شركات التغذيه منو احسن فيهم وجم نزلنى (الجزء الثانى وبالصور)

[وآحشنــي زمآنـك]

غداي اليووم ..

سلطه شمندر + اممم مادري شييمونه بس داخله بطاط مع حمسه فطر لذيذ

السنااك ماعجبني

 

[om MaRyooM]

واحشني زمانك

مشالله زييين نزولج حلو عالبركة

بس لاحظت شي
ان عشاج امس نفس عشاي!!!
وغدا اليوم نفس غداي
والسناك
فاتوقع انهم نصابين يحطولنا نفس الاكل ويريحون نفسهم

عموما النقانق وااايد عجبتني انا والحمدلله الاكل بشكل عام عاجبني مع ان اول يومين كاان موشي

 

[M❤kaaa]

بااااااااااك حبابيبيي

صارلي فتره ما دشيت المنتدى

انا طبعا ناو مشتركه بدينا ولينا صارلي اسبوعين تقريبا او بالاحرى يوم الاحد اكمل اسبوعين بالضبط واشتراكي بدون ويك اند

ونزلت بس كيلوو يعني صار وزني 63 !!

اليوم حدي بعتهاااا وكليت هارديز لوووول بس قلت بس راح اصكر حلجي ليه باجر ما اكل شي !!

وبالنسبه حق اكلهم اول شي ما يشبع اتحطلي بس 900 كيلوريز يعني الاكل حده شويه وبالنسبه حق الريوق الله يزيد النعمه بس الغدا والعشى حلووو والسويت احلى شي عندهم !!

وانشالله انزل بعد ادعولي ابي عالاقل ليه نهاية الشهر 3 كيلو !!

 

[العينآوية]

لزانياا هذي أظن

 

[انوار87]

ام مريومه مو نصابين بس ليش يعطونج مينيو مكتوب فيه ايام
لان باليوم يسوون 4 او 5 اطباق غدا
و 3 سلطات و 3 شوربات و 3 سناك
وانتي تختارين منهم و صدفه ان احنا نختار نفس الشي
انا صارلي مشتركه معاهم 3 اسابيع اول مره يغلطون امس الصمونه مو حاطين فيها نقانق كانت فاضيه
عاد انا قلت لو كرروا الغلط يالله بتصل واشتكي
بس انا صراحه اكلهم يعجبني وايد لذيذ بس الحلو مالهم مو ذاك الزود

 

[Fo$hY Mo$hY]

٨
٨

كيلوين بالشهر مستحيييل ..

اذا التزمتي باللي بالكرتون بس وماتخربطين راح تنزلين كيلوين على الاقل بالاسبوووع ..

والله مادري هذا الي اقراه عشان جذي متردده

بس دام كيلوين بالاسبوع وايد حلو !

شنو احسن شركه من حيث طعم الاكل و النظافه و النزول؟؟

شرايكم بدايت كير؟ اعرف وحده كانت متييييييينه امس شفتهاا ما شاااء الله ضعفت وااااايد و جسمها مشدوود ما شاء الله ، سألتها قالت انها مشتركه بدايت كير من شهور و ماشيه معاهم و تسوي رياضه ع طول

شجعتني اشترك بس قلت اسألكم عشان اشوف تجاربكم

 

[الدلال]

راح ارجع اشترك للمره الثالثه مع لوفات
اكلهم حلو ونظيف
سافرت الاسبوع اللي فات وخربطت بالاكل فراح اتلاحق عمري وارجع اشترك

 

[فرااااولة]

انزين شنو الاحلى لوفات ولا لينا ودينا؟

 

[أمـــــل]

اهلين برد عن حياة زوجي لانها ماتدخل وايد :d
انا حاليا 3 اشهر مع دايت سنتر
في اشتراك 150 و 200 دينار
رقمهم :- 24918901​

مشكوره وماقصرتي .... سؤال بهالثلاث شهور جم نزلتي وابي بشهر جم نزلتي وزن ؟؟؟؟

بتوفيج وعساج ع قوه

تحياتي

 

