شرايكم بكلام بنت خالتي المتزوجه

[فدى روحك]

مساء الخير
بقولكم السالفه باختصار:
انا اهتم ببشرة ويهي وايد كريمات وماسكات و تنطيف و هالاشياء و هملت جسمي اهمال كبير

جفاف و مناطق غامجه و لون مب موحد و اثار حبوب

ف الحين الحمدلله توظفت و عندي راتبي اتصرف فيه يلست مع بنت خالتي المتزوجه و قلتلها ابي اروح اشل شعر جسمي كله و اشترك بنادي و صالون يسوي ماسكات حق جسمي و اروح عيادات تجميل اعالج بشرة جسمي و اسوي كل شي كأني عروس و بكيج

قالتلي مايحتاج كل هذا انتي بعدج بنت و اذا سويتي كل هذا وبعدين اذا صرتي عروس ماراح تحسين بتغير وانج عروس و يكون شعور عادي

شعر جسمج بس سوي حلاوه للايدين والريول و الابط والمنطقه الحساسه و طنشي الباقي و جسمج استعملي الصوابين والمقشرات والكريمات العاديه الي في الجميعه او بودي شوب


بنات انا مو مقتنعه بكلامها ابدا و هل قرار الي خذته اني اغير كل شي فيني صح ولا ؟

 

[Tom ♥ Jerry]

.

مسسساء النور

انا مو معاها كلش ، الوحده ما تنظر تتزوج عشان تهتم بنفسها!
حبيبتي اهتمي بنفسج و اعتني بنفسج حق نفسج مو عشان الزوج ...

طبيعه البنت تحب تهتم بنفسها مو شرط عشان تجذب ريال!
كلش مآ آؤيدها روحي سوي كل الي بخآطرج:*

 

[فدى روحك]

.

مسسساء النور

انا مو معاها كلش ، الوحده ما تنظر تتزوج عشان تهتم بنفسها!
حبيبتي اهتمي بنفسج و اعتني بنفسج حق نفسج مو عشان الزوج ...

طبيعه البنت تحب تهتم بنفسها مو شرط عشان تجذب ريال!
كلش مآ آؤيدها روحي سوي كل الي بخآطرج:*

مشكوره حبيبتي عالمشاركه

فعلا البنت مفروض تهتم بنفسها من الصغر عشان نفسها مب عشان الريل
و صدق انا ندمانه اني أهملت جسمي

 

[mi corazon]

لو تعودتي على شي ماراح تتركينه اما لو نطرتي لمن تتزوجين تهتمين بييج وقت وتملين وتهدين

انا تخيلي كنت وانا بنت مرتين بالشهر اروح مساج وصالونات ومدلعه روحي وجسمي كان نااااعم بسبب التدليك بالزيوت

الحين لما تزوجت ومع الحمال مالي خلق اسوي شي وتحسفت اني ماكملت جلسات الليزر لأن مع الحمل مالج خلق حتى تشيلين روحج

لو مكمله ليزر جان الحين مرتاحه من الموس وبهدلته

ف اهتمي بنفسج احسن .. رفيجاتي اغلبهم يسوون ليزر جسم كامل قبل ما يتزوجون او حتى ينخطبون .. حتى ريايلهم عبالهم ما يطلعلهم شعر من كثر ما اهما ملسات

وشي مهم .. ليزر المنطقه الحساسه تنعم وتشد وتفتح المكان عكس الشيره والموس


وسلامتج

 

[ام عبد العزيز م]

بلعكس الوحده لازم ديما تهتم بنفسها يكون عندها روتين خصوصا الحمام المغربي كل اسبوع او اسبوعين وكريمات اليل ونهار لازم الاهتمام يكون روتين يومي عند البنت

 

[lolly]

الظاهر مافهمتي كلامها عدل .. المقصد انج تهتمين بنفسج و نظافتج وتعالجين مشاكل بشرتج و شعرج لكن لا تهولين بنفسج باشياء تضر .. مثل تصبغين شعرج بكثرة او الكيراتين .. تسمير الجسم او كريمات ممكن تضرج مستقبلا.
اشوف النادي و تنظيف البشرة و الليزر اذا عندج مشاكل بالشعر او تصبغات مهمة قبل الزواج واهم شي تنمية الذات بدورات تفيدج.

 

[Um Tuki]

انا معاها ..

مو معناته لا تتنظفين ولا تحفين ولا تحطين ماسكات ..

بس هاي كله تقدرين تسوينه بالبيت

اغلبنا احنا المتزوجات نسويه بالبيت .. !!

 

[فجرر]

سوي الي تبينه لا تسمعين حق حد

 

[زهرا_*]

غلط كلامها
بالعكس لازم تبدين بعمرج من الحين
لان تفتيح المناطق الفامقة و اثار حب الشباب مو بجم يروحون يبغى لهم اقل شي اقل شي 3 شهور
لو انخطبتي لازم تكونين متخلصه من هالاشياء علشان ما تعبين و تتعب نفسيتج وقت زواجج لازم تهتمين لنفسج اول
و ما عليج من كلام الناس

 

[مدّهره !]

معااج سووي كل الللي تبينه وخلج دووم توووب .’,

 

[Dr.rooz]

لا حبيبتي انا مو معاها الوحده تهتم لنفسها حتى نفسيتها تتغير
دلعي نفسج حياتي و سوي الي بخاطرج مدام حلال

 

[فديت خبآلي]

لا مو معاها​

سوي اللي بخاطرج ودلعي نفسج واستانسي ع قولة البنات شدعوه ان شاءلله اجسامنا مو بس عشان يستانس فينا الريال لا يبا خنستانس بعمرنا اول عقب الريل مثل ما قالت وحدة من البنات دام انه حلال ومو مضر سوي اللي بخاطرج وماعليج من كلامها بس لا تتهورين بصبغات وكيراتين وهالاشياء الاوفر مثل ماقالت الاخت يعني خليج طبيعية واهتمامج حلو وطبيعي بس يبرز جمالج ولا تتهورين اما سالفة نادي وعيادات وصوالين مافيها شي استانسي الدنيا مو دايمه << عقبالي يا رب &#55357;&#56834;&#55357;&#56468;