شرايكم يابنات كويتات في هنوع من الناس

[كويتيه منكم وفيكم]

:ioljnmlk::ioljnmlk::friends:​

الي يدخل في الناس ومومخلي احد بحاله ويقعد ينطر اي نقص في الناس ويعايرهم بذرابه عشان مايحس مثلا مسألة الأنجاب ليش اي وحده او واحد مالله رزقهم يصيرون علج بحلج الي يسوى والي مايسوى ويصيرون ماده كلام في كل المقاعد والمجتمعات ليش وكل ساعه وحده او واحد يتحسر عليه جنه معوق او ناقص الناس شكوووووووووووووو ايه عرفنا انه يبي يكون احسن الناس بس مو بهطريقه الجارحه الي تأذي يعني منو بربي انا والا اهم انا الي بربي وبتأذى مو اهم ليش محترين









ناطره ردودكم وشكرررررررررررررررررررررررررا

 

[ام يوسف القمر]

انتي قصدج على الاطفال بالعايلة انا ايد يكونون وايد علشان يصرون سند لبعض

وانا ايد هالشي بس وسلامتج

 

[كويتيه منكم وفيكم]

انا قصدي التدخل بحياة الناس

 

[ام يوسف القمر]

تعليقي باول عن الصورة ماطلعي الكلام


اما كلامج هذا انسان ناقص كل من يجرح صدقيني الله مراح يغفرلله والله اعلم

تركي هالناس وخلي الله سبحانة وزوجج نور عيونج واهلج الله يخليهم لانة هالناس محترين وفيهم نقص لانة الله قال ان الصابرين لهم منزلة بالجنة وان شالله نصير منهم

 

[عروسه 99]

اي والله كلام الناس يجرح لا تدخلوا بحياتج وهالناس المشكله لا صاروا من اهلج ولا بعد رفيجاتي اللي بالدوام معاي محسسيني بالنقص وخصوصا جم وحده تزوجت وراي وحملواا احس بالنقص والله بنفسي وعدم الثقه مع انه مافيني شي وتحاليلي اوكي بس والله من اللي اسمعه واشوفه والحمددلله على كل حال والصبر مفتاح الفرج

 

[كويتيه مذهله 87]

اذا بسمعين كلام النااس راح تتعبين

 

[طيبة الطيبات]

شوفى اختى هذى طبيعة الحياة الناس ماتقدر تسكت وخصوصا اذا شافت اللى جدامها يعطيها مجال فى التدخل انا قبل كنت اسكت واقول على الله بس حسيت الناس ماخلتنى تدرين كلمتنى وحده فى عشا بينى وبينها وعلاقتى سطحيه معاها وكنت مستانسه بالعشا قالتلى مارحتى عالجتى تدرين شنو قلتلها قلت انتى كم تبين اجيب 1 ولا2 ولا3 اهم شى انتى وتغير وجهها وقلت سكرى الموضوع لو سمحتى ومن بعدها نادر مايكلمنى احد فى الموضوع لانهم مو احسن منى بالتفكير فى العلاج والحمدالله على كل حال

 

[Emanova]

الاوادم لو شنو ما يسكتون .... انا صار لي 6 سنوات و نص ما حملت و لوعوا جبدي ابهال6 سنوات ليش ما جملتي و روحي عالجي و سوالف مالها اول و لا تالي ... و انا عندي ود اسم الله عليج فيه صفات توحد تخيلي الناس قاموا يخشون اعيالهم عني يخافون اني احسدهم و حتى لو احملوا ما يتكلمون لحد ما توصل السادس السابع يالله تتكلم ...

لدرحه انوحده من اهلي انا كنت رايحه العمره و كنت اسلم عليها قبل لا اسافر ةصتني اني ادعي لها علشان تحمل و اهي اساسا حامل بالرابع !!!

اشرايج ؟!؟!؟!؟ و الحين انا حامل عقب الانابيب و ان شاء الله يتمم علي و يرزق الكل مثل ما رزقني هم مو عاتقيني اشكثر دفعتي ؟ و اكيد فيج 2 و لا 3

و شنو فيج بنت و لا ولد ....و اسئله مالها اول و لا آخر ....فطنشي و لا تهتمين دخلي من اليمين و طلعي من الشمال و عسى ربي يرزقج بالذريه الصالحه المعافاه من اولاد السعاده الباره فيج يا رب

 

[Coffee-Girl]

الي بيمشي ورا كلام الناس بيضيع

ولا تنسين ان (ارضاء الناس غاية لاتدرك)

 

[A7la-SmiLe]

ارضاء الناس غايه لاتدرك
مااحب الناس اللي ماتراعي مشاعر غيرهااا شنو يعني اهما بشر واحنا لا ؟ استغفر الله
الله كريم وعسى الله يرزق كل محرومه بالذريه الصالحه عاجلا غير اجلا يـــــــــــــارب​

 

[المهذبه]

كلام الناس مراح يسوي لج شئ

 

[mama21]

السلام عليكم ورحمة الله وبركاته
اخوااتى انسو الناس مافى لاحد فضل او يد لابالانجاب ولا بانجاب البنين ولا البنات يرتاحو بس معلومه بسيط غافلين عنها ربى بس خلق ادام عليه السلام اخرج من ظهره ذريته الى قيام الساااااااعه واشهدهم على انفسهم باسمائهم واسماء ابائهم وشهدو لله بس طبعا نسو يعنى افهمو ان الله قدر ماكان وما يكون ومالم يكن لو كان كيف سيكون يعنى هذا النون خلق الله خلقه فبطنك سبب وحكمه انتى لاحسن باحد ولاشى انت ترعيه وتاكاليه وتربيه وبس هذا خلق الله انتهى لا فحولة ولاخصوبة هذى مشيئة ربى