شركات التغذيه منو احسن فيهم وجم نزلنى (الجزء الثانى وبالصور)

[حياة زوجي]

مرحبا بنات

بغيت اسألكم شرايكم في دايت كير. انا كنت مشتركه بدايت سنتر قبل فتره وكان اكلهم زين وضعفت عليه شوي والحين ودي اشترك بدايت كير سمعت انه اكلهم احلى. وجم سعرهم اذا ممكن



ومشكورين

دايت كير انا عندى المركز الاول وفعلا اكلهم لا يعلا عليه بس مشكلتهم اغلا من باقى الشركات الشهر عندهم 225
والشركه حدها ممتازه وراح ينزل وزنج معاهم باذن الله

 

[حياة زوجي]

انا جربت لوفات بعد ولادتي

اكله زوين مو وااو مثل دايت كيير

بس حلوياتهم عجيييبة الترافل و حلو النمر و كلل الحلويات جربهم حيل حلوين

الريوق حيييل عادي شغل بيت
الغدا شي و شي
الشوريات مو ذاك الزود
بس ماعجبني ان العصير كان مو طبيعي ... مال المراعي وكله شكر !!! كبش موصحي

انا دايما اقيم الشركات ولو فات وايد بنات يرتاحون له والناس اذواق
يعنى انا عن تجربتى لحد الان عندى
دايت كير ممتاز
لينا ودينا جيد جدا
دايت سنتر جيد جدا
لوفات جيد

 

[حياة زوجي]

واليوم اول يوم مع فلكس غورميه


عصير برتقال

فطيره حلوم وزعتر

فواكه مشكله

سلطه ذره مع طماطم وموزريلا

شيش طاووق مع البطاط

كيك بالموكا

سلطه خضار مشكله مع الفطر

تارت لحمه

 

[<> إيلاف الكويت <>]

ايلاف الكويت


هذارقم لو فات 22250650
بصراحه انا مشتركه فيه من زمان اعتبره جيد جدا واكثر البنات يحبون هالشركه
ويفتحون من ساعه 9 الصبح لى ساعه 8

مشكووره حبيبتي حياة زوجي :eh_s(7):

 

[حياة زوجي]

طبعا اليوم اول يوم مع فلكس غورميه
وااااااااااااااااااايد الاكل تغير للاحسن وعجبنى اكلهم
ونشاء الله راح اصور لكم يوميا



ايلاف الكويت
حاضرين للطيبين واحنا خوات بالمنتدى

 

[Om_Ksha]

بنات انا كنت بشترك اب لوفات بس والله العظيم ان ريل بنت خالتي لقا زهيوي بالورق العنب والله و المفروض باجر ايني المندوب ادفع بس هونت و طبعا يقول حتا شعر يلقا بالاكل مسكين :\ ودي احطلكم الصوره بس مابي الوع جبدكم اهو حطها بتويتر والله لو انا منه اخلي البلديه او اسوي برودكاست عشان توصل الكل والله حرام انا حييل ودي اب شركه بس موعارفه

انا كله اتعامل مع دايت كير حده حده اكلهم لذيذ و نظيف و كلشي اوكي بس المشكله مايضعفني اكلهم وايد والله مادري بنات قولولي !

 

[Snow-White]

مشكوره حياة زوجي وعطينا رايج في الشركه اللي انتي مشتركه فيها

 

[حياة زوجي]

بنات انا كنت بشترك اب لوفات بس والله العظيم ان ريل بنت خالتي لقا زهيوي بالورق العنب والله و المفروض باجر ايني المندوب ادفع بس هونت و طبعا يقول حتا شعر يلقا بالاكل مسكين :\ ودي احطلكم الصوره بس مابي الوع جبدكم اهو حطها بتويتر والله لو انا منه اخلي البلديه او اسوي برودكاست عشان توصل الكل والله حرام انا حييل ودي اب شركه بس موعارفه

انا كله اتعامل مع دايت كير حده حده اكلهم لذيذ و نظيف و كلشي اوكي بس المشكله مايضعفني اكلهم وايد والله مادري بنات قولولي !

