تهبلوووووون بنات على هالسوالف الحلوة
وتبادل الخبرات الاحلى
بس مااااااااااااادري....... مادري ليش هالجمعيات مو داخله مزاجي
يعني جني قاعدة اقص على روحي.......جني اوفر فلوسي غصبن علي......والتزام وحاله
انا اشوف البنات اللي معاي اللي يسوون جمعيات..........صراحه حششش وتحلطم نصه يكفي على باجي الاعضاء
والا وحدة كبيره بالعمر وداخله معاهم جمعيه.......ولما يا دورها قالت لها وحدة منهم روحي افتري على البنات ويمعي جمعيتج!!!!
انحررررررجت وتحلطمت تحلطم نصه يكفي....(هذا حلالي.....وهذا دوري......وانا جذي جني اطر منهم)
ووحدة ثانيه لما يا دورها جم عضوة اعتذروا والا يعطونها بالتقسيط
وصارت مشاكل...........وحدة تقول عن الثانيه(تحش فيها) ان لما صار دور الثانيه وصلت لي ليما البيت العصر عشان تاخذ جمعيتها......لان الصبح ماقدرت تسحب من البنك
تقول سببتلي احراج ومادري شنو..........
انزين بدال كل هالعباله ليش ما اوفر انا من نفسي وطيب مني........بدال لاتصير السالفه التزام؟!!
هذا رايي......وبس
