شرايكم هالقرار بإيد الناظره وإلا الوزارة

[الـوايـلـيـة]

السلام عليكم يا مدرسات يا حلوات
رفيجتي مدرسة وعلى وشك ولادة وتبي تاخذ امومه لازم موافقة ناظرة مدرستها
والا تاخذها من الوزارة ؟!
واهيا ماتعرف شي بقوانين التربية لان ناظرتها نحيسه وكل شي تقوله ينصدمون بالاخير ويطلع كلامها غلط وحاطه قوانين على كيفها
ياليت تفيونها
وجزاكم الله خير

 

[LA TROO7]

لازم موافقه رئيسه القسم ثم الناظرة

 

[n-h-m]

عادي اتقدمها على الناظرة بس اذا مارضت تاخذها من المراقبة بالمنطقة بس ترى وراها نقل اجباري


حجة بحاجة مدام ناظرتها قشرة فرصة يمكن تطيح بإدارة سنعة

 

[الـوايـلـيـة]

شدعواااا ٤٠ مشاهده والردود ٢
واللي ردوا مشكورين وجزاكم الله خير
بس المراقب متنيحس واهوا مع الناظرة لانها لما خذت مجلس طبي سووت لها سالفه وقطعت معاشها قطع الله رزقها لدرجة انها زورت ورقة المباشرة كلهم بخط ايد الا اهيا بالكمبيوتر
حسبي الله ونعم الوكيل فيهم

 

[Om Ali 86]

بايد الناظره
لأنه لازم الناظرة توافق او ما توافق لحاجه العمل
مثلا اذا اجازة الامومه تسبب نقص بالقسم هني الناظرة ما توافق
اما اذا القسم عنده فائض او يسد الحاجه فتوافق لها

بس اذا عندها واسطه قويه تقدر تخلص شغل الامومه من الوزارة او المنطقه و بالواسطه تقدر تتعدا الناظره
كان عندنا وحده جذي قسمها كان فيه نقص شديد جدا بس قدرت تييب الامومه من فوووق

و طبعا خل تنسى انها ترد نفس المدرسة

 

[السهام البيضاء]

رد : شرايكم هالقرار بإيد الناظره وإلا الوزارة

اذا عندها واو كل شي يصير ولاترد على ناظره ولامراقب

 

[ضحـاوي]

المفروض انه بايد الناظره

بس تقدر تاخذ الموافقه من المنطقه حتى لو الناظره مو راضيه

 

[رايقة1980]

الواسطة فوق كل شي


الله يعينج اذا ماعندج