شركات التغذيه منو احسن فيهم وجم نزلنى (الجزء الثانى وبالصور)

[منال القلب]

يعطيج العافية حياة زوجي ما قصرتي والله.. وانا خلاص ان شالله من باجر بروح دايت كير وبشوف شنو يصير واقولكم..

 

[حياة زوجي]

السلااام عليكم

شخباركم بنات يعطيك العافيه حياة زوجي صراحه ماااااااااااتقصرين الله يوفقك وتنزلين للي تبينه بصحه وعافيه وماعاد ترجعينهم يااارب

صراحه موضوع حلو ويستاهل التثبيت قريته كله من اول صفحه لاااخر صفحه

سراب الغلا عندي سؤال الله لايهينك
انتي بالرياض او بالشرقيه او وين؟؟ ودي اشترك بدايت سنتر اذا رجعت السعوديه ان شاء الله
1 كم اخذوا منك؟
2 يمديني اشترك اسبوعين بس؟؟
3 وين موقعهم وكم رقمهم الله يعطيك العافيه
ومشكوورة مقدما

وكل البنااااات يارب تنحفوووون بصحه وعافيه

وينج يا سراب الغلا اختفيتى
والله لو اعرف ما بخلت عليج بس لللاسف ماعندى فكره بالسعوديه
وعلى فكره اعتقد يعطونج اشتراك اسبوعين
نشاء الله تشوف رسالتج وترد عليج
سراب الغلا نبى صور طمعنا وينج

 

[حياة زوجي]

الخيرات على جميع مشاهدينا







سندويش موتزريلا وريحان

عرموطه وخوخ

سلطه الشيف روعه

قطع سمك بالبصل الاخضر مع رز بالخضار

كورتينا وايد لذيذه

شوربه الفطر بالكريما

سندويش ستيك بالفطر بخبز الباغيت

روب بالفاكهه

 

[حياة زوجي]

يونس الموقع حياة زوجي الله يعطيج العافية يشوق حده​

انا جربت جم اكله اضبطت وياي وعليج بالعافيه :eh_s(7)::eh_s(7):

 

[حياة زوجي]

يعطيج العافية حياة زوجي ما قصرتي والله.. وانا خلاص ان شالله من باجر بروح دايت كير وبشوف شنو يصير واقولكم..

عليج بالعافيه عاد دايت كير اكلهم فوق الروعه بس شوى اغلا من باقى الشركات
اختيار موفق :rerrerek::rerrerek:

 

[فنار الكويت]

صبااااح الورد
الله يعافيج حياة زوجي وسفرتج قربت وراح نفقدج بالمنتدي وديري بالج على نفسج ولاتنسين حبيبتج القهوة الخضرا علشان لاتزيدين

نبي أخبار البنات وين التصوير والأخبار محد بشرنا وشجعنا بنزول الوزن
​

 

[فنار الكويت]

منتظرة عنيد تقولنا أخبار القهوة بالسفر لأنها قالت بتشتري حق السفر انشالله تدخل المنتدي اول ماترجع بالسلامة وتبشرنا بالقهوة
​

 

[moltencake]

اليوم اتصلت على دايت كير و قالولي انه بدا عرض رمضان.
العرض يكون فطور و سحور ب 195 دينار. و العرض بس فتره رمضان. و في بس فطور بس نسيت جم قالت.
بس كان ودي اشترك حق عقب رمضان بس قالتلي بس حق رمضان.
تهقون يسوون عروض في شهر رمضان غير عن هالعرض؟؟؟

 

[فنار الكويت]

اليوم اتصلت على دايت كير و قالولي انه بدا عرض رمضان.
العرض يكون فطور و سحور ب 195 دينار. و العرض بس فتره رمضان. و في بس فطور بس نسيت جم قالت.
بس كان ودي اشترك حق عقب رمضان بس قالتلي بس حق رمضان.
تهقون يسوون عروض في شهر رمضان غير عن هالعرض؟؟؟

سعر العرض نفس سعر عرض عقب رمضان ماتوقع يفرق شي
بس هيلث كومبني مسوين عرض ب160 دينار تقدرين تخلين العرض حق عقب رمضان وهالشركة ممتازة
وبرمضان ب199 دينار
​

 

[منال القلب]

مسا الخير

اليوم الصبح رحت دايت كير

فتح الملف >> 25 دينار شدعوة والله غالي!

