شرايكم بالدكتور ...د.ناصر المنيع !!

[m9r83a]

قوتين عليكم صبآيا ;$

آانا ماآخذة عنده مدخل علم نفس
واليوم لمن تحجى قال عن طيحته
وانا فيه بنات مسجلين هالمادة علشان يشوفون يطيح بس لمن دورت عنه وسالت قالولي كذا سالفة عن طيحتة اللي ماتنسي ;pPp
So
شنو سآالفته ؟
وهل آهوا خوش دكتور >> لاني مابلعته اليوم
وشلون نظآمه بالدرجات والغياب يحآسب صج والا بس كلام
واييي بعد هل فعلا هذا الكلام صحيح


" لدكتور : ناصر المنيع مو دكتور استاذ

الماده : مدخل علم النفس

المستوى : ماشي حاله بس حده مليق وايد يستخف دمه ماجنه ياي ادرس جنه ياي احط على هاذي وهذيج نظامه يحقد على البنات وايد واذا حط على وحده اسقطها اسقطها بس اذا حبها احطلها قريد حلو
واحب البنات يترجونه واقولوله عفيه وانا ماحب هالنظام اذا حقد على الشعبه احط امتحان محد يعرف احله
"
حسب تقييم آحد الطلبة اللي ماخذين عنده


وآي شي تعرفونه عن هالدكتور بليييز قولولي لاني حدي مو متقبلة المادة وشلون بعد مع دكتور مو حآبته




شكرن
عفون
​

 

[صب القفشه]

رد : طيحة ...د.ناصر المنيع !!

ابببببببب

 

[*[Be_True]*]

رد: طيحة ...د.ناصر المنيع !!

مآآآ أعرفه

للرفع ​

 

[الدنيا حلوه =)]

رد: طيحة ...د.ناصر المنيع !!

ابببببببببببب

لعيونج

 

[Miss-Madry]

رد: طيحة ...د.ناصر المنيع !!



هههههههههههه انتي ويآي بلمحآظره ،،


امبيه الي مسجله عنده عشان بتشوفه يطيح وحده قليلة ادب وماتستحي ،،

وانتي صبري هلجم يوم وشوفيه زين مو زين

انا اول شي مابلعته بس شوي شوي اتاقالم معاه المهم انجح وايب معدل ماهمني طريقته وجذي ،،

واهو بنفسه قال مالكم شغل بلكلام الي ينقآل ،،

وياريت تغيرين العنوآن لان عيب مع احترامي لج بس مو حلوه بحقه لانه دكتور وله اسمه ومركزه ،،

 

[مدرستي حياتي]

رد : طيحة ...د.ناصر المنيع !!

يسلموو

 

[أحلآهم وأتحداهم]

رد: طيحة ...د.ناصر المنيع !!

???

WHAT DO YOU MEAN

CAN YOU EXPLAIN PLEASE

Lo0o0o0o0o0o0o0o0L

 

[لولا المحبه]

رد: طيحة ...د.ناصر المنيع !!

،

يمه من البنات يدرون طيحه الدكتور لوول
رفيجتي ماخذه عننده خووش دكتور واحسن من واييد غيره ومثل ماقالت غيري العنوان لانه فششله !!

 

[Ajmal E7sas]

رد: طيحة ...د.ناصر المنيع !!

انا بعد طلع لي هالدكتور فجأه هالكورس
مسجله عند دكتوره نبيله طلع لي دكتور ناصر ,, اكره هالحركه ماحب اسجل عند احد ويتبدل


ما حبيته كلش ,, ماحب هالنظام و هالاسلوب من الدكاتره ,, مو مريح و ماحب اللي يستخف دمه ماحس اني طالبه جامعيه
بنطر شوي اذا ما بلعته وماحسيته زين بسحب ,,

موفقين بنـات =)

 

[JaN JaN]

رد: طيحة ...د.ناصر المنيع !!

أنا كنت مأخذه عند هالدكتور ذهبه هالريال يعطيه العافيه احسن دكتور مر علي وكل كلام اللي انقال مو صحيح الدكتور دمه خفيف حقاني ويفهم وسالفة الغياب اذا شاف انه في غياب وايد يتشدد ويحاسب لي مايتسنعون البنات لان الصراحة في بنات أدعل وماينعطون ويه كللللش وبالعكس اهو مايحب البنات اللي يحنون ويفشلهم شوفي أنا كنت عنده والحمدلله أخذت قريد حلو بمجهودي وماحنيت ولا رزيت ويهي عنده مثل بعض البنات السخيفين وماعنده سوالف ناس وناس أصلاً مره وحده يابت واسطه حط عليها واهو دكتور ودارس بايطاليا وامتحاناته سهله ويرفع من عنده من غير لا تكلمينه الله يكثر من أمثالك يادكتور ناصر شوفي اذا تبين قريد حلو خلج عنده وسوي اللي يقولج عليه وماعليج من البنات والله علي كثر مايساعد البنات علي كثر ماينقال عنه حجي لان في بنات للأسف اذا ماكان الدكتور علي هواهم طلعوا عليه كلام...موفقه حبيبتي

 

[شموس الوطن]

رد: طيحة ...د.ناصر المنيع !!

