شرايكم استغني عن الخدامه

[خالف تعرف]

يابنات هل الموضفات الي عندهم اطفال يقدرون يعيشون بدون خدامه؟
لان انا ما اواطن الخدم خلاص كرهتهم حتى لو زينه اظن فيها ظن السوء بدون قصد
اذا بجه احد من اعيالي سيده اقول بقلبي انها طاقته واكرهها واحط دوبي دوبها اخاف على عيالي حيل
منها معن اشتغلو عندي بس خدامتين واحس قلبي مو متطمن
خصوصا ان عندنا طباخه فبيت حمولتي
وكل ما اطلع واخلي عيالي بالبيت مع الخادمه ادقدق واذا ماردت علي الخدامه ابجي واخترع
واقطع طلعتي وارد البيت واسال عيالي شفيكم شسوت لكم طقتكم ولا لاء قاعده عندكم ولا رايحه مكان ومخليتكم
وانا على يوم بيصير فيني شي من التفكير والمحاتاه
والمشكله ان هالطبع وراثي بالعايله الكريمه
الوسواسيه الزايده عن الحد
يالله شجعوني وقووني نفسيا



​

 

[بـخور الدواسـر]

انا اقول اذكري الله ولاتحاتين ولاتوسوسين اذا اكرمتي خدامتهم وعاملتيها زين ليش بتضرهم ؟
(اتق شر من احسنت اليه بدوام الاحسان اليه ) يعني داومي بالاحسان للخدامه عشان تتقين شرها
احس صعب الموظفه تستغني عن الخدامه
الله يريح قلبج ويخليلج عيالج قولي امين

 

[أم نواف غير]

والله حبيبتي كل الخدم هم علي قلبنا بس شسوي لالالالالازم مالنا غني عنهم
شوفي الخدامه ماتضايق وله تطق اليهال الله لمه يطقونها او او اتعرفين حركات اليهال غير جذي مستحيل تطق او السوي شي
في خدم انتي تحسين ماتتحب اليهال ابين عليه هذي لاتقعدينها عندج مدام عندج يهال بس اذا انتي شايفتها انها زينه واعيالج احبونه لالالاتخافين
شسوي انساحلهم والله عشان يصيرون زينييين
والله خير الحافظين الله يسهلج دربج وووفقج حبيبتي

 

[@ام يوسف@]

انا عن نفسي ما استغنى عن الخدامه وبعد عندي ثنتين وانا موظفه وعيالي الله يحفظهم صغار وورى بعض وليش الوسواس اذا عاملتيها زين بتكون زينه يعني هاوشي عيالج اذا هاوشوها وطقوها وبعدين دقي على البيت كل شوي اذا كنت طالعه او بالدوام

 

[ryoonah]

انتي مشكلتج الوسواس الله يعينج

 

[وآحشنــي زمآنـك]

يعني انتي مووطفه لج خللق تجابلينهم وتعسلين الملابس ووو ..؟!



إذا أي خلاص تؤكلي على الله ورجعيها وإذا لا حاولي تشيلين الوسواس منج ..

 

[كل شيء عادي]

ركبي كميرات في البيت وخليها تعرف عشان تخاف
وفي نفس الوقت اكرميها واحسني معاملتها
وادعي ربك في كل صلاة إنه يحفظ عيالك
وكل يوم ارقيهم بآية الكرسي في الصبح والليل
بصراحه الخدم شر لابد منه

 

[krkooora]

جنج وحده اعرفها تخرب على نفسها بسبب التفكير و الوسواس اللي فيها

صراحه الله يعينج لو بتستغنين عنها
يعني انتي قادره على الغسيل و التنظيف و الركض ورا اليهال ؟؟؟
اذا اي براحتج استغني في الف عايله يبون خدم تقشف خدام هالايام
اذا ماتقدرين و اهي حليوة بس انتي شكاكه زياده عن اللزوم تعوذي من ابليس و خليها تنظف و تغسل لا تمسك اليهال
و اذا طلعتي نزلي اليهال عند حمولتج ولا اخذيهم معاج

 

[ريماا]

لاتوسوسين ترا الوسوااس بيلعب بنفسيتج
صج فى عوايل بدوون خدم خصوصا هالفترة حيييل تقشف بس تراا موسهلة المساله خصوصا وفيها اطفال ودوام حيييل صعبة

 

[ورود كويتيه]

انتي نفس حالتي ~~~~ أشك فيهم بس أنا ماكنت كذا قبل بس صارلي موقف هزني وانصدمت حييييييييييييييييييييييييل وقعدت أطالع كل خدامه نظرة ((شواذ))..
الموقف هو اني دخلت على الخدم اللي ببيت أهلي طبعا اكثر من وحده 3 خدامات من جنسيات مختلفه وكان الفجر (طبعا ماتوقعوا ان احد بيدخل عليهم بهالحزه ) أنا كنت بآخذ ألأوتي من الغرفه .. وانصدمت ان وحده من الخدامات لامه الخدامه الثانيه >> شفتي لما تهزين ولدج بحظنج عشان ينام..... بهالطريقه وفزت من مكانها وكانه مافي شي ولاسووا شي ..أنا تنحت ..قلت شفيكم .؟؟ قالت مافينا شي >>>> اللسان طويل بعد زين ماطقتني .. وقالت بس كنت احطلها فير آند لفلي !!! وصحيح الخدامه الثانيه في وجهها باقي كريم ..بس شكو قاعده عليها بهالوضعيه الغريبه !!! ..

