شرايكم تاجير سياره حق دبي لمده 5 ايام 74 دينار

[bnt_7waa]

السلام عليكم

شرايكم بهلعرض لقيته اليوم بالجريده الحجز يتم عن طريق الكويت والسياره تنطرج بالمطار



بس انا ناسيه اسعار التكاسي بدبي تتوقعون يسوى ااجر او اروح بتاكسي احسن وارخص واريح لي ؟

محتاره :eh_s(10):

عطوني رايكم وابي خلفيه عن التكاسي بدبي

 

[الاسطورة]

ممكن رقم المكتب حبوبه
واحس اذا الواحد اجر سياره ارخصله من التكاسي
والله انا ودي بسياره اجار

 

[دنيا رديه]

تكاسي دبي بالعدااااااد

 

[bnt_7waa]

الاسطوره

جريده الوطن اليوم صفحه 14

رقمهم 1845555 وعلى فكره السياره صالون مازدا وفيه انواع

دنيا

اي اذكر انه بالعداد بس تهقين للطلعه الوحده تكلف اكثر من 10 دنانير

 

[الشامريه]

اتوقع السعر زين

 

[bnt_7waa]

شكرا الشامريه

 

[bad0o0ra]

ترا حبيبتي سعرج زين اناا حجزت ميني باص مع سايق اليوميه بــ 500 درهم يعني يمكن 39 كويتي وهذا ارخص شي لقيته لانه انا قبل جربت اسعار التكاسي وايد غاليه حيييييييل

 

[الحــــياة]

حلوووووووووووو السعر والله..

 

[bnt_7waa]

مشكورين بنات

 

[سحيله_الحلوه]

مع سايق؟

 

[Om Ghalia]

شوفي محلات التأجير اللي بمطار دبي ، أنا أرخص شي حصلته 140 درهم باليوم يعني حوالي 11 دينار .... والسيارة أوفر من التاكسي اذا تبين تروحين أكثر من مكان بنفس اليوم....

 

[عثوله دبي]

غناتي التكاسي عندنا اهني وايد غاليه .. تقريبا 40 - 50 درهم .. و بتصرفين وايد اذا بتروحين كذا مكـآن
من رايي تأجرين سياره احسن لج !
والله يوفقج وحياج الله بـ دبي

 

[مندوبة ام بندر]

السياره اجارها مع السواق ولا من غيره

 

[bnt_7waa]

مشكورين بنات

السعر الي قلته بدون سايق

 

[شانيل نمبر 5]

مشكوره وايد علي الرقم

 

[رمانة الكويت]

انا انصحج بالتأجير .. لان التكاسي نااااااار ..

بعدين التاكسي ما يروح الاسواق الشعبية الا بطلعة الروووح ...

انا السنة اللي طافت سافرت مع زوجي وعيالي دبي وأأجرنا سيارة من المكاتب اللي في المطار وارتحنااااااا ...

توكلي على الله .. والعرض اللي حصلتي عليه حلو ...

تروحون وتجون بالسلامة

 

[نور كوليكشن]

اجري سياره احسن
احنا دايما ناخذ سياره كامري اومتسوبيشي لانسرمن المكاتب اللي بالمطار
بسعر 120 درهم باليوم

 

[@حنين 2008@]

والللللله ودي يابنات التأجيييير مريح
بس زوجي كل يقولي ما يدل ومايدل شسوس قوللولي

 

[شندوخه]

ترا حبيبتي سعرج زين اناا حجزت ميني باص مع سايق اليوميه بــ 500 درهم يعني يمكن 39 كويتي وهذا ارخص شي لقيته لانه انا قبل جربت اسعار التكاسي وايد غاليه حيييييييل

جم رقمهم ؟؟؟ او من وين اجرتي اريح مع سايق

 

[Lemon Juice]

السعر حلو مقارنه بأسعار التكاسي , والسياره تحت ايدكم تروحون وتردون على راحتكم

ما ندري جم بتكلفنا التكاسي اذا باليوم نطلع مكانين ..

نطلع الصبح ونرجع الظهر نريح ونرد نطلع مره ثانيه العصاري لي الليل

يعني 4 مرات بنأجر تاكسي باليوم روحه و رده روحه و رده

ودنا نأجر لكن أكبر واحد معانا عمره 17 ما يسوق

الله يسهل