معاي بكل شي .. عسى الله يخليه يارب . . ولا يحرمني منه ..

 

[حرم يوسف بيك]

رد : شرايكم ؟؟

لاوالله كل ولاداتي يدش معاي ويمسح على راسي ويقرا علي ويهديني وصج ارتاح ويخفف عني لما اشوفه ماسك ايدي ويمسح على راسي بس حزت طلعت الراس يطلع ويوقف عند الباب رايح راد ومتوتر وخانقته العبره هذا كلام امي واهيا واقفه معاه بره بس اشتعوه فيني طلق واحط مسكرا وكحل وجلوس انا وين وهالسوالف وين ؟؟؟؟؟؟؟

 

[جـــواهر]

لا اهو مايكون مقابلج وقت الفحص والولاده لا شكووو
رفيجتج قصدها يكون متواجد ... مو يقطج ومايرجع الا وانتي والده وخالصه
بالعكس لو يقعد معاج ويسمع صراخج يحن قلبه عليج ..
انا زوجي فبجري كان موجود برا عند غرفة العمليات وكان يسمع كل صراخي كنت اطلق 15 ساعه
تعب نفسيا قعد يبجي على صدر امي ..
والله من طلعت من النفاس واهو يقولي خلاااص مابيج تحملين ..
ولمن اشتاق اني احمل قالي لاتولدين طبيعي سوي عمليه ..
وبولادتي الثانيه والله ماقدر يتحمل انحاش .. وماقدر رجع وانا للحين اطلق قعد عند غرف العمليات من سمعني اصيح
انحاش .. عاد لمن ولدت تقول اختي رحت ادوره لقيته برا واقف بالشارع اللي مقابل المستشفى ..

لا والله الرجال لازم يسمعج ويحسج وانتي تطلقين ..مودخلينه عاد لا خليه قريب يمج ..

اذكر زوج اختي لمن كانت تطلق ماسك ايدها ويبجي حبيبتي انا اااسف ..لوووووول اسف ع شنو ؟؟

 

[آهات الليل]

رد : شرايكم ؟؟

انا عن نفسي اايد الزوج يكون يم زوجته وقت الولاده اقسم بالله راح يتغير 180درجه انا بكل حمالاتي بالسونار معاي وبالولاده معاي يتعب ويكون سهران ويشوفني اتالم واتعذب لازم يشوف هالشي عشان يعرف انا انا اتعب واشقا واتالم ووووالخ عشان اكون حامل واولد وافرحه بضناه
عرفتي والله انا نسيت الم الولاده وين كان بس زوجي موراضي ينسا احسن والله
حاليا والله اي هوشه حتى لو اكون انا غلطانه تلقينه يراضيني او مايعصب ليش؟؟قالي يمر علي شريط ولادتج وانتي تتالمين وتتعذبين وتدعيلي وتوصيين فتشوفيني اطخ لازم يعرف شكثر انا تعبت وتالمت ووالخ احسن بس عاد مو يطل تحت هههههههههه لا يم راسي يروح ويرد علي ولا لاطلع اقسم بالله من الله ارجفف بالولاده ولا رد ارتاح كلمه وحده اقوله له وفعلا صاجه بهالكلمه قلتله ابيك يمي بالولاده اخاف اموت الا انته اخر واحد تشوفه عيني والمك واشمك واموت واكون موصيتك على بناتي
ولا بعد مصورني كاميرة فيديو وانا اتالم ومع الدكاتره والسسترات بس مو تصوير من تحت لااااااااااااا
والله بين فتره وفتره لما اكون مظايقته يروح يشوفه ومايقولي
انا مع اللي تخلي زوجها يدخل معاها بغرفة الولاده بس هااااااااا مو اي زوج لا اللي قلبه قوي واللي عنده صبر ومايطالعها من تحت لا يم راسها اما الزوج اللي يرجع يطيح غشيان لا هذول اصلن يضحكون هههههههههههه
احسن من اللي يقط زوجته يرد يلقاها والده وخالصه مايحس شكثر تالمت تعذبت ومايدري اشكثر دعتله عادي عنده يكون ليش لان ماشافها تتالم واللي تقول فشله استحي ارد واقولها هذا زوجج وانتوا مع بعض عالحلوه والمره
وسلامتج يالعوبه ياحلو مواضيعج
وعيدج مبارك

