شرايكم بهذا الأسم حق بنتي؟؟

[أرنوووبة]

السلام عليكم يا بنات

بدش بالموضوع على طول
انا و زوجي قاعدين ندور على اسم حلو لبنتنا و شرط الاسم ان يكون يديد و مميز جدا و يكون مناسب في العالم العربي و العالم الغربي في نفس الوقت. و من الأسماء اللي اخترناها: ماريا Maria و ليليانا Liliana
بس انا مايله و بشدة لأسم ليليانا و الاسم عاجب زوجي بعد. ليليانا هو اسم من اصل لاتيني و معناه زهرة الزنبق (Lily)

و هي رمز للجمال و البرائة و الطهارة. و دلعه لي لي. وااايد حلو.

اشرايكم بالاسم؟ اتمنى اسمع ارائكم!

شكرا جزيلا
:eh_s(17):​

 

[ربيعه]

والله ناااااايس صراحه go a head

قريب من اسم بنتي ليان ولا جان اخذته هههههههههههه

 

[H.A.K.W]

سموها لليان من غير المد بالألف احلى
وتتربى بعزكم انشالله

 

[غلاي غير]

ما ادري حسيته غربي مو عربي كلش

 

[متيمه بهواه]

رد : شرايكم بهذا الأسم حق بنتي؟؟

مشاء الله
تبارك الله

تبين اسم مناسب من العالم العربي الى العالم الغربي كيف تجي مدري ...!!

وبعدين إذا بنتك البجر تخيلي يبي لهم مشوار على مايقولون جاءت ام ليليانا بصراحه ولا تزعلين
الاسم ثقييييييل ولا عجبني
الاسماء كثيرررررره دوري وبتلاقين


الله يوفقك ويتمم حملك على خير يارب

 

[سارونه*المزيونه]

رد : شرايكم بهذا الأسم حق بنتي؟؟

لا مو حلو ليليانا
سميها ماريا احلى

 

[سارونه*المزيونه]

رد : شرايكم بهذا الأسم حق بنتي؟؟

اسم ليان مثل ما قالوا البنات حلووو

 

[ام سلطانوه]

ارنوبة حلو الاسم عليج بالعافية
ان شاء الله تيي بالسلامة وتسمينها

 

[كويتيه فالجبيل]

رد : شرايكم بهذا الأسم حق بنتي؟؟

حلو والله يهون عليج

 

[كيان انثى 4]

رد : شرايكم بهذا الأسم حق بنتي؟؟

لا مو حلو ليليانا
سميها ماريا احلى واخف

 

[أرنوووبة]

رد : رد: شرايكم بهذا الأسم حق بنتي؟؟

والله ناااااايس صراحه go a head

قريب من اسم بنتي ليان ولا جان اخذته هههههههههههه

ثانكس قلبو فرحتيني

h.a.k.w
ليان جدا دارج و احنا نبي اسم مميز و حلو و بناتي في نفس الوقت

غلاي غير
اسم ماريا مو عربي ابدا لكن اصبح من الاسماء الدارجة مع الوقت و اتوقع ليليانا راح يكون مناسب بالنسبه للأجيال اليايه و بصير دارج في وقتها

حلو البنات
لاااااا حرام والله مو ثقيل بالعكس اسم بنوووتي حيل و مثل ماريا يركب على عربي و على غربي

سارونه*المزيونه
شكرا غلى المشاركة عزيزتي بس ما نبي نبحث اكثر في الاسماء غير اللي اخترناهم

ام سلطانوه
شكرا قلبوووو كلامج فرحني ^^

كويتيه فالجبيل
شكرا عزيزتي اسعدتني مشاركتج

كيان انثى 4
شكرا على مشاركتج عزيزتي ^^

 

[misS Sooso]

رد : شرايكم بهذا الأسم حق بنتي؟؟

لا حلو ولا قاله الله
اسامي فلبن !!
سميها اسم خفيف
نور غيد ضي شادن

 

[tmtmt]

انا ميته على اسم
ماريا

وكنت بسمي بنتي

بس دقيت على شيخ وسالته
قالي مكروه

ان قح زوجة الرسول عليه السلام
اسمها ماريا

بس ماتداول عند الصحابه والمسلمين قبل هالاسم
محد سماه عشان جذي

وعاد قلت اهم شي اسميها اسم الله يبارك فيه

وسميتها : نور

والاسم الثاني ماعجبني

الله يسهل عليج حبيبتي

 

[taliya]

رد : شرايكم بهذا الأسم حق بنتي؟؟

laa ana agooool esm 3araby wayid a7la

 

[سموره 87]

ماريا وااااااااااايد احلى

 

[Esraa.a]

رد : شرايكم بهذا الأسم حق بنتي؟؟

الاسمين حلوييييييييين بصراحه

 

[غالية22]

ماريا روعه كان ودي اسمي بنتي هالاسم

 

[راما الحبيب]

رد : شرايكم بهذا الأسم حق بنتي؟؟

تتربي بعزكم

اسم حلو بس ترى كل ما صارت الحروف اقل كان الاسم اسهل

ايش رايك بتالا..........تالا اسم حلو ومعنه النخله

وشادن احس انه قليل عندكم ومعناه الغزال

 

[أرنوووبة]

رد : شرايكم بهذا الأسم حق بنتي؟؟

شكرا على ردود الاخوات الجميلة يعطيكم ربي الف عافية
اما بالنسبه للبعض الاقليه اللي كانت ردودهم غير جميلة او فيها نوع من السخريه ما اقول الا اتمنى تحسين اسلوب الرد بلييز يعني في اساليب راقيه للرد على استفسارات الاعضاء مثلي و في النهايه القرار لصاحب الموضوع. و مثل ما قلت كنت اتمنى من الجميع ابداء الراي ما بين الاسمين و عدم اقتراح اسماء اخرى بس ما عليه طاف

على فكره بنتي الحمدلله مولودة من جم يوم و كنا بس نبي نتأكد من الاسم و الان بالنسبة لي الموضوع مغلق و قررنا انا و زوجي ان نسميها ليليانا و دلعها لي لي على اسم زهره الزنبق

شكرا للجميع
تحياتي
ام ليليانا
:eh_s(21):

 

[*الجادل*]

رد : شرايكم بهذا الأسم حق بنتي؟؟

دام معناااه حلووووو سمي

وتولدين ان شاء الله بالسلامه