شرايكم بتفكير الناس اللي جذي

[عاشقه رويشد]

السلام عليكم

شلونك شخباركم :eh_s(6):

حبيت اطرح موضوع لنقاش تكرر وايد

بنات ليش دايما اذا واحد حب وحده او حط عينه عليها ولما يسألون عنها تطلع امها وابوها منفصلين

واهل الريال ما يفااقون عشان امها وابوها

امها وابوها تطلقو اهي شذنبها حرام مالها ذنب ولا انتو شرايكم ..؟[/SIZE]

 

[krkooora]

اممممم مادري ما مرت علي هالسالفه يعني انه الام و الابو يرفضون عشان ام و ابو البنت منفصلين بس راي اشوف انهم شوي سخيفين اهما يبون البنت و لا امها و ابوها !!!

 

[~Unreachable]

انا مرت علي

الاخت رفضت وقالت حق اخوها هالبنت عايشه عند امها

واكيد معطيتهم الخيط والمخيط ماكو ريال مجابلهم !

طبعا انا ضد هالفكره السخيفه ..

لان كل وحده وتربيتها

مو شرط وجود الابو مع بناته عشان يصيرون خوش بنات !

 

[++MesK++]

ماشاءالله فيج نشاط اليوم امون هههههه مواضيعج زايده



بالنسبه لموضوعج وايد اعرف ناس من هالنوع واهلي من هالنوع يعني يبون وحده من اسره متماسكه ومترابطه لان هالشي اكيد يأثر على شخصياتها و بالتالي اهي بتأثر على عيالها في المستقبل

و تقبلي مروري

 

[عبااير]

بصراحه اللي يفكرون بهالطريقه ماعندهم سالفه
واعتقد في هالزمن اللي يزوج عادي انشالله امه سيلانيه مو مطلقه ههههههههههههههههاااااااااااااااااي
الرجال بينقرضووووون خخخخخخخخخ

 

[البنفسج]

تفكير سطحي صراحه !..

يعني الواحد عادي ياخذ وحده زلمه ومو عادي يزوج عياله بنت وحده مطلقه !..

أبداً ماله داعي !..​

 

[وآيليـةة جنـآأإآن]

مادري اول مره اسمع بناس هييك

امممممم بس شايفتهم سخاافه اللحين بتتزوجون البنت ولا اهلها

واذا يعني كانوا منفصليين امها وابوها مااتفقوا مع بعـض البنيه شكوو @@

 

[جوك احلى جو]

معقوله؟

 

[همسه@@]

بصراحهه انا عايشه معاناة صديقتي

هي امها وابوها منفصلين وماعليها قاصر

بس ماحد تقدم لها للحين..!!

وكل الي كبرها اما مخطوبات او متروجات..

فصايره نفسيته زززززززززفت ماتتحمل شي ابداااا

تخيلوووو تقولي والله اني اسمعهم قدام وجهي يقولون ماشاء الله عليها فلانه بس لو امها وابوها موب منفصلين ولا ماتنعاااف

وصارت لها كم مره هالسالفه

فماتتخيلون نفستيها شلون تعبانه والله ماالومهاااا

انا اقول ان هالناس الي تفكيرهم كذا ناس سطحيين وماعندهم سالفه ومتاخرين صحيح

لكن عندي لكم سؤال

بس جاوبوني بصراحهه

لو جيتي تخطبين لولدج ولا اخوج

وشفتي بنتين وحده امها وابوها منفصلين والثانيه امها ابوها مع بعض من تختارين؟؟

 

[JaDeL]

هذول الناس تفكيرهم سخيف؟ ومامرت علي مثل هالسالفة

 

[عاشقه رويشد]

لووووووووووول مسك فديت مروركم وفيه ناس اكثر من هتفكير

 

[جـــواهر]

ناس متخلفه

 

[روح مغليهآ]

صاجه جواهر ناس متخلفين

 

[^_^ حوراء ^_^]

هههههههههههههههههههههههههههههههههههههههههه


ماراح اعلق عالعام لوووووووووووووووول



^_^

 

[عذبة الإحساس]

للاسف مو كلهم جذي بس هذول ناس متخلفين لووووول

 

[:: Diva ::]

شوفي الحموله الي جذي تنعااااااااف
لا فكر ولا عقل !!
الحمدالله و الشكر

 

[shaQshoQa]

لووووول الحمدالله و الشكر
شهالتفكير !!!
بياخذوها و لا بياخذون امها و ابوها؟

 

[وهج الحب]

السلام:
انا امي وابوي مطلقين حتى قبل ما انولد ولا عمري شفت ان الامر مأساة بالعكس خطابي انا اكثر ...وكم ناس نعرفهم الام والاب موجودين مع بعض وبناتهم الى الحين ما تزوجوا ...الامر بيد الله وهو قسمة ونصيب يوزع الازواج ويوزع الارزاق قبل ما ينولد الانسان

 

[om_7san]

انا سامعه بناس جذي بس بصراحه ماكو عقل ولا منطق البنيه شنو ذنبها اذا الابو والام منفصلين ماعتقد هذا سبب علشان الصبي او اهله يرفضون زواجه يعني البنيه الي عايشه عند امه يسالون عن امها وعن وضعها والعكس صحيح بس انهم منفصلين البنت مالها شغل

 

[ror44]

الله يهديهم