[Om_Ksha]

هااي بنااات اشلونكم

اليوم يومي الاول مع دينا و لينا و انطباعي عنهم ان اكلهم لذييذ و نظيييف بس مايشبع :\ بس شنسوي اللي يبي الدح ما يقول احح هههه


نبدي بسم الله

غداي كان ترياكي خضار مع عيش و سلطه سيزر و عصير

و السناك كان كيكه تمر بس ماذقتها ليلحيين

و ان شاءالله ببدي من اليوم مشي

 

[العينآوية]

عوافي عليج ام كشة

ايه ماشي احسن ولا احلى من المشي

 

[Fo$hY Mo$hY]

ام كشه عليج بالعافيه

بالبدايه راح تحسين انه ما يشبع بس بعدين راح تتعودين و تحس بالشبع بسرعه

قررت اني اشترك بدايت كير دقيت عليهم اليوم قالولي اروحلهم بدون موعد و يبون تحليل

قلت اسوي التحليل بالمستشفى و اخذه لهم شرايكم؟؟

ولا ما يسوى اسويه عندهم مره وحده ؟

 

[om MaRyooM]

انوار

اييي عشان جذي وانا حسبالي يحطون للكل نفس الشي هصوصا اني لاحظت يايبيلي وجبتين مااذكر اني كنت مختارتهم!!


عموما
الحمدلله مستانسه علي هالشركة لحد الان،، بس حلوياتهم كلش مو شي للاسف!!

 

[om MaRyooM]

وين (حياة زوجي) فاقدينها

 

[om MaRyooM]

ام كشا
برافو عليج

والاكل دايما اول الايام تكون صعبه ومانشبع
بس بعدين تتعودين حده
اصلا بعد جم اسبوع بييج شعور ان شلون كنتي تاكلين قبل اكثر وتخربطين ! هذا بالنسبة لي انا اذكر جذي كنت احس لوول

 

[<<لمار>>]

بنات فتحوا جزء جديد موقادره اتابع معاكم انا خاطري بلينا ودينا معنه صالي جم شهر مع دايت كير ولانهم توب ماابي اقل مستوي رحت لدينا ولينا ودفعت عربون وترددت احس موعارفه للمنيو واخاف اتوهق محتاره قولولي رايكم بنات

 

[om MaRyooM]

غداي اليوم
يممممي حدا الحمدلله

والحلو قطعه ككاو الله يزيد النعمه هههه بس تنوكل
مع كوفي

 

[Om_Ksha]

الله يعافيكم بناات

عاد توني كليت الكيكه كلشششش مو شي :///

Foshy

انا اشتركت اب دايت كير 3 مرات ولا مره قالولي لازم تحليل :/

دقي سأليهم تحليلهم بجم و شوفي الطبيب اب جم

و طبعا الحكومه بعد اسبوعين يخلص :/ انا بين فتره و فتره اسوي بالحكومه و اخليه عندي

لمار انا كنت نفسج متردده بس قلت ودي اغير لي متا دايت كير ، انا اهم شي عندي اني اضعف و دايت كير وايد اكلهم لذيذ و الكميه كبيره كنت اشبع و ماكنت انزل للاسف
فهالمره مع لينا و دينا قتلها ابي شوي كالوري حيلج فيني و عطتني 900 كالوري اما دايت كير كنت اخذ 1100

 

[om MaRyooM]

لمار

اللي يتعود علا دايت كير مارح يحب غيره
بس عموما حلو التغيير جربي ليش لا

ليناودينا يمدحونه انا ماجربته
بس لوفات ترا حلو بعد

 

[om MaRyooM]

ام كشه
تصدقين فعلا دايت كير اكلهم يشببع ووايد
والنزول بطيئ عندهم بس يختي اكلهم فظيييع وحلوياتهم كل واحد يقول الزين عندي هههه

كانو يعطوني ١٢٠٠ !!
والحين بلوفات مادري جم لان نسيت اسال
والاخصائيه ماقالتلي
عاد بغيرها لانه كلش ماعجبتني