شرايكم بالدكتور عيسى بشورة؟؟!

[أفنـــــان]

السلام عليكم ورحمة الله

شخباركم بناإت .. بنات ودي أروح للدكتور عيسى بشورة عشاان بشرتي بس في وحده خوفتي قالت ان علاجه يسبب أمراض

عفيه بنات اللي مجربته أو وحده تصيرلها تعالج بشرتها عنده تفيدنا الله يجزاكم خير.

:aha:

 

[عجميه ولي الفخر]

رد : شرايكم بالدكتور عيسى بشورة؟؟!

والله مدري انا ما جربته


بس سمعت من وحده معاي بالدوام تمدحه حيل وتقول شافت علاجه على وحده وصارت تهبل .. واهي كانت بتاخذ عنده موعد وما لقت الا بعد 6 شهور من كثر الزحمه ..

 

[&موناليزا&]

رد : شرايكم بالدكتور عيسى بشورة؟؟!

عزيزتي رفع لعيوووووووووونج

 

[أفنـــــان]

رد : شرايكم بالدكتور عيسى بشورة؟؟!

عجمية ولي الفخر.. مشكووورة ي قلبي الله يجزاج خير،، اي زحمة صج زحممممه عنده ماشاء الله بس الله يستر من النتايج.

موناليزا.. تسلمين بعد راإسي والله ،شرفني مرورج.

 

[brat]

رد : شرايكم بالدكتور عيسى بشورة؟؟!

آنا كنت أراجع عنده قبل ٨ سنين، خوش دكتور (على أيامي مواعيده ما كانت زحمة) بس الحين كله أسمع إن زحمة

وانتي شنو تبين تعالجين؟ الحبوب؟ إذا قصدج عن الروكيوتان أغلب دكاترة الجلدية يعطون هالعلاج، بس لازم ما تحملين خلال هالفترة أو عقبها ب٦ أشهر. إذا بتعالجين شي ثاني، ما أتوقع أدويته تسبب أمراض.

 

[حصووونه]

والله رحت له وهذا وجهي وهذي بشرتي ماتغير علي شي بس للامانه مو استغلالي عنده ذمه

 

[_LaNa_]

انان كنت اعالج عنده

اذا رايحه علشان الحبوب راح يكتبلج ريكوتان و راح يصفي ويهج

اذا شي ثاني تري مافيه زود

و هالزحمه اللي عليه لان يعتمد علي كريمات التقشير و اي وحده تسوي تقشير بشرتها تصير تهبل و بعدين ترد

يعني موقت

 

[MiSS B.K]

رد : شرايكم بالدكتور عيسى بشورة؟؟!

وااااااااايد بنات يمدحونه
وحتى في دكتور اسمه طلال العلي نفس مستواه وماعنده زحمه وايد

 

[law love]

انا رحتله بسوي ليزر شاف و يهي قال انه لونه مو واحد

اختي راحتله قبلي بشوي و عطاها ادويه و ويها يتقشر الحين

ورفيجتها عطاها الريكوتين

اتحسينه فاهم و مو استغلالي

انا رحت على انه موعد ليزر وقلتلها بدخل على الدكتور عشان يحددلي الجهاز و دخلتني و صار عندي ملف عنده بلا نطره بلا بطيخ ووصفلي علاج و اليوم توني سويت جلسة الليزر

 

[!الجادل الصعب!]

رد : شرايكم بالدكتور عيسى بشورة؟؟!

شلون ليزرهم واسعاره ؟!
موعدي عنده شهر ٣ !!

 

[حصووونه]

عندهم نوعين ليزر واحد مادري شسمه بس يذبح يبجي من العوار لدرجه اسوي الشوارب واحس بعوار في ضروس العقل وفي نوع ثاني خفيف اسمه كاندل

 

[أفنـــــان]

رد : شرايكم بالدكتور عيسى بشورة؟؟!

بناات تسلمووون ي فديتكم وربي..

اي ابي أعالج بشرتي عنده ودي بليزر وابر تبييض أو حبوب وابر نضارة إذا ماتضر لأن بشرتي تعباانه حيييل

 

[روح مغليهآ]

رد : شرايكم بالدكتور عيسى بشورة؟؟!

شدعوا مواعيده بعيده جذي مولها الدرجه
يعني اللي فيها حبوب على ما ايي مو عدها الا ويها راح فيها!

 

[law love]

سويت شواربي مااااايعور

فوق و تحت ب 15 الجلسه

الويه ب45 الجلسه

 

[dlooo3a]

رد : شرايكم بالدكتور عيسى بشورة؟؟!

شلون الليزر والحقن عنده منو مجرب