وكان فيه برامج وكل برنامج له سعر خاص، قاعدة أدور الي بو شهر وسعره 200 مالقيت وااي بغيت أبجي
محتارة كنت شنو اختار لان فيه كذا برنامج وكل برنامج له مميزات

بعد عبيت استمارة بيانات

المهم بالأخير سجلت في برنامج اسمه ( لايف ستايل ) وسعره 225 دينار
وفيه: ريوق - غدا - عشا لمدة 28 يوم

راح يوصلون لي الأكل ابتداء من باجر لحد 11 رمضان

وبعدها عطونا 14 ورقة فيها قائمة بالاكل ( ريوق - غدا - عشا ) وحطيت صح صوب الاكلات الي ابيها واحبها

وانا ماحب الروب واللبن والحليب ف الدكتورة قالتلي بحطلج بدالهم فواكة فوق الفواكة الي موجودة اساسا صاروا 2

وطبعا منيو رمضان بعد فترة بينزل وهم نفس الشي لما اروح حق موعدي الثاني علشان الدكتورة تشوف اخر التطورات

يعطوني منيو رمضان..

طلع علي 250 دينار.. الصراحة كنت مودية وياي 200 بس فتح الملف خذا مني 25 علشان أول مرة وغير 25 فوق الـ 200 ضمن البرنامج..


اهو كان فيه برامج سعرها 155 بس كانت مو كاملة وواايد فيها كلام ماعرفت شختار وكانوا أقل من شهر يعني فيه اسبوعين وفيه 21 يوم.. واكثر شي 28 يوم مافيه شهر كامل..


الدكتورة لما دخلت عليها قالت تبي تحليل دم جان اقولها ماسويت قالت خلاص الموعد الياي هاتيه وياج واحس ما شددت على التحليل ف مابي واطنشه..

شافت وزني وطولي ووقفتي على جهاز علشان تتحسب كمية الدهون والكالوري الي لازم اكله باليوم وطلع 1200

فترة الاكل راح تكون 28 يوم يعني شهر 7 و لحد اول 10 ايام من رمضان..


وبس هذا الي صارلي اليوم..

 

[Reham 84]

مشكوورة حياة ماتقصرين والله

 

[أبله رورو]

ام حمد

شنو هذا الاشتراك الي حق شهرين ب 150 دينار بدايت كير وشنو طريقته جم وجبه ؟؟ بليز بنات الي يعرفه يقولي عنه

انا وزني 58 وطولي 160

واحس طالع لي كرش ومضايقني اوف :bbbiu: تحت السره كرش صغيره ناطه وخصري في زوائد :bbbiu:

كرهت جسمي قبل كان 52 البس بديات والي ابيه مافي زوائد ابي انزل هالسته كيلو


وصج بنات دايت كير اكلهم دسم ومايضعف:bbbiu:هذا الي سمعته وقريته من هني بالمنتدى ؟ ابي افضل شي يضعف

 

[سراب الغلا]

السلااام عليكم

شخباركم بنات يعطيك العافيه حياة زوجي صراحه ماااااااااااتقصرين الله يوفقك وتنزلين للي تبينه بصحه وعافيه وماعاد ترجعينهم يااارب

صراحه موضوع حلو ويستاهل التثبيت قريته كله من اول صفحه لاااخر صفحه

سراب الغلا عندي سؤال الله لايهينك
انتي بالرياض او بالشرقيه او وين؟؟ ودي اشترك بدايت سنتر اذا رجعت السعوديه ان شاء الله
1 كم اخذوا منك؟
2 يمديني اشترك اسبوعين بس؟؟
3 وين موقعهم وكم رقمهم الله يعطيك العافيه
ومشكوورة مقدما

وكل البنااااات يارب تنحفوووون بصحه وعافيه

هلآ والله ..
لآ انا من الشرقيه ..
خذو مني 1700 ريآل للشهر مع التوصيل ..
ايه ممكن تشتركين بدون توصيل بـ 800 ريآل او بتوصيل بـ 900 ريآل
هذا موقعهم http://www.dietcenterme.com/saudiarabia/
والله اناا انصححك فيه وبقوله آكله مره حلو ويشبع ويضعف بنفس الوقت ..
العفوو ولو

 

[سراب الغلا]

سوووري حيآه زووجي على القطآعه الزآيده بس كآنت عندي النت زفففت هاليومين كل شوي متعطل ..
المهم ولآ يهمك بنزل لك آكل آمس ..

