شركات التغذيه منو احسن فيهم وجم نزلنى (الجزء الثانى وبالصور)

[frawlah_83]

اشتراك لوفات مال رمضان 159كان في عرض مسوينه قبل رمضان وبالعكس اكلهم واايد لذيذ انا تقريبا جربت كل الشركات دايت سنتر هلث كومبانتي ودايت كير ولوفات وفلكس جورميه

فلكس كنت مشتركه من زمان من سنتين او اكثر اكلهم حلو بس مافي خيارات وايد
دايت سنتر حلو بس مادري ليش اعور بطني
هيلث كومباني اكلهم ماعجبني وايد مافي طعم بس الساندوش حلوين بس مادري ليش نزلت معاهم باسبوع كيلوين اول مره تصير معاي
دايت كيير زويين مو كل شي حلوو انا دايما اخذ من الجمعيه بس لما اشتركت معاهم بسرعه مليت باقل من شهر وبعدين لاحظت اكلهم واايد في سعرات حراريه مقارنه بالباجي وسلطاتهم مو حلوه ويبولج شوي مو وايد والسووس ثقيييل وكل الكالوري منه لو اخففون السوس وزيدون كميه السلطه احسن والسويت مالهم وايد دسم " قبلها كنت مشتركه لوفات فكنت اقارن بين كميات الاكل لوفات شوي كمياتهم اكثر "
لوفاات صراحه الذ وااحد اهو نمبر 1 عندي معنه واايد ناس ماحبوو بس بالنهايه اهي اذواق ومامليت منه اشتركت شهرين وره بعض وصارلي فتره وقفت ورديت اللحين مره ثانيه حق رمضان معنه وزني مو واايد عالي بس اريح حق المعده واحسن من التخربط مال رمضان

 

[حياة زوجي]

توني داقة ع لو فات

الاشتراك الشهري 199

22250650




منو جرب رجيم سنتر ؟:eh_s(10):

لو فات وايد بنات ارتاحو عليه وامدحوه
بس رجيم سنتر اشك فيه شويه للحين عليه مناقشات ومحد امدحه وايد

 

[بنت العديليه الشقرديه]

بناااااات انا صارلي رابع يووم مع هيلث كومبااني ووزني احسه ما تغير وما احس اني اسوي رجيييييم شسوي تبي اضعفففففف

 

[بنت العديليه الشقرديه]

ابي **

 

[قطوووة]

تو الناس رابع يوم

عطي نفسج فجه شوي

جسم عن جسم يفرق استجابته

 

[بنت العديليه الشقرديه]

ماااابي ابي اضعففففففففففففففففففففففففففففففففففففففففففففففففففف احس على اخر الشهر راح اصفي بس على كيلووو معنى ما اكل كل اكلييي ادعوولي يصير وزني اربعه وخمسين على اخر الشهرررررر

 

[donat]

بنات انا مشتركة بدايت سنتر و على طول انا معاهم بس اقطع جم شهر و ارد لهم
بالنسبة للعروض:

1- عندهم عرض برمضان الشهر ب99 دينار بس بدون جمعه و سبت.
2- عندهم منيو ثايتة مافيها اختيارات الشهر ب150 دينار ( انا مشتركة فيها) يسمونها ايزي دايت انا يعطوني 1200 كالوري

الصراحة خوش عروض

 

[donat]

اي نسيت اقول لكم انا ضعفت بالاسبوع الاول كيلو ونص على 1200 كالوري من دايت سنتر

 

[فنار الكويت]

مرااااااحب بنات شخباركم مع الوجبات والله موقادره اسوي كنترووووول حدي ضايعه بس انشالله عقب السفر ورمضان ننزل بالوزن ونعوض كل شي ً

عنيد حمدلله علي السلامه ولكم باك نورتي المنتدي نبي أخبار القهوه معاج شريت القهوه الخضرا وبجربها اول يوم العيد انشالله
قوليلنا اخبارج ثبت وزنج ولا زدتي انشالله موزايده بشرينا​

 

[UniquẼ ♥ ώomaN]

شلوونكم بناات

انا توني مبلشه مع دايت كير
بس أحس شويه بالجوع
الله يسهل وينزل وزني قبل العيد

 

[قطوووة]

هههههههههههههههههههههههههه

بنات ليش احس اني عكسكم

انتو بديتوا دايت تحسوون بالجوع
انا بالعكس الحمدالله احس بالشبع من الوجبات

يوم الاحد يخلص اشتراكي وراح اجدد مع كالوووووووري كنتروووووووووول

حيل مرتاحة معاهم .. باخذ اشتراك 20 يوم اللي بالاسبوع يوم اوف واحد بس .. عشان اعدي رمضان ..