كلامج يخرع
بس انا اشتركت واكثر البنات اشتركو محد شكا منهم
انا بصراحه ما شفت شى منهم
بس ممكن اسألج السالفه متى صارت هالايام والا من زمان
وعلى فكره فى شركات وايد نظيفه مثل
لينا ودينا غيرو الشيف والمنيو وتطورو وايد اكلهم حلو
دايت سنتر اكلهم حلو
وانا مع فلكس غورميه لى ثانى يوم مرتاحه عليهم واكلهم نظيف

 

[حياة زوجي]

مشكوره حياة زوجي وعطينا رايج في الشركه اللي انتي مشتركه فيها

الحمدالله اكلهم لذيذ وممتاز البارحه

 

[حياة زوجي]

وهذا ثاني يوم مع فلكس غورميه




عصير برتقال فرش

مناقيش زعتر وجبن

سلطه قيصر

بريانى دجاج

كيك جوز الهند

متبل

برجر لحم

سلطه فاكهه

 

[om MaRyooM]

ام كشا

وااااااي خرعتيني علي سالفه الاكل
عاد اشتركت شهرررر

ولو انا منكم اشتكي عليهم صراحه
عشان الناس لاتنغش

الله يسترر



عموما الحين بنزلكم صور اكلي لليوم

 

[om MaRyooM]

البوم وصلني الاكل

انا اشتراكي من غير الريووق
ب١٦٤

الغدا مجبوس دياي مع الدقوس وسلطه سيزر
والحلو كرسبي

العشا همبرجر دياي
مع اصابع الخضار بصوص الرانش



وااي احس ظاق خلقي عالخبر
لاعت جبدي

 

[om MaRyooM]

حياة زوجي
حلو شكل الاكل
عليج بالعافية قلبي،،

علا طاري لينا ودينا امس شفت رفيجتي مشتركة فيه من اسبوع وايد مدحتهم

شكلي لما اخلص الشهر بجربهم اسبوعين وارد علي كالوري كنترول صراحه مع ان اكلهم ماصخ بس نظييف وبسرعه ينزل

 

[حياة زوجي]

حياة زوجي
حلو شكل الاكل
عليج بالعافية قلبي،،

علا طاري لينا ودينا امس شفت رفيجتي مشتركة فيه من اسبوع وايد مدحتهم

شكلي لما اخلص الشهر بجربهم اسبوعين وارد علي كالوري كنترول صراحه مع ان اكلهم ماصخ بس نظييف وبسرعه ينزل

عليج بالعافيه الاكل يشوق ولا توسوسين اخاف الخبر من زمان
انا ياما اشتركت معاهم ما شفت شى
اما عن فلكس غورميه اكلهم لذيذ وكل شى اوكى الحمدالله
ولينا ودينا اكلهم وايد حلو جربيهم راح يعجبج
اما كالورى كنترول ما ادرى احتمال ما ارجع لهم احس لقيت افضل منهم
صحيح عصايرهم فرش ومتنوعه والسندويشات روعه بس الغدا ماعجبنى والحلو نتفه

 

[Om_Ksha]

بنات سوري علا الخبر بس زيين ماحطيت الصووره عيل !!

اللي صارله كان الاسبوع اللي طاف والله

انزين بنات لينا و دينا ولا كالوري كنترول؟

 

[Om_Ksha]

حيااة زوجي

علا كلامج يعني ديينا و لينا او فلكس قورميه

مممم ماددري والله محتااره

 

[حياة زوجي]

حيااة زوجي

علا كلامج يعني ديينا و لينا او فلكس قورميه

مممم ماددري والله محتااره

بصراحه فلكس غورميه لحد الان روعه وكيكه الجوز الهند لذيذه وترفه واكلهم ممتاز
لينا ودينا ما اقدر اقول عنهم شى ممتازين
يعنى اختارى بين هالشركتين
تصدقين حاطه فى بالى لوفات بشترك عندهم لكن الخبر صرقعنا لوووووووووووول
راح نسمع التقارير من صديقتنا اذا شافت شى ويارب ما تشوف شى لا ننصدم اكثر

 

[~أنوار~]

بالعافيه حياتوووه :$




اخر اسبوع من دايت سنتر :eh_s(11)::eh_s(11):



الغدآ & العشا :eh_s(17):









------







​

 

[حياة زوجي]

انوار



بالعافيه ويارب ينزل وزنج بصحه وعافيه
انا وايد مرتاحه مع فلكس غورميه لحد اليوم كل شى اوكي

 

[om MaRyooM]

عدل كلامج بالنسبة لكالوري كنترول


وجم اشتراك الاسبوعين بلينا ودينا ،، وفلكس جورميه


وناويه علا دايت كير باذن الله بس حق رمضان