شرايكم بنات ..الحمل مباشره بعد الزواج والا ننطر

[iLLuMinaTion]

هلا بنات

بغيت اخذ رايكم

هل الحمل مباشره بعد الزواج والا يفضل الانتظار

تفكير البنات مختلف من وحده لوحده

منهم يقولون خلونا نربطه بولد ونحكره

ومنهم يقولون لا لازم نستانس اكثر


شرايكم

 

[قطرية من قلب]

لا بالعكس مثلاً انا و زوجي قررنا اول شي نستانس كم سنة بعدها يوم نحس ان احنا الاثنين واعيين ونقدر نتحمل مسوية طفل نتخذ هالقرار الكبير!
لان الطفل بصراحة يحتاج لرعاية و بعد لازم الزوج و الزوجة يكونون بقدر من النضوج ان يتحملون هالكائن الصغير الي بيغير نمط حياتهم !
الله يرزقج الذرية الصالحة فديتج بس فكري هل انتي قدها ولا لا؟اثنيناتكم ناضجين بما فيه الكفاية انكم تتحملون هالمسؤولية الكبيرة؟

 

[((غلاي))]

بالعكس الحمل رزق من رب العالمين
انا ما اايد كلللللللللللللش ان الواحد ينطر
الي يجي من الله حياه الله

 

[om 7sony]

هو على كتبة الله
اكيد اللي الله كاتبه للانسان هو اللي فيه الخير

بس اتكلم عن نفسي انا
انا تاخرت شوووي بحملي ما حملت على طول
معني انا وزوجي كنا ناطرين الحمل
بس الصراحة من حملت وانا وزوجي نقول
صار هالتاخير بصالحنا
يعني عرفنا بعض اكثر وتعودنا على بعض اكثر
ومع النساة والثقل ،،، قدر يتحملني لانه يدري ان مو هذي طبيعتي
يدري اني تغيرت عشان الحمل
يعني لو باول زواجي وتنسيت وانعفست النفسيه كان راح يعتقد ان انا جذي وهذا طبعي
والصراحه ،،، كنت اقدر اطلع باي وقت ونروح اي مكان نبي
الحين مع البيبي اتوقع راح نتقيد :/

سوري قرقت وايد
بالمختصر >>>> اذا الله كتب لج تحملين مبجر قولي الحمدلله واذا تاخرتي بالحمال ،،، ترى من صالحج

 

[om 7sony]

اي
وسالفة نربطه ونحكره
هذا التفكير حدددده غلط
الريال ما يربطه ولد
في رياييل عندهم درزن يهال وما انربطوا :/
خل تحاول تكسبه بطبعها هي ،،، مو باليهال
وانا هم ما اايد اللي تاخذ موانع من اول زواجها ،،،
خلوووها على الله

 

[Meeesh]

لا بالعكس انا احس لازم الانتظار

خاصه اذا ماكان في حب بين الزوجين ومااتفقوا وتطلقوا .. لو كان فيه حمل وبيبي حرام هالطفل بيضيع ايش ذنبه!! واعرف كثير من هالحالات اللي تطلقوا بأول سنه وكان عندهم بيبي

لازم الانتظار عشان كل واحد يعرف الثاني زيييييييييين ويتعودون على بعض وبعدين يجيبون بيبي ويكونون عايله

وبالاخير كل شي بكتبة ربي

 

[om Firas]

خليهاةعلى الله واللي مكتوب بيصير هذا رزق من الله متى هالرزق
ربي ارد ان يرزق راح تلقينه لا تفكرين الله يوفقج

 

[زين ودلال]

انا اقوول خليها على الله متى ماصار حمل

لان ممكن تسوين العزل او المناعه وعقب لابغيتوا الحمل ممكن مايصير وتروحون تراجعون و و و و الخ

والسالفه تطول

انا هذا رايي

 

[FJ style]

في حال ان كانت تدرس ممكن التاجيل شوي

في حال ماكان بينهم فترة ملجة وطلعات ووناسه خل تنطر شوي تستانس معاه ويروحون ويردون وووو

