شركات التغذيه منو احسن فيهم وجم نزلنى (الجزء الثانى وبالصور)

[عنيّد]

الله يتمم عليج ياااااااارب

اما عالعرض فحسافه والله بس يالله خيره مايندرى شالاحسن

 

[ملكة زماني]

صباااح الخير ايفيري بدي


لووووول عنيد موصج سالفه الشركة اللي مشتركة فيها
ضحكتيني

يالله زين اتسوين اهم شي في احد يسويلج الاكل جاهز


امس الحمدالله امس عدا على خير
وانشالله اليوم بعد انشاءلله يعدي مع اني شاكة اني راح اخربط
ناويه اروح السينما وانا ماقدر اقاوم الناتشوز
شنو الحل

 

[عنيّد]

ملكة زماني ،، صباحوووووووو ونص ، صبري علي بس اذا مشى الحال بسويلكم هالشركه وانا الاخصائىه واشوف اذا ماشتركتوا عندي ياويكلم

الله يتمم عليج درب السنع والعداله "الرجيم" ، شوفي مره العُبد قالي اقدر آكل من السينما قوطي نفيش الصغير بدل وجبة الغدا
اما انتي تبين ناتشوووووز ، وهذا الله يسلمج وماااابي اصددددمج كلللللش بس الواقع يقول ان الــ ٦-٨ حبات ناتشوز مع جبن فيها ٣٤٦ كالوريز
تخيلي بس ! ، يعني وجبه كامله بست-ثمان حبات فقط !! :eh_s(16):
عاد انتي وضميرج

 

[قطوووة]

كيفووووووووووووو

 

[عنيّد]

ماااابغى احد يطل !!!!

هلاو قطوه هلاو


صايرين بايخيييين :eh_s(14):

 

[فنار الكويت]

اي والله حدهم بايخين اليوم اللي التزمت في صار الموضوع صخه ومافي تشجيع ولا حماس
يعني لو عنيد مارجعت للموضوع جان كلمت نفسي
اذا طناااااش عيل ارجعلكم على اخر يوم اشتراكي ،،،،بعطيكم مهله لغاية بكره ونشوووووف​

 

[فنار الكويت]

عنيد سؤال اشتراكج مع هلث كومبني جم توتال النزول

اليوم الممشي رهييييييييييييب والله رهيييييييييب

 

[قطوووة]

امتحانات يا ناس :eh_s(16):

 

[عنيّد]

صباح الخير يالكسااااااااااالى


قطووووه ،، موووووفقه زين زين لا تبجين :krkrkr:

فنووور ،، يعني انا مو تارسه عينج ؟ :eh_s(14): خلج يا بنت الحلال لا تطلع طناقيرج عاد

اشتراكي مع هيلث كومباني كنت ملتزمه فيه 100% بس بدون رياضه ، نزلت 3 كيلوات وكسور جنه ونص او 200 جرام ماذكر بس مو اكثر من هيك .... بصراحه مايازلي النزول توقعت اكثر :eh_s(1):
اما المشي والجو فبصرااااحه اقولها كاااااش ، مااااااعنده سالفه الي حاكر عمره بالبيت ومايستغل هالجو الروووووووعه بالمشي ، ياليت جونا يستمر جذي صج صج يشجع ع المشي مو الصيف استغفرالله سلاااق ;\

 

[عنيّد]

بما اني شطوره وأحسن منكم :eh_s(22): راح أكمل صور وجباتي مع شركة ♣ كوين دايت ♣ المنزليه

بحط كل صور وجباتي بثاني يوم الي هو أمس الاثنين 9/1/2012

هذا الريوق "شريحة توست أسمر + جبن لايت + زعتر + خضره" المفروض معاهم حليب بس ماحبه وغالبا يكفيني المااااي :rerrerek:
و السناك #١ "لـوز غير محمص"

الغدا "كيوي كمية مفتوحه" ، سناك #٢ "حبتين ككاو"
طبعا مثل ماتشوفون لعبت قبل الغدا ١٠ دقايق عالقرص ، وبعد الغدا بساعه مشيت عالبحر 50 دقيقه

العشا "٢ همبرجر ضعيف مشوي + خضره" ولااااا تنسووون الماااااي

وهذا كان يومي الثاني تم ١٠٠٪ ولله الحمد :yaaaaaarb:

​

 

[ملكة زماني]