الصندووق كآمممل

الفطور سينبون قرفه مع لبن بس نسيت اصوره

الغدآء هآمبرغر لحم + سلطه القيصر (سيزر)

سنآك = بسبوسه

العشآ سندويش دجآج وشوربه حريره

وجآبوو تفآحه

وبس آنشآلله اليوم بصور وبحطه عشآنك انتي اللي تحمسيني هنا

 

[ام حمد 85]

ام حمد

شنو هذا الاشتراك الي حق شهرين ب 150 دينار بدايت كير وشنو طريقته جم وجبه ؟؟ بليز بنات الي يعرفه يقولي عنه

انا وزني 58 وطولي 160

واحس طالع لي كرش ومضايقني اوف :bbbiu: تحت السره كرش صغيره ناطه وخصري في زوائد :bbbiu:

كرهت جسمي قبل كان 52 البس بديات والي ابيه مافي زوائد ابي انزل هالسته كيلو


وصج بنات دايت كير اكلهم دسم ومايضعف:bbbiu:هذا الي سمعته وقريته من هني بالمنتدى ؟ ابي افضل شي يضعف

هذا الله يسلمج دايت سنتر حاليا مسوي عرض لي قبل رمضان اشتراك الشهر الواحد اب 150 دينار واذا حابه دقي عليهم واستفسري منهم احسن وسلامتج

 

[فنار الكويت]

دايت سنتر هذي اسعاره طول السنه مو مسوي اي عرض حاليا ولا خصومات​

 

[سمسميه]

انا انشاء الله بستمر مع دايت سنتر من الحين وبكمل معاهم برمضان
بس نصيحه اذا انتى برمضان تتجمعون مع الاهل كل يوم وحلويات واكل ولازم تشاركينهم حرام لا تشتركين خليها وره رمضان لانج ماراح تلتزمين
واذا انتى حاطه فى بالج الالتزام وتبين تنزلين وزنج علشان كشخه العيد وتحسين انج قادره تقاومين اكل رمضان اشتركى
وعلى فكره اكل الشركات برمضان وايد حلو ويحطون اكلات كويتيه مثل التشريب والهريس والجريش وعندج يحطون الغبقه فطاير غير الحلويات الرمضانيه كل يوم يعنى ما تحسين محرومه
وطبعا راح تكون على 3 وجبات وجبه الفطور مع شوربه ولبن وتمر غير الغبقه والسحور والفاكهه وطبعا معاهم الحلو والسلطات
ونص رمضان الاخير راح اكون مع دايت كير
يعنى شهر رمضان راح انزل صور اكلات رمضانيه دايت سنتر وبعدين راح نحول على دايت كير وبتشوفون الصور

شجعتيني والله
خلاص يمكن اكمل مع دايت كير بس باختار وجبه وحده بس
علشان اخلي مجال اذوق اشيا ثانيه بالسحور تغيير علشان ما انحرم مره وحده
والله يوفق الجميع:eh_s(7):

 

[كت كااات]

تدفعوون 150 و200 علي صمونه وشوية عيش ومرق وسلطه وقطعة كيك ما تكفي نمله بهالفلوس اقدر اخلي الخدامه تسويلي ما عندكم عذر اذا مالكم خلق اتسوون وبقيمه ما تكلف حتي 50 دينار والله مربحين هالشركات راح تقولون ما نعرف نظام الاكل انا اقول طلعوه من النت او شوفو تجارب البنات الي اسبقوكم وقلدوا وجباتهم :eh_s(7)::eh_s(7):
لحد يزفني زين

 

[فنار الكويت]

تدفعوون 150 و200 علي صمونه وشوية عيش ومرق وسلطه وقطعة كيك ما تكفي نمله بهالفلوس اقدر اخلي الخدامه تسويلي ما عندكم عذر اذا مالكم خلق اتسوون وبقيمه ما تكلف حتي 50 دينار والله مربحين هالشركات راح تقولون ما نعرف نظام الاكل انا اقول طلعوه من النت او شوفو تجارب البنات الي اسبقوكم وقلدوا وجباتهم :eh_s(7)::eh_s(7):
لحد يزفني زين

صاجه انا ايدج 100٪ وفعلا شركات التغذيه وايد غاليه قسط سياره والله بس انا وحده من الناس ارجع من الدوام متأخره وماعندي احد يسويلي اكل رجيم والشركات. تنويع بالاكل ومراجعات والاخصائيه تتابعج وجربت وايد اني اضعف مافي شي فادني غير شركات التغذيه
*

 

[فنار الكويت]

كت كااات
علي فكره انا وحده من الناس ادفع كل شهر حق شركة تغذية ورجيم ولا إني الجأ لدكتور ادفعله ألاف واحط حلقه ولا اقص من معدتي وربي عطاني صحه وأعضاء حرام اني اقص منها مادري هذا رايي الشخصي شركات التغذيه ولا القص والتحويل وهالسوالف وشي اهون من شي وكل انسان له رايه سواء بالعمليات ولا اشتراكات الشركات وهم الرجيم وللرشاقه في سبل. وطرق وايد وكل انسان واللي يريحه وحياج الله وانشالله تنظمين عن قريب معانا بشركات التغذيه وتغيرين رايج​