اما مثل حالتي ظلينا ٧شهور ملجة ووناسة وطلعات ووو فحملت مباشره بعد العرس لان خلاص حسيت ان استانسنا بمافيه الكفاية ويا وقت الجد لووول

 

[كتالونيه]

بالنسبه لي احمل احسن
اما الوناسه لاحقه عليها
وترى الوناسه صج بشوفة البيبي
والرجال محد يمسكه الا شي واحد
حبه لعياله
انا زوجي كان يقول ترى الجاهل مايغيرني
يعني لو تحملين ماراح يمسكني
واللحين يموت بعياله لو واحد يبجي يجي
يركض ولو يروح الجمعيه ياخذ ولدي الصغير
معاه اللحين يقول عيالي اهم مالي بالدنيا
واغلا من امه وابوه
انتي اذا زوجج تحسين انه راعي طلعات ومايهتم
احملي والله لتصيرين اغلا من امه
اما اذا دايما بالبيت ومايحب الطلعات استانسي
وبعدين احملي
وتقبلي مروري

 

[MiSS B.K]

اللي الله كاتبه يصير

 

[Eng.Kokoro]

خليناها على الله

متى ما الله كتب لنا العيال 

 

[فـراوله]

أنا خليتها على الله لا فكرت ولا قررت




​

 

[q8helwa]

حلو العيال والحمال بسرعه
اجل ليش الزواج


انا طولت بحملي من كثر التفكير

وماحملت الا بعد سنه


والحمدالله الله رزقني بنتي


الله يخليها لي

 

[:: Diva ::]

نطري شوي عالاقل تسافرين معاه
سهرات سينمات مطاعم
وناسه

 

[خلطات المذهله]

مادري خليتها علي الله ماكتن في تخطيط

 

[ام الحلوااات]

نـــطــــري4 او 5 شــــهــــور اســـتـــــانــــســـــي فـــيــهـــــا الاشـــهـــر الاولـــى مــن الـــزواااج حـــلــــوة ومـــتــســحـــيــــل تــــرد مـــع الــيـــهــــال وبــعـــديـــن حـــمــــلــــي لاحــــقــــه عــلـــى الــحــمــل والــنــســـاة و الـــيـــهــــااال والـــمـــســـئــــولـــيــــه

 

[أزرق العود]

خليها عالبركه
بس حلاتها تستانسين بالسفرات والدلع جم شهر بس مو سنه احسسسس مده طويله وبعدين تحملين

بس اللي يجي من الله حياه الله فديتهم البيبات بيسون لكم جوو اكثر

وبعدين سالفه اللي تقضب زوجها باليهال سوالف ماخوذ خيرها اذا مو مغليج لنفسج وحابج ماراح يرد ع عياله اللي منج واذا الوحده مو مرتحه لا تكود اليهال وبعدين تتطلق شيلي نفسج من الاول <<< قلبتها طلاق اعووووذوا بالله

 

[امنيتي الأمومة]

كل شخص وقناعته

لكن انا من رايي لا تعطلين الموضوع

وبنفس الوقت لا تفكرين فيه

بما انج عروس انسي السالفه وبتصير بروحها

وصدقيني احلى مافي الكون العيال

المال والبنون زينة الحياة الدنيا

 

[دلوعة الحلوين]

انا من رايي نطري لاحقه على هم اليهال مو سالفة طلعه ووناسه سالفة راح تتفاهمون ولا لا شالفايده تربطينه باليهال وانتوا ما بينكم تفاهم تنكدين على نفسج وعليه طول عمركم وهذا تفكير قديم بصراحه اربطه باليهال لانه قبل الحريم مصدر الدخل عليه الزوج وبس بس الحين وظيفتي عندي سيارتي عندي ومعاشي بجيبي ليش اعيش حياتي كله بكدر وسبب انه نويت اربطه باليهال والعكس صحيح انا ربطة نفسي اذا ما عشت مرتاحه مو لازم هالزواج اعيش معززه مكرمه ولا انذل شلي حادني!!!!!!!!!!!!!!