شركات التغذيه منو احسن فيهم وجم نزلنى (الجزء الثانى وبالصور)

[منال القلب]

روز ممم ماكو الا اسألهم تصدقين!! لازم اسألهم
وانا موعدي وياهم تاريخ 21-9 فبشوف واسألهم عدل

 

[عنيّد]

منال ،، صباح الخيرات وتروحين وترجعين بالسلامه مقدما وعساها حجه مقبوله
الي اعرفه ان الشركات عادي توقفين اشتراكج معاهم وترجعين تكملينه ، يعني رفيجتي كانت بهيلث كومباني تشترك شهر كامل وتوقف بأي وقت وترجع تكمل
ونفس الشي عند لوفات وعند دينا ولينا

انتي قوليلهم سالفتج وعادي الموضوع اتوقع بيوقفونه لج ويكملون متى مارجعتي وبغيتي تكملين

 

[عنيّد]

لووووووووول توني اقرا رايج بالشركات ، انا للحين الشركتين الي اشتركت معاهم اشوف اكلهم عادي
صعب صعب صعب اني احكم على شركه ، المشكله فيني اعترف ..... اشوف الاكل للحين مقبول ، بس يبيلي اشكّل فيه وانا عسره

 

[منال القلب]

^
^

وااي فديتج والله وفديت هالعسارة يا أم العيوش

لا ان شالله يكون تمام واهم شي يكون مقبول عندج

بس ان ما اشتركتي بكالوري كنترول بعده راح ازعل عليج >> لوول

واما عن الاشتراك اي صح كلامج انا شلون طافني!!! اقدر اوقفه بس لان عندي 25 يوم ما يكمل

الشهر فبشوف وقت موعدي شنو يقولون لي..

========

بنات متى نصير جذي؟

,
,


,

,

,
,

,
,
,

هههههههههه

 

[قطوووة]

منال ماانصحج تخلين كالوري كنترول ووتروحين هيلث كمبني ..

كالوري كنترول تقدرين تاخذين الـ 20 يوم متواصل او تخلين بريك يوم واحد بينهم مثلا الجمعه او السبت


حياة زوجي
ولكم باك وماتشوف شر الوالدة

 

[عنيّد]

منال والله حيل خاطري بكالوري كنترول بس ناطره شيرازيه تسأل اذا يبدلون العيش الاسمر بالابيض لاني ماحب الاسمر -ـ-

 

[منال القلب]

قطوة: عيل جذي خلاص اقتنعت شكلي بجدد اشتراكي بكالوري ان شالله..

عنيد: ترا عادي يصير عيش ابيض، انا الاسبوع الي طاف كانوا حاطين لي عيش ابيض مع دياي بالصلصة وكانت روعة

وااااي على الكسل الي فيني ولا جان صورت والله.. واعتقد ترا يصير..

 

[um_yoyo]

سسلام حبيت انقل لكم تجربتي

انا من شهر 3 لشهر 8 كنت مع دايت كير ( خربطت وااااااااااااايد ) بس الله ستر

الحمدلله نزلت 20 كيلو ماشالله

انا بالاساس جسمي ضعيف بس بعد الولادات ماشالله 3 وره بعض طشت شووووويه

المهم لما وصل وزني بال3 اصفار قمت اتراجف خخخ و قررت اسوي رجيم مع دايت كير


الحين انا مشتركه بوجبه وحده باليوم مع حلو و سلطه 700 كالوري علشان اثبت وزني و برجع بالاشتراك الكامل شهر الياي علشان انزلي 4 كيلو و ادش موسم المخيمات و البلعه بثقه هههههه

 

[{ عبره وهلت }]

:
.

حيآة الحمدلله على سلآمة الوالده .. ما تشوف شر إن شاء الله
ولكم بآك


.
:

 

[قطوووة]

هلوووووو شخباركم يارشيقات المستقبل

اليوم الهوا يهبل بالممشى :rerrerek:
مشيت ساعه .. جان زين كل يووم جذي

بنت خالتي اليوم تسالني شنو تشترك وجذي ووقلت لها كالوووووووري كنتروووووول

 

[nono78]

اشلونكم بنات

انا خذيت موعد مع دايت كير

بس من ردودكم خلتوني اتردد

وودي اخذ موعد مع كالوري كنترول


بدق اذا عطوني موعد قبل دايت كير راح اشترك وياهم

ودايت كير اشتراكهم 225 مع فتح ملف 25

صراحه وايد انصدمت

انتو اشرايكم

 

[قطوووة]

حيل وايد !!

كالووري كنترول .. 189 اشتراك كامل لمدة 4 اسابيع .. مع مجاميعه مع ملف وكل شي .

ماتدفعين شي زيادة
والله فرق !!


اناا على هالدعاية اللي سويتها لهم مال يعطوني اشتراك شهرين مجاني هههههههههههههههههههههههههههههههه

 

[{ عبره وهلت }]

^
^


اي والله قطيــــو لو آعرف آسمج جآن قلتلهم عنج وعطيتهم رابط الموضوع بعد ههههـآآ

بالله يارب يوفقنا ونضعف بصحة وعافيه



:
.

 

[قطوووة]

ههههههه جان زين

عبرة منو اخصائية التغذية مالتج ؟

منال القلب بعد انتي عند منو ؟

 

[nono78]

قطوه انا من زمان قاريه موضوع بالمنتدي اهني
يذمونهم حيل ايام ماكانوا بمشرف

الموضوع قديم ٢٠٠٨

فمادري تغيروا يعني

عفيه اشلون اكلهم ونزول الوزن ؟؟؟؟

 

[قطوووة]

من زمان تتغيروا


¨°•√♥ يومياتي مع .. كالوري كنترول ♥√•°¨

شوفي يومياتي .. نزلت 3 كيلوات بس ماكنت اسوي رياضة بس كنت اخربط شووي هذا اللي خرب علي مفروض اقط 5 كيلو

 

[nono78]

قريت موضوعج مشكوره حبيبتي

وبالتوفيق يارب

 

[منال القلب]

نونة: من صجج تقطين 225 !! حرام والله وانا مع قطوة انصحج مع كارولي كنترول اشتراك كامل من اكل وزيارات وفحص وكل شي اب 189 دينار... اما عن الموضوع الي ب 2008 ويذمونهم انا نفسج قريته وخفت وقمت اقارنه بموضوع قطوة وحدي احترت لكني سجلت وقلت فيها فيها.. وطلع كل شيهم روووووعة..

====

قطوة: انا دكتورتي جنه اسمها منى واتوقع سورية>> لوول مادري ناسية اهي غرفتها أول غرفة على اليمين ومحجبة لوووول >>> طاعي الوصف هههههههه

 

[قطوووة]

اصلا كل مراجعه يغيرون الغرف بالنسبة لي
ههههههههههههههههههههههههه

انا كنت عند نوووار

 

[حياة زوجي]

صباح الخير يا احلا صديقات بالمنتدى
وهذا منيو اليوم وانا الحمدالله وايد مرتاحه مع دايت سنتر تفضلو


كرواسان جبن

تفاحه

ورق عنب وتحته ستيك

عثمليه

شوربه عدس وايد لذيذه

مسخن دجاج

روب بالفاكهه

ونسيت سلطه اصورها