قود افتر نون ايفري بدي


عنيد امس مارحت السينما بسبت معلومتج عن الناتشوز :s

يالله بس الحمدلله امس عدا على خير

وانشالله اليوم بعد



عنيد غداج بس كيوي :/ احسه مايترس البطن

 

[فنار الكويت]

يابعد عمري ياعنيد انتي الخير والبركة والمنتدي مايحلى الا معااااااج والبركة بعد بباجي البنات واستمري مع الشركة اليديدة مالتج احسن من الشركات بصراحة وعلى الأقل اكل بيت وانظف وفريش وبلا مخاسير وحاولي تزيدين المشي دام الجو حلو خليها ساعة او ساعة وربع ترى ماتحسين بالوقت وايد لأن روووووعه شويه عليه
ابي استفسر وياكثر استفسارااااااتي وبما إنج تلميذة الدكتور المطوع
انتي تدرين اني انزل كيلوين ومو اكثر بالشركات لأني ساعات اغش وطبعا طبيعة الدهون العنيده وبما اني مو متينة حاليا بس زيادة وزن
طولي 155 او 154 ووزني 61 - تتوقعين جم المفروض انزل اذا التزمت 100% ودهوني نسبتها 25 اخر مره بكالوري وترى الميزان الالكتروني خواره مره يزيدني كيلو وبنفس الوقت ينقصني كيلو

في معلومة اخذتها ومطبقتها صارلي 3 أيام وانشالله تستفيدون منها
ملعقة كمون حب + زنجبيل فرش + دارسين خشب + ليمون فرش احط نص وحده او ثلاث ارباع او ليمونه
صرت اشرب مرتين باليوم مره بالدوام اخذه بالمك واشربه على الساعة 11 وطبعا الحرارة نفس مااهي مايبرد واخذه مره ثانية قبل لا أنام وحسيت البطن هدت وخفت شوي عليه لأن حلو حق الغازات والإنتفاخ والدهون
بنات جربوه حتى طعمه حلو ولاتحطون سكر لأن الدارسين يحليه
ودمتم بود
​

 

[ملكة زماني]

اهلا فنااااار
انشالله تنزلين باقي الوزن الزايد بسرعه

انا ماحب اشرب جذي ولا جاي اعشاب
ب احب الجاي العادي
وشكرا على هالمعلومة :*

 

[فنار الكويت]

قود افتر نون ايفري بدي

عنيد امس مارحت السينما بسبت معلومتج عن الناتشوز :s
يالله بس الحمدلله امس عدا على خير
وانشالله اليوم بعد
عنيد غداج بس كيوي :/ احسه مايترس البطن

قصدج قود مورنينق ملكة زماني ،،،،هلا حبوبة ،،،،
زين سويتي والتزمي احسن انا ما أدعي الا الله يثبتني هالشهر عن الخربطة وعقب الشهر باخذ يوم فري انشالله
استمري،،،، والله انا حتى كلام عنيد وزفها يشجعني لووووول ويخليني اتحسف على الإشتراك
​

 

[فنار الكويت]

ملكة زماني أنا مثلج بالضبط مااحب هالسوالف بس ذقت طعمه بصراحة حلو وتحسين طعم ليمون يونس جربي مره متني خسراااانه واللي عندها معلومة عن اللي ذكرته ياريت تفيدنا
​

 

[فنار الكويت]

بأي شركة حاليا ملكة زماني
​

 

[عنيّد]

ملكة زماني ،، هههههههههه احسن

مشكله احنا ماعندنا وسط ، يا كله يا خله
يعني يا اطلع وابلع الخضر واليابس ، والا انحكر بالبيت واجابل رجيمي :eh_s(4):

غداي كان كيوي وبالعكس يترررررس البطططططططن ، على فكره رجيمي هذا من الدكتور عبدالله المطوع لما رحت له وكنت مخبصصصصصصصصصصه فعطانياه وبعد اسبوعين نزلت 4.5 كجم مع اني ماكنت ملتزمه فيه عدل
عشان جذي اخترته لبدايتي بالعوده الرجيميه ، ابي شي يقرصني

 

[عنيّد]

فنووور ،، البرررركه فيكن كلكنننننننن :eh_s(17)::ggdw::eh_s(17):
ايييييه بصراحه ولله الحمد مرتاحه مع شركتي اليديده آخر دلــــع :eh_s(15):