 

[AVE.NJ]

ان عن نفسي ريلي دخل معاي الولاده ترا في اوقات تحتاج المراة حق ريلها واهيا بهالموقف خليكم من التفهات شكلي وخرابيط ترا الريال اللي يحب مرته يتقبل شكلها وهذا مو وقت تكشخ كلش الحمدالله رياييلنا شايفينا واحنا تارسين عينهم هذا الوقت يفكر بسلامة المولود والام بس ولاحقين على كل شي

 

[**وقفة فرس**]

العوبة...كل مرة يشوفج مزيونة ومرتبه...خليه هالمرة يشوف الشوشة والمسكرا السايحة شرايج؟؟؟؟؟ ههههههههه
لا والله لا يدش ولا شي وجودة شبيقدم ولا يأخر...ووقت الولادة الوحدة ما تدري شنو يصير معاها ولا شتقول فماله داعي يدخل من الأساس....
بكل ولاداتي يكون زوجي معاي بكل مراجعة ويشوف السونار ويسولف مع الدكتور عن وضعي حتى مرة ماراح معاي كان عنده ظرف وبعدها شافه الدكتور وزفه وقاله مو عوايدك دايما معاها....ووقت الولادة محد يدري عني غير زوجي أروح بسكاااااااااااات ويتم معاي لين أدش غرفة الولادة تالي يطلع برا ويسمع الصراخ بس و يقرا قرآن ويدعي ودموعه أربع أربع...وعلى ما أطلع إلا هو جدامي ونسوي فلم هندي كالعادة...وهو من نفسه يحب يساعدني بتبديل ملابسي وترتيب نفسي وتالي يبلغ أمي إني ولدت ما نحب نخبصها معانا لأنها لحظات خاصة بين الزوجين...وهو قلبه رهيف ما يتحمل كلش والله يطيح من طوله لو يدش معاي...آنا على ما يوديني المستشفى شوي ويغمى عليه كأنه هو اللي بيولد هالمرة يدش الولادة!!!!!!!!!
يعني الزوج اللي مع زوجته بكل لحظة من اتحمل عارف وشايف معاناتها مايحتاج يدش ويشوف بعيونه كل شي يمكن تلوع جبده من مرته وولده بعد...يعني موحاط في باله إن آدمي بيطلع منها؟؟؟؟
وتبيني أشيل من بالج فكرة دخوله معاج؟؟؟؟ في وحدة دخلت معاها أمها وزوجها...وبحملها الثاني أمها قالت لها لا ادخلين زوجج لأن المرة اللي طافت كان يطلع منج أصوات من كثر التعصر فششششششششششششششششله.......

 

[..’’ياقلبـك الخوّاف’’..]

صراحه ما أئيد فكرة الرجال يدخل مع مرته الرجال حتى وانتي حامل يقعد يقول انتي تهولين مايحسون سواء تعبانه او غيره.. الا خليه يشوفني بشكلي العادي ..مهما كان ترى ترسخ في مخه الصوره ..

 

[روعة خيال]

انا ولد عمي طلق مرته لان شافها بوقت الولادة و عاافها مع ان البنت تطيح الطير من السمااااااا

انا ريلي يقول انسي ادش معاج لان ما يحب يشوف هالوضع

 

[عسل وردي]

هلا العوبه ايامج سعيده وانتي بخير
تصدقين مافكرت فيها مادري اذا تبين الصج اذا ابي احد
معاي يدخل ابي امي تكون معاي

 

[Om NoOoRa]

انا مو مع انه يدخل معاي الولاده
طبعا مو علشان شكلي
لأ
اخر شي افكر فيه الشكل
بس انا اعرف ريلي قلبه رهيف مايقدر يشوفني اتعذب
وطبعا كل وحده حسب شخصية ريلها و طريقة تعامله معاها
اللي تبي تحنن قلبه تخليه يدخل واللي من الاساس قلبه حنون و رهيف الحمدلله
مو محتاجه بعد
ادري هذرت وايد بس الموضوع شدني