مسا الخير
تاريخ 13 رمضان
يخلص اشتراكي مع دايت كير
كان عندي موعد مع الاخصائية اول رمضان بس انا كنسلته
ماكان لي خلق اروح الصراحة وخاصة اول رمضان ما كان لي مزاج
حتى قالولي متى يناسبج؟ قلتلهم مادري افكر واتصل عليكم. والصراحة ماني
متصلة لول شنو بسوي اطق طريج حق 20 دقيقة! ف بكنسل الروحة لحد ما يخلص
اشتراكي اصلا مابقى شي كلها 10 ايام واخلص..
وزني من بعد هالفترة كان
60.2
الحين بروح اشوف وزني دامني صايمة.. برب اشوف وارجع >> والله صج بروح نطروني لوول
باك..
وزني صار
61.5
وي جنه زاد
بس يله هم مستانسة
لأنه كان 64 ف جذي زين
انا بس تبدا الدوامات >> معلمة
راح اضعف لان تدرون شغل وحركة وضغط ومغثة تساهم في نزول وزني
====
بنات هالأيام صايرة ما أطيق الشوربة
واكلهم صاير مومضبوط مادري شفيهم وصايرة تلوع جبدي من ريحة العلبة مالتهم مادري ليش
يعني حاطينلي شورما لحم مع طحينة مع اني منبهة انهم يحطون بدون طحينة
وكاتبين برا العلبة بدون طحينة
الصراحة بنات اكلهم حلو لكن يملل وسلطاتهم وستيكاتهم استغفر الله العظيم على النعمة الستيك وايد مالح مادري ليش يسوونه جذي
والسلطات مو حلو السوس مالها لازم اكلها خالي. ومرة طلبت هريس وكانت مالحة. مادري شسالفة الملح وياهم..
بس انا مليت حدي حدي مليت من اكلهم ان شالله بس يخلص راح اوقف وراح ابدا شهر 11
لان الفترة الياية راح تكون دوامات وانا جذي ولا جذي راح أضعف بدون شركة وراح اروح الحج ان شالله
فبس ارجع من الحج بقعد فترة وبسجل في دايت سنتر يعني جذي على اواخر 11 أو بداية 12
