عندي مشكلة وااايد باطة جبدي انسانة اصغر مني بالسن يمكن اب ثلاث سنين
تعرفت عليها من الجامعه ، كنا بكلية وحده ، وصرنا رفيجات ، سوالف و مرة طلعنا مع بعض
اهي كانت توها في اول طريج الشهرة
انا تخرجت ، لاحظت انها غيرت رقمها بالوتساب
فانقطعت الاخبار والاتصالات بينا بالمرة
مرت السنين ، عقب يمكن ثلاث سنين التقيتها صدفة ابمهرجان
انا كنت من الحضور و اهي ضيفة شرف راح تصعد عالمسرح وقت فقرتها انها وقتها خلاص صارت مشهورة
طاحت عيني بعينها ، انا بلهههههفة من زمان مو شايفتها وهم رفيجتي كنت بهجم اسلم عليها
فجأة ولا يتغير لون وبها و يتعكر ، وتعطيني ظهرها يعني ماتعرفني
المسافة كانت بينا بعيدة يعني يبيلنا جم خطوة عشان توصل حق بعض
المهم هالموقف علق براسي ، وقلت بقلبي الدنيا مو واقفة عليها ، هل غرورها ينفعها
هم مرت الايام ، وانا دشيت تقريبا نفس المجال اللي اهي انشهرت فيه بس كل وحدة باسلويها
اللي قاعد يصير ان صادفتها. مرة ثانية ، هالمرة مانتبهت عليها كلش ولا شفتها بالصج ، نادتني ، وكنت مع ناس ، لفيت ، ماعرفتها
شوي ولا استوعب
رحت سلمت عليها ، مدحتني وطيرتني ، وخذت كتابي وطالبتني بتوقيع ،
قلت لها ممكن تحطيم كتابي بانستقرامج ؟ قالت اكييييييد ولو
عطتني رقمها وصالت انطر صورتج
رديت البيت ، قلت يمكن تغيرت البنية وانصلح حالها
خزنت رقمها ، بدزلها وتساب !،
طلعت معطيتني رقم غلط
الفكرة ، قاعدة اصادفها وايد لان صرنا بنفس المجال ، باطة جبدي
جدام الناس تصير خووووش وحده ومن وراهم تبين شخصيتها السيئة الصجية
شلون اتعامل معاها ؟