كرهت انام عند اهلي عشان خدامتي ماتتأثر بالخدم اللي هناك ... >>> وبدأت اشك بالخدم كلهم صراحه من هالموقف وادق كل شوي على عيالي واكلمهم واكلم الخدامه ..

الله يعينا عليهم شر لابد منه ..بس فتحوا عيونكم عليهم ترا بعض الخدامات يخربون الخدم الزينيين

 

[د.شريفة]

الاجانب مو احسن منا يشتغلون ويربون ويطبخون وياكلون بس احنا اعتمدنا عليهم
واهلنا ربونا من غير خدم

 

[الخبله]

حبيبتي انا اختي نفسج عندها ثلاثه وصغار فتخاف عليهم ركبت كاميرات ولابتوبها معاها متى ماخافت شافتهم شيسوون واحسن شي لتدري الخدامه اذا في كاميرا ولا لا عشان تكشفينها اذا موزينه

 

[خالف تعرف]

اي بشوف سالفه الكاميرات يمكن تفيدني

 

[PuPa^^SWeeT]

بالنسبة حق الاجانب مديم اشوف لهم افلام شلون الام اتعاني حتى لبس يلوع الجبد وانشوفهم بالبرامج ميك اوفر و وت نت تو وير




انا اقولج قطعي الوسواس الزايد


المفروض اتعرف انج حريصة على عيالج بس مو ليدرجة الوسواس


الله يعينج

 

[رحيل المرافيء]

احسن لج
وليش قلتوا عنها وسواس ليش مو حرص
الخدم هالوقت مايتأمن لهم
ودام منتو قادريت على بيت وعيال ليش تفتحون بيوت
كل سنة يايبين ياهل وقاطينه على الخدم خير ان شاء الله
اذا ماتبين الخدم احسن نظمي وقتج والطباخ ممكن من حمولتج ولا اهلج الغدا والباقي مقدور عليه
الهدوم غسالة اوتوماتيك
والله يعافي المصبغة وانتهينا

 

[ميشووو]

والله فيهم وبدونهم تعبانين


الله يكتب لي الخيره يارب

 

[بنت خير]

اختي ليش هالعذاب تعودي انج ترقينهم(استودعتكم الله اللذي لاتظيع ودائعه)والله دعاء مثل السحر. مجرررررب

 

[marshmelo0o]

صعب بهالايام الاستغناء عن الخدامه حاولي تراقبينها باي طريقه

وبنسبه حق الاجانب حبيبتي حياتهم غير عن حياتنا اصلا اسلوب حياتهم ونظام بيوتهم تساعد يستغنون عن الخدامه بعدين اهمه اعفنون بهدومهم دجهر ونص يالله اغسلونهم الريال بدلته مالت الدوام شهر ماتنغسل والمدام نفس الشي وكل واحد اغسل صحنه والله والاكل لا جاي لاقهوه لا حلو لا جدور اللهم الجدر اغسلونه مره بالاسبوع يطبخون حق سبوع كامل وحطونه بثلاجه حق سبوع كل احد يطبخون لي الاحد الي وراه وخصصون يوم بكل شهر الريل والمدام انظفون البيت الله ةالبيت من كبره عادوالغرف كل شي مكود فيها اصلا احنا مانقدر نعيش عيشتهم احنا نموت على النظافه وتلبق مانواطن الحوسه وتقطط اهما غرفهم كلها حوسه ولا ناكل اكل ايت صارله اسبوع وفي اشياء وايد احنا معاشرينهم لاتغركم الافلام عكس الطبيعه 180 درجه

 

[مشغوله و محتاسه]

http://www.q8yat.com/t843822.html

شوفي هالموضوع فيه تجارب البنات


و جربي جم شهر و شوفي ليش لا

 

[PuPa^^SWeeT]

الاجانب ترا غير حياتهم


اول شي شققهم عبارة عن غرفة و صالة او غرفتين و صالة وحمام و مطبخ داخل الصالة بسسسسسسسسسسسس


ثاني شي لبسهم اهمه جينز كادينه و مطلعين خيوطه و مايغسلونه من سنة لي سنة


و التوب بدي مايبيله غسيل اصلن

مو احنا شيلات و مادري شنو


وبعدين انا اشوف بكذا فيلم عنهم عن الامهات الصجيات شلون يتعبون و يروح لونهم شعرهم كشة و ويههم يخرع