شرايكم اسافر ولا لا؟

[pink shadow]

قوة كويتيات وعيدكم مبارك
بصراحة انا بخاطري اسافر انا و زوجي بس المشكلة مادري وين اودي عيالي هل اخذهم معاي ولا شلون لان ماعندي احد اقدر اخلية عندهم وانا عندي 3 الكبير 5سنوات والصغير سنة وامي تعبانة ما تقدر تعابل عيالي..
ودي اسالكم
جربتو تسافرون مع عيالكم تنصحوني اسافر ولا اقعد ابرك مادري ودي اسافر ومترددة؟
ولا تقولون خليهم لان ماعندي احد يقدر ياخذهم كل اهلي عندهم ظروف شرايكم؟؟؟

 

[aLreeeM]

والله نصيحه سافري و غيري جو معاهم يعني انتي حتى بالكويت قاعده معاهم ومجابلتهم

عل الاقل تسافرين اتغيرييين جو و تستانسين و انشاالله سهاله

الكبير خليه مع ابوه و الصغير معاج .. وقوليلنا شصير معاج خنستفيد

 

[كعبية]

قعدي احسن لج راح تتاذين وياهم

 

[pink Engineerah]

حبيبتي والله ودي اقول لج روحي بس انا جربتها والله خسرت فلوس وايد من غير فايده حنه ورنه ولوعت جبد قعدي هني طلعو تمشو عالاقل ماكو خساره فنادق وغيره

 

[pink shadow]

مشكورين اللي ردو على حبايبي واللة ما تقصرون زين شرايكم لو اخذ الخدامة تهقون ممكن ارتاح ولالا

 

[*يارا*]

رفع

 

[حور الجنة]

حبيبتي

حسب الدوله الي بتروحينها
يعتمد

وحسب عيالج

 

[Hello_kitty]

حبيبتي اخذي الأثنين الكبار وخلي الصغير بوسنه لان ما يفهم شي وتوا صغير على السفر والحووسه

والأثنين الكبار شايلين عمرهم لا بامبرز ولا حليب تقدرون تتعاونون عليهم انتي وريلج

 

[ام شموخ]

شوفي حبيبتي عيالنا مسؤوليتنا احنا مانحمل احد مسؤوليتهم وبعدين ليييش ماتاخذينهم معاج بالسفر والله ياحلوهم وياحلو حنتهم وبعدين يصيرون جدام عينج ماتحاتين ..بالعكس حبيبتي اخذيهم وونسيهم واستانسوا واخذي خدامتج معاج اذا خدامتج يعتمد عليها وخلي وقت حق اليهال ووقت مع بوعيالج طلعوا وخلوهم عندالخدامه شوفي حبيبتي آنا البجر عند امي وماعندي خوااات عندي اصبيان وانا اول وحده تزوجت وعندي ولد عمره سنتين الا شهرين الله يحفظه وبسافر وامي من كثر ماهي متعلقه بولدي موراضيه اخذه معاي بس والله انا ما اقدر اخليه بعيد عني وحجزت حق خدامتي معاي وان شاء الله بنسافر على عطلة 15 وبصراحه حالنا حال الناس يعني شلون مانسافر الا لما عيالنا يكبرون ولا شلووون؟؟؟ الحمدلله نطرته لين صار سنتين وقام يفهم شوي ويبي العاب ويبي يطلع ف ليش ما اسفره اونسه ؟ توكلي على الله حبيبتي وسمى بالرحمن والله يونسكم بالعافيه مقدما وديري بالج عليهم

 

[درر ستايل]

توكلي على الله وسافري
انا رحت استراليا ومعاي ولدي صغير

وكانو معانا عايله كويتيه ومعاهم عيالهم 4 وكلهم صغار

عادي تقدرين تقزرينها
والله يسهل
المهم تستانسين وتونسين عيالج معاج

واذا تاخذين خدامتج هم يكون احسن تساعدج

وانا دايما اسافر وعيالي معاي

وعادي وناسه وماكو بهذله

 

[اصايل]

انا من رايي راح يأذونج وديهم دبي على الاقل قريبه بالطياره ما يأذيج الصغير ونفس الوقت ماتخسرين وانتي مو ظامنه الوناسه
انا جربت الخدامه خذيتها معاي ماليزيا لما كانت بنتي سنتين بس ماخذيت راحتي وايد صكت علي واخاف اخليها مع بنتي بروحهم واطلع بديرة الغربه
اذا تقدرين نفس ماقالو الخوات خلي الصغير وسافري الديره اللي ببالج مع الكبار
وبالتوفيق انشاء الله

 

[pama girl]

شوفي حبيبتي عيالنا مسؤوليتنا احنا مانحمل احد مسؤوليتهم وبعدين ليييش ماتاخذينهم معاج بالسفر والله ياحلوهم وياحلو حنتهم وبعدين يصيرون جدام عينج ماتحاتين ..بالعكس حبيبتي اخذيهم وونسيهم واستانسوا واخذي خدامتج معاج اذا خدامتج يعتمد عليها وخلي وقت حق اليهال ووقت مع بوعيالج طلعوا وخلوهم عندالخدامه شوفي حبيبتي آنا البجر عند امي وماعندي خوااات عندي اصبيان وانا اول وحده تزوجت وعندي ولد عمره سنتين الا شهرين الله يحفظه وبسافر وامي من كثر ماهي متعلقه بولدي موراضيه اخذه معاي بس والله انا ما اقدر اخليه بعيد عني وحجزت حق خدامتي معاي وان شاء الله بنسافر على عطلة 15 وبصراحه حالنا حال الناس يعني شلون مانسافر الا لما عيالنا يكبرون ولا شلووون؟؟؟ الحمدلله نطرته لين صار سنتين وقام يفهم شوي ويبي العاب ويبي يطلع ف ليش ما اسفره اونسه ؟ توكلي على الله حبيبتي وسمى بالرحمن والله يونسكم بالعافيه مقدما وديري بالج عليهم

انا اوااافق كلام اختي شموخ

اخذي عيااالج وتوكلي على الله

انا جربت السفره مع ولدي اسم الله عليه كان عمره سنتين ..الحمدلله استانسنا مع انه اهو شوي حركي بس انا كنت مهيئه نفسي قبل السفر اني بستانس مع ريلي و ولدي والحمدلله عدت عل خير مع ان الكل قعد يقولي من صجج بتاخذينه وخليه وروحي استانسي و اشوا اني خذته استانسنا و ونسناه وان شاءالله بنسافر السنه اليايه وبناخذه معانا
فنصيحه اذا ميزانيتج تسمح لج تاخذين عيالج فخذيهم وتوكلي عل الله واذا تقدرين تاخذين الخدامه عل راحتج اهم شي
تستانسين وقلبج مطمن ان عيالج حولج