اما المشي فأنا قاعده أحاول أزيد ، بس يقولج "قليل دائم خير من كثير منقطع

" و العُبد كان يقول "ممارسة الرياضة 20-40 دقيقه يومياً تزيد من سرعة انقاص الوزن بقوه" ، اما طبعا اذا نبي اماكن معينه بالجسم فكل شي له تمرينه ، يعني مثلا المشي مايأثر الا على الجزء السفلي من الجسم ، عشان جذي معطيته الحين 40-50 دقيقه "قابله للزياده" ...... وعشان الخصر والكرشه اسوي تمرين القرص الدوار لمدة 10 دقايق حسب نصيحة العبد ، وبنفس هالتمرين احرك ايدي يمين ويسار لعيون الزنود

وبجذي مجموع الرياضه ساعه باليوم ولمدة 5 أيام بالاسبوع .... الحمدلله نعمه

،

بنسخ لكم من حواراتي مع د.عبدالله المطوع هالجم معلومه الرياضيه انشالله تفيدكم
اعترفت له : بهالاسبوعين مالعبت رياضه كلش ، "مع انه محرّص بورقة الرجيم على ممارسة الرياضة 20-40 دقيقه يومياً تزيد من سرعة انقاص الوزن بقوه" >_<
فقالي : ترى الرياضه مهمه للجسم مو عشان الرجيم بس عشان الترهل
سألته : الترهل بالزنود والمعده شنو حلهم ؟
قالي : أنا ماعلمتج التمارين ؟
قلت له : لأ
قالي : اشتري القرص الدوار واوقفي عليه ولفي يمين ويسار لما تحسين عضلات جسمج من الاطراف تشد ، لمدة 10 دقايق
وبعدين وانتي قاعده او واقفه كيفج تمسكين أثقال أو بطلين ماي (بالبدايه مولازم) وتسوين حركه دورانيه للامام (ماعرف اشرح لكم عاد تخيلوا انتوا خخخ يعني مثل حركة السباحه بس الايدين مع بعض لجدام) لمدة 5 دقايق وبعدين لما ورا لمدة 5 دقايق ، هالتمرين يومياً سويه عشان يشد الزنود والمعده
سأله اخوي : المشي يغني عن الرياضه ؟
قاله : المشي هو ام الرياضات ولكن المشي للجزء السفلي من الجسم ولكنه مايشد الجزء العلوي فلازم تمارين ثانيه
الدكتور : أكو بالرياضي الي بمركز سلطان مثل شي ينلبس بجف الايد ويكون بداخله أثقال (1 كيلو) ، هذيل اشتريهم ولبسيهم وانتي تمشين وخلي ايدج على الجوانب جدامج وانتي تمشين (يعني اشلون افهمكم مثل حركة الرجل الآلي خخخخ) هالشي يساعد على شد الجسم
أنا حصلت هالاثقال اول شي بمركز سلطان ، وامس رحت جمعية القادسيه عند النصر الرياضي ولقيتهم على نص دينار ودينار !! الله يديم الرخص عندهم تنزيلات الحين :eh_s(15):

،

انتهت الفقره الرياضيه

​

 

[عنيّد]

فنار ،، شوفي بقولج معلومه يمكن تعرفينها ، انا طولي 164 ووزني المثالي الي حدده د.عبدالله كان 68 ..... لما وصلت 72 قالي شوفي الحين باقي على المثالي 4 كيلوات بس ، قالي الكيلوات الأخيره هي الأصعب لأنها هذي الي تكون لاصقه بالعظم ، ولكن لا تخافين راح تنزلينهم ، واذا نزلتي كيلو واحد بس بيبين عليج وبيقولون لج شمسويه


اقول فنووور ، انا ملاحظه عليج عندج وسواس الميزان !! ، ليش كل هالخبه ؟؟؟؟ اخذي ميزان لو يكون ااااردى ميزان بالعالم ، شنو المهم ؟؟؟؟ المهم انج تثبتين عليه وماتغيرينه ، يعني تعتمدينه وتخلينه هو ميزانج الدايم ومالج شغل لا بميزان الشركه ولا الصيدليه ولا غيره ، لانه المطلوب مو جم وزنج ولكن المطلوب جم نزلتي

 

[فنار الكويت]

عنيد شلون الوزن المثالي بالنسبة لج 68 وانتي طولج 164 اللي اعرفه المفروض وزنج نفس طولج يعني المفروض وزنج 64 او 60 هذا اللي اعرفة وهم 62 الوزن مناسب لطولج مادري هذا اللي اعرفه ومفهمينا الشركات عليه
​