للأمانه افضل دكتور مر علي ناصر المنيع صج ساعات يتغشمر
بس قصده يغير من جو المحاضره الكئيب مو كله دراسه وملل
وحيل حيل حيل طيب وربي كان يعطينا اكثر من ما نستحق بعد
وصج هو من ناحية الغياب متشدد بس اذا كنتي تعبانه او عندج عذر ورحتي كلمتيه ما يقول شي
صج بعض البنات ما ينعطون ويه على كثر اللي يقدمه لهم الدكتور ما يعجبهم العجب
بالتوفيق حبيبتي

 

[TARAF]

رد: طيحة ...د.ناصر المنيع !!

اشهد ان ماعندكم سالفه ..!


اما بالنسبه لهـ الدكتور انا الحين ادرس عنده وماشفت منه الا كل خيييير انسآن محترم ولبق مع البنات بالكلاس
وتدريسسسه من آحـلا ما يكون فعلآ رجال والنعم فيه والله يكثر من امثاله .,*

 

[نــوره]

رد: طيحة ...د.ناصر المنيع !!

مادري هالدكتووور حييل يمدحوونه ..

 

[لوووووونا]

رد: طيحة ...د.ناصر المنيع !!

بالعكس هالدكتوووور ماااااكو منه يهبل ودمه خفييييييييف محاضرته حييييييييييل حلوه :eh_s(9):
بس صج مثل ماقالوا البنات في بنات ماينعطون وجه :flower:
وياااااااريت كل الدكاتره مثله عسل هالدكتور

 

[GaMaZzZza]

رد : طيحة ...د.ناصر المنيع !!

انا ماخذة عنده السنه اللي طافت .. والله الدكتور اييييينن و يههههبل( يريت كل الدكاترة مثله) غشمرجي و دمه خفيف بس في عراات ان يملق بس عادي ههه...و يفهمج عدل و يحذف واااااايد اشياء بالمقرر و يخططلج الكتاب و يقولج بس اللي خططته لكم اهوا اللي درسوه ( يعني تخيلي فصل كااامل عن الجهاز العصبي عطانا ياه بس بورقتين و سهلين و فصل عن النمو تخيلي الصفحه الوحده بس فيها خط واحد او كلمتين اهما اللي حفظ ) و امتحاناته تكون على حسب الكلاس ( اذا الكلاس وايد بنات رايحين فيها والله راح يعطيكم امتحان صعععب مثل ما سوى حق الشباب السنه اللي طافت اعلى واحد الوحيد اللي ياب 19 من 20 و الباجين كلهم مزفتين اما اذا كان الكلاس مؤدب و يسمعون الكلام راح يعطيهم امتحااان حدددددددده سهههههل مثل ما سوالنا معظمنا 20 و 19.5 و 18) و المحاضرة ترى والله مو غثيثة..حدها حلوه و خفيفه .. عاااد دم ضروسه شغلتين اذا ما سويتيهم ضمني a : الوااسطه و الغياااب ( يعني لاااا تفكرين اتييبين واسطة والله يهزئج بالمحاضرة 'ذيج المرة وحده من البنات امها تعرف ام الدكتور عاد قال حق البنت سلمي على ام فلان ترى كلمت امي .. و اهوا قاعد يضحك بس من داخله معصب ' و الغياب لااا تغيبين ترى fa سهله عنده بس عمممره مااا سقط وحده الا في بنت معانا كانت مسببه ازمة حق الدكتور بس ما حددها (يعني ما عرفناها علشان ما يفشلها مؤدب!) بالكلاس بس قالها ترى اوراقج و امتحاناتج راح تروح حق الواسطة اللي يبتيها و انا زاهب امتحنج مرة ثانيه اسبوع الياي بس تأكدي انتي عندي لاول مرة اسويها f .. )
عااد اهوا شويه يعطي ويه حق البنات و البنات مااا ينعطون ويه كللش يعني السنه اللي طافت واااايد صااارت سوااالف مووووو طبيعيه 'تشيب شعر الراس' بس مع هذا ما حدد البنات علشان ما نعرفهم ..
و ترى يرفع الكلللل حتى في الفاينل قبل ما نمتحن قالنا ترى راح ارفعكم لا تحاتون!!

اما عن الطيحات عد و خربط لوول
بس والله د.ناصر ذهبه و اتمنى ان الدكاترة يصيرون مثله جان صارت امورنا طيبه xp

 

[أم منيـرة]

رد: طيحة ...د.ناصر المنيع !!

انتو ما يعجبـكم العجب
والبنات ما ينعطون وجـه ولا هم كفوو ..!

انا أتمنـى آخذ عنده ..

دكتور محترم + حبوب .. والكل يمدح فيه ..

ان شاء الله الكورس الجاي لازم آخذ عنده ..

وعسى الله يوفقه ما شفنا منه الا كل خير


وعلى فكره عيب شيلي هالعنوان البايخ !

 

[جامعيه محتاره]

رد : شرايكم بالدكتور ...د.ناصر المنيع !!

يطلب مشاركه برزنتيش ولا

 

[دراقـــه]

رد : شرايكم بالدكتور ...د.ناصر المنيع !!

لا ما يطلب برزنتيشن

 

[جامعيه محتاره]

رد : شرايكم بالدكتور ...د.ناصر المنيع !!

مشكوره دراقه

 

[ريماس21]

رد : شرايكم بالدكتور ...د.ناصر المنيع !!

مااعرفه والله

لانه يدرسني عبدالله العصيمي عسل عسل