شرايكم بالكيراتين .. وشلون اعرف الاصلي ؟ساعدو خيتكم

[إبتسامهـ]

السلام عليكم

ماعرف موضوعي بالقسم المناسب او لا

المهم انها مشكله

بنات ابي صورة الكيراتين الاصلي والي مجربينه شرايهم ؟ وهل له انواع
لاتورطوني مابي اخسر شعري :krkrkr:

بس شعري يتعب بالاستشوار :eh_s(4):

ابي رايكم الي مجربته

ساعدوا خيتكم المسلمه :eh_s(2):

 

[غيمه ظميانه]

تجربتي مع الكيراتين فاشله فشل ذريع وتحسفت حيييل لانه شعري راح فيها منه
وبالنسبه للنوعيه ما اعرف والله

 

[إبتسامهـ]

جزاج الله الف خير زين حذرتيني منه خلاااااااااااص توبه ماسويه

 

[إكرامين]

سمعت ان الكيراتين يسقط الشعر ويعمل مرض خطييييييييير نصيحة لا تجربون بشعركم اشياء جديدة شوفو زمان ماكان فيه امراض غريبة لانو كل شيئ كان طبيعي حذاريييييييييييييي لا تلعبون بنفسكم

 

[قسوة الزمن]

لا تسوين كراتين مو زين للشعر عني لج خلطات حلوة لحظة برسلها لج

 

[Ray.Bana =$]

الكيراتين اول جم شهر اوكي حلو بعدين يبدا شعرج يطييييييييييييح اصلي والا مو اصلي اثنينهم يطيحون لاتسوينه خليج ع الاستشوار احسن

 

[يارب محتاجك انا]

للامانننه اقولج كانو خواتي امسوووينه ايجنن شووويه عليه بس روحي عند وحده شاااطره اتضبطه لج و جنه ما يكون بشعرج صبغه و حنه تاكدي الله يوفقج
و عشان ابري ذمتي ترا توه طااالع عنه بلاوي انه ماده كيميائيه او شي جذي يدخل بالمخ و يسبب امراض اللهم يا كااافي مالج فيييه انصحج بقووه اشتري صحتج و عافيتج و بيني و بينج صج خواتي سوووه و يهبل بس عقبها خففف الشعر و هذا طبيعي و الله يعوضج بالي احسن منه


من وجهة نظري اشوف الريلاكس احسن عن تجربة شخصييه مو بس ينعم لا و يخلي فيه حيووويه و لمعاااان انصحج به اكثر مت الكيراتين لاني مجربته بس بالاول استخيررري لان هالشي مو هييين هذي مواد كيميائيه تدش المخ 

 

[AL-DMERA]

حبيبتي مو أي كيراتين تستخدمين لأن الحين صار غش بهالموضوع ,,
الكيراتين ماده طبيعيه بالشعر وتفقدها الشعر مع الأيام بسبة السشواروالصبغ وهالسوالف ,,
في فرق بين انج تسوين تمليس بالكيراتين او تعالجين بالكيراتين ,,!!
التمليس يحطون ماده كيماويه مو زينه للجسم مثبته لدرجه انج لما تستنشقينها توقف اعضائج من قوتها ,,
أما الكيراتين الطبيعي العلاجي ماله ريحه وعادي ومايسبب أي ضرر للشعر لأنه علااج ,,
يعالج الشعر ويعيد له الحيويه اللي فقدها وبس يعني مايملس ولا شي الا اذا كان شعرج الطبيعي ناعم
ومع الأيام تقطع فبالكيراتين يعيد له نعومته ,,

آنا ماجربته وناويه أجربه ان شاء الله بس اختي مجربته وحيل شعرها صار زين ولاخرب ولا شيء ,,
بس لما تجربينه روحي مكان ثقه واطلبي البرازيلي اهو الأصلي وخليهم يورونج العلبه لأن اسم
المنتج البرازيلي الأصلي من الشركه المصنعه هناك marcia teixeira ,,

لأن في وحده سوت كيراتين وشافت العلبه الا اهو تمليس من الفلبين !!!!!
شفتي شلون يجذبون عالناس يقولون لج كيراتين واهو مو كيراتين وولا شيء ..



فديري بالج ,,
موفقه ,,

 

[& ام خالد &]

ما انصحج فيه ... انا سويت لبنتي ريلاكس وقالو خفيف عالشعر وحلو

ومن اول مره طاحت خصله كامله من شعرها ... والحين بتكمل سنه والله

تساقط مو طبيعي للحين ... وشعرها كثيف والحين صار شعرتين ...والله

تندمت اني طعتها وسويته ...اهو صج الشعر صار ناعم حيل ولمعه ...بس شالفايده

واهو يتساقط ...والله للحين محتره عليه ...نصيحه لاتسوين لا اصلي ولا غيره ...​