:yaaaaaarb:

 

[منال القلب]

قطوة: جسم عن جسم يفرق

الحين مع دايت كالوري شنو انطباعج عنه دام بيخلص اشتراكج؟

جم نزلتي عليه طول هالفترة؟

 

[حياة زوجي]

شلوونكم بناات

انا توني مبلشه مع دايت كير
بس أحس شويه بالجوع
الله يسهل وينزل وزني قبل العيد

مرحبا
دايت كير ممتاز ودام انج تحسين بالجوع هذا بديه الرجيم ورجيمج صح كل ما حسيتى بالجوع راح وزنج ينزل وهذا كلام المطوع فبتالى معدتج راح تصغر وتتعودين على الوجبات الصغيره
كملى معاهم ولا تخربطين ووزعى اكلج كل ما حسيتى بالجوع اكلى شى وحاولى تلهين مثل الممشا او اى شى تحبينه يشغلج وعليج بالجاى الاخضر ممتاز بين الوجبات
ويارب ينزل وزنج بصحه وعافيه

 

[حياة زوجي]

هههههههههههههههههههههههههه

بنات ليش احس اني عكسكم

انتو بديتوا دايت تحسوون بالجوع
انا بالعكس الحمدالله احس بالشبع من الوجبات

يوم الاحد يخلص اشتراكي وراح اجدد مع كالوووووووري كنتروووووووووول

حيل مرتاحة معاهم .. باخذ اشتراك 20 يوم اللي بالاسبوع يوم اوف واحد بس .. عشان اعدي رمضان ..

:yaaaaaarb:

تصدقين انا نفسج ما احس بالجوع اصلا احس خلاص تعودت على اكلهم والحمدالله وزنى قاعد ينزل على الراحه
بس انا مشكلتى حدى شهر مع الشركه بسرعه امل دايما اتنقل من شركه لى شركه
بس السالفه يبيلها صبر
والبنات يبوع بظرف اسبوع ينزول 5 كيلو ما يصير
الاكل اللى يوصلهم صحى وفيه كل المواصفات الغذائيه اللى تحمى شعرج وجسمج
والنزول التدريجى وايد ارحم من النزول السريع
حتى لو خلصتى منهم ما يصعد وزنج بسرعه

 

[حياة زوجي]

اي نسيت اقول لكم انا ضعفت بالاسبوع الاول كيلو ونص على 1200 كالوري من دايت سنتر

دايت سنتر اختيار موفق انا احب هالشركه ووره العيد راح اكمل معاهم
استمرى ولا تخربطين وراج العيد وبدله العيد حلاتها على جسم رشيق
ونشاء الله ينزل وزنج معاهم بصحه وعافيه وعليج بميه عافيه

 

[حياة زوجي]

مرااااااحب بنات شخباركم مع الوجبات والله موقادره اسوي كنترووووول حدي ضايعه بس انشالله عقب السفر ورمضان ننزل بالوزن ونعوض كل شي ً​

عنيد حمدلله علي السلامه ولكم باك نورتي المنتدي نبي أخبار القهوه معاج شريت القهوه الخضرا وبجربها اول يوم العيد انشالله

قوليلنا اخبارج ثبت وزنج ولا زدتي انشالله موزايده بشرينا​

اتوقع راح يزيد وزنج كيلو او كيلووين بس عادى ريحى شويه واكلى اللى خاطرج فيه عليج بميه عافيه وراج وراج الرجيم وراح تردين مشتاقه للشركه وينزل وزنج من جديد
واتوقع اذا سافرتى وشلابتى القهوه هناك راح تخفف شوى معاج لانها تسكر الشهيه شويه

 

[راعية الطويلة]

تقبل الله طاعتج حيوت اشلونج!!

و الله ولهت عليكم و على هالتجمع الحلوووو

تصدقين حيوت
مدري اشفيني ضليت اشزيني سنة كاملة وزني ثابت
الحين صرت آكل بزيادة خاصة بالليل

ودي اضعف قبل العيد
على الأقل انزل الكيلوين اللي زدتهم !!!!

 

[قطوووة]

منال القلب
صراحة ضايق خلقي انه قرب يخلص
احس ان مدلعيني بالاكل
حيل مرتاحة نفسيا ومعنويا وعاطفيا معاهم :krkrkr: هههههههههههههههههههههه


حياة زوجي .
اي انا من اول الايام حسيت فعلا ان خلاص لما اكل اكتفي بقدر معين

والله انا شحليلي قنوعه بالاكل .. واقدر اكل الاكل الصحي ماعندي مشكلة مثل بعض الناس اللي مايحبون المفيوح والمسلوق وغيره بالعكس احب جذي
بس عيبي اني مثل الياهل لازم احد يسويلي ويجهز اكلي بطريقة صحية ههههههههههههههههههههه
والا بخورها مع الاكل اللي مو صحي


بعد 3 أيام موعدي والله يستر

 

[حياة زوجي]

منيو اليوم






تمر

شوربه خضار المنزل بالشعريه

السلطه الصينيه المقرمشه

صلصله الكارى مع الرز بالبقدونس وسمك

كريم كرامل الجبن

مينى فطاير زعتر

سلطه فاكهه الحمضيات مع النعناع والرمان

فتوش

كباب السمك مع صلصه الرانش بالفجل مع الخضار المشويه

روب بالفاكهه

 

[غالية غاليها]

انل معصبه
دايت كير اليوم ماجبولي شي
ادق مايردون فطور ماتفطرت
2مره يسوتإا لو يردةن ببردت حرتي فيهم
